შებანია

1. მღვდელი, რომელიც საყვირს აყვირებდა დავითის დროს შეთანხმების კიდობნის იერუსალიმში გადატანისას (1მტ. 15:3, 24).

2. სამღვდელო საგვარეულო, რომელსაც იოსები წარმოადგენდა მღვდელმთავარ იეშუას მემკვიდრის, იოიაკიმის დროს (ნემ. 12:12, 14). ძვ. წ. 537 წელს ზერუბაბელთან ერთად დაბრუნებული მღვდლების მსგავს ჩამონათვალში შებანიას ნაცვლად შექანია წერია (ნემ. 12:1—7). გამგებელ ნეემიას დროს ამ საგვარეულოს წარმომადგენელმა ან ამავე სახელის მქონე მღვდელმა ერის მიერ იეჰოვასთან დადებული შეთანხმება დაადასტურა (ნემ. 10:1, 4, 8).

3. ეზრასა და ნეემიას თანამედროვე ლევიანთაგან ერთ-ერთი (ან ლევიანთა ერთ-ერთი საგვარეულოს წარმომადგენელი ამავე სახელით); ამ ლევიანებმა იუდეველთა სახელით აღიარეს ღვთის წინაშე ცოდვები, რის შემდეგაც შესთავაზეს მათ ერთგულების შეთანხმების დადება და ბეჭდის დასმით დაადასტურეს ის (ნემ. 9:4, 5, 38; 10:1, 9, 10).

4. სხვა ლევიანი, რომელმაც საკუთარი ან წინაპრის სახელით დაადასტურა „მტკიცე შეთანხმება“ (ნემ. 9:38; 10:9, 12).