უზი
[უზიას შემოკლებული ფორმა]
1. თოლას ძე ან შთამომავალი; ისაქარის ტომიდან. უზი და მისი ზოგიერთი შთამომავალი საგვარეულოს თავკაცები იყვნენ (1მტ. 7:1—3).
2. ბენიამინის შთამომავალი ბელას ხაზით. უზი საგვარეულოს თავკაცი იყო (1მტ. 7:6, 7).
3. აარონის შთამომავალი ელეაზარის ხაზით; მღვდელმთავართა შტოს წარმომადგენელი; ბიბლიის რამდენიმე წიგნის დამწერის, ეზრას, წინაპარი. შესაძლოა ფინხასის შვილთაშვილი (1მტ. 6:3—6, 51; ეზრ. 7:1—5).
4. ბენიამინელი, რომლის ვაჟიც ან შთამომავალიც გადასახლებიდან დაბრუნების შემდეგ იერუსალიმში ცხოვრობდა (1მტ. 9:3, 7—9).
5. იერუსალიმში მცხოვრები ლევიანების ზედამხედველი ბაბილონის ტყვეობიდან დაბრუნების შემდეგ გარკვეულ ხანში; ასაფის შთამომავალი (ნემ. 11:22).
6. სამღვდელო საგვარეულოს თავკაცი იედაიას სახლიდან მღვდელმთავარ იეშუას ძის, იოიაკიმის, დროს (ნემ. 12:1, 12, 19). შესაძლოა იგივე №7.
7. მღვდელი, რომელიც ტაძარში ნეემიას გვერდით იყო იერუსალიმის აღდგენილი გალავნის მიძღვნისას (ნემ. 12:27, 40—42). შესაძლოა იგივე №6.