გიცდია, დაგემოწმებინა საღამოთი?
1 ყველა ჩვენგანი სიამოვნებას პოვებს, როცა ნაყოფიერია ჩვენს საქმეში. სხვა მხრივ, როცა ვერ ვხედავთ დადებით შედეგებს, სამუშაო შეიძლება მოსაწყენად და შეუსრულებელად გადაიქცეს. აზრიანი შრომა პირადი ჯილდო და კურთხევაა (შეადარე ეკლესიასტე 3:10–13). ამ პრინციპის გამოყენება ჩვენს სამქადაგებლო საქმეში შეგვიძლია. გამოცდილებიდან ვიცით, რომ როცა კარდაკარ მივდივართ და ადამიანებთან ბიბლიის შესახებ ვსაუბრობთ, სახლში ვბრუნდებით სულიერად განახლებულები. ჩვენ ვგრძნობთ, რომ ნამდვილად შევასრულეთ რაღაც.
2 ზოგიერთ ადგილებში დღის ძირითად საათებში ძალზე გართულდა ადამიანების სახლში ნახვა. ცნობები გვიჩვენებს, რომ მრავალ ადგილზე ადამიანთა 50%-ზე მეტი არ არის სახლში, როცა მათთან მივდივართ დილით. მრავალი კრება ამ პრობლემას გაუმკლავდა, როცა დამოწმებას საღამოთი აწყობდნენ, რამაც კარგი შედეგები მოიტანა. მაუწყებლებმა გვამცნეს, რომ როცა ისინი მოგვიანებით მიდიოდნენ კარდაკარ, უფრო მეტი ხალხი იყო სახლში და, ხშირად, ისინი უფრო მშვიდი და უფრო მეტად განწყობილი იყვნენ სამეფოს შესახებ ცნობის მოსასმენად. გიცდია საღამოთი დამოწმება შენს უბანში? (შეადარე მარკოზი 1:32–34).
3 უხუცესები ორგანიზებას უწევენ საღამოთი დამოწმებას: ზოგან სამქადაგებლო მსახურების შეხვედრები საღამოს პირზე კარგი დამხმარე აღმოჩნდა. ანგარიში უნდა გაეწიოს ახალგაზრდა მაუწყებლებს, რომლებსაც სკოლაში მეცადინეობა შუადღისით უმთავრდებათ და უფროსებს, რომლებსაც სამუშაო დრო უმთავრდებათ დღის მიწურულს. ზოგიერთი მაუწყებლისთვის, რომლებიც დასვენების დღეებში ვერ მიდიან სამქადაგებლო მსახურებაში, პრაქტიკულია კვირის განმავლობაში საღამოობით დამოწმება, რათა რეგულარულად მიიღონ მონაწილეობა სამქადაგებლო საქმეში.
4 საღამოთი შეგიძლია სხვადასხვაგვარად დაამოწმო. კარდაკარ დამოწმებისას შეგიძლია ჟურნალების ან იმ თვის განმავლობაში შესათავაზებელი ლიტერატურის გამოყენება. საღამო მშვენიერი დროა იმ ადამიანებთან მისასვლელად, რომლებიც სახლში არ იყვნენ, როცა მაუწყებლები დღისით ან დასვენების დღეებში მიდიოდნენ. ამ დროს ტერიტორია ნაყოფიერი იქნება, აგრეთვე, ქუჩაში დამოწმებისთვის, როცა შეხვდები სამსახურიდან სახლში მიმავალ ხალხს. მრავალმა აღმოაჩინა, რომ საღამო საუკეთესო დროა მათი განმეორებითი მონახულებებისთვის, რომლებიც დაინტერესდნენ.
5 იყავი წინდახედული და გონიერი: დაბინდებისას ან ღამით ზოგიერთ ადგილებში გარეთ გასვლა სახიფათოა. ბრძნული იქნება, რომ წყვილ-წყვილად ან ჯგუფებად იაროთ კარგად განათებულ ქუჩებში და მიხვიდეთ მხოლოდ იმ სახლებსა თუ კორპუსებში, სადაც, დარწმუნებული ხართ, რომ საფრთხე არ გემუქრებათ. როცა კარზე აკაკუნებ, ისე დადექი, რომ ადვილად დაგინახონ და გარკვევით წარუდგინე თავი. იყავი გამრჩევი. თუ მიხვდი, რომ არახელსაყრელ დროს მიხვედი, მაგალითად, როცა ოჯახი სუფრას უზის, შესთავაზე სხვა დროს მისვლა. ჩვეულებრივ, უკეთესია, დაამოწმო საღამოს პირზე, ვიდრე გვიან მიხვიდე, როცა ოჯახის წევრები დასაძინებლად ემზადებიან.
6 ზაფხულის გრძელი საღამოები განსაკუთრებით ხელსაყრელია საღამოთი დამოწმებისთვის. რადგან ღმერთს ‘ვემსახურებით დღე და ღამე’, იეჰოვა უეჭველად აკურთხებს ჩვენს ძალისხმევას (გამოცხ. 7:15).