თეოკრატიული სამსახურის სკოლა 1998 წლისთვის

ისწავლო სკოლაში, ნიშნავს იმეცადინო და დაეუფლო გარკვეულ ცოდნას ან ხელობას. თეოკრატიული სამსახურის სკოლა გამუდმებით ზრდის ჩვენს შემეცნებას ღვთის შესახებ. ამ სკოლაში მონაწილეობის მიღება ასევე გვეხმარება, გავიუმჯობესოთ მეტყველება და სწავლების უნარი. სკოლის 1998 წლის პროგრამა შემდგომი სულიერი ზრდის შესაძლებლობებს მოგვცემს.

მომავალი წლის პროგრამას თუ გადახედავ, შეამჩნევ, რომ დავალება №3 დაფუძნებული იქნება პუბლიკაციებზე: „ჩემი წიგნი ბიბლიური მოთხრობებით“ და „ბიბლიური თემები საუბრებისთვის“. დამატებით, 1998 წლის პროგრამაში შევიდა წიგნი „ოჯახური ბედნიერება“ და №3 და №4 დავალებების საშუალებით ის მთლიანად იქნება განხილული. როდესაც დავალება №4 დაფუძნებულია წიგნზე „ოჯახური ბედნიერება“, ძმამ უნდა წარმოადგინოს ის, როგორც მოხსენება. შეხსენებისთვის: სკოლის პროგრამაში არავინ უნდა გადააჭარბოს დროს.

ახალი თავისებურება: პირადად ჩვენს სასარგებლოდ, თითოეული კვირის სიმღერის ნომრის შემდეგ ფრჩხილებში მოცემულია „ბიბლიის კითხვის დამატებითი პროგრამა“. მიუხედავად იმისა, რომ მასზე არ არის დაფუძნებული სკოლის ყოველკვირეული პროგრამის დავალებები, მიზნად დაისახე, მიჰყვე მას. ეს დაგეხმარება, ჩვევად გაიხადო ბიბლიის ყოველ­დღიურად კითხვა, თუ ჯერ არ აკეთებ ამას.

დავალებების, გარჩევებისა და წერითი გამეორებების შესახებ დამატებითი ინფორმაციის მისაღებად ყურადღებით წაიკითხე მითითებები „თეოკრატიული სამსახურის სკოლის გეგმაში 1998 წლისთვის“ და 1996 წლის ოქტომბრის „ჩვენი სამეფო მსახურების“ მე-3 გვერდზე.

ჯერ თუ არ ხარ ჩაწერილი თეოკრატიული სამსახურის სკოლაში, გიწვევთ, ახლა ჩაეწერო. ეს უბადლო სკოლა კვლავაც მნიშვნელოვან როლს ასრულებს იეჰოვასადმი მიძღვნილი თავმდაბალი ადამიანების მსახურებისთვის უკეთ მომზადებაში (1 ტიმ. 4:13–16).