რა გეგმები გაქვს ზაფხულისთვის?

¹ განა სწორი არაა, რომ მაშინ უფრო გვიხერხდება მიზნების განხორციელება, როდესაც გონივრულად ვგეგმავთ დროის გამოყენებას? ზაფხული მრავალ საშუალებას გვაძლევს თეოკრატიული ინტერესების წინ წასაწევად (იგავ. 21:5). რომელია ზოგიერთი მათგანი?

² კონგრესი, სახელწოდებით „ღვთისმოსაწონი ცხოვრების გზა“, ის მოვლენაა, რომელიც ყოველმა ჩვენგანმა გეგმებში უნდა შეიტანოს. გაენთავისუფლე სამსახურიდან ან დაეთხოვე სკოლიდან, რომ კონგრესის ყოველ დღეს დაესწრო. წინასწარ შეუკვეთე საცხოვრებელი ადგილი და იზრუნე მგზავრობაზე.

³ განა ცუდი იქნებოდა, რომ ზაფხულში უფრო მეტი გექადაგა? გრძელი დღეები და თბილი ამინდები ხელს შეგიწყობს, რომ სამქადაგებლო მსახურებაში მეტი დრო გაატარო. არდადეგები ახალგაზრდებს ზაფხულში ერთი ან მეტი თვით დამხმარე პიონერებად მსახურების საშუალებას აძლევს. სხვებმაც შეიძლება დაგეგმონ დამხმარე პიონერებად მსახურება აგვისტოში, როდესაც ხუთი შაბათ-კვირა იქნება. რადგანაც აგვისტოში სამსახურებრივ წელს ვამთავრებთ, ყველა შეეცდება, რაც შეიძლება სრულად იმსახუროს.

⁴ გეგმავ თუ არა დახმარების გაწევას მეზობელი კრებისთვის, რომელსაც დახმარება სჭირდება ტერიტორიის დამუშავებაში? სარაიონო ზედამხედველი მიაწვდის ცნობებს უხუცესებს თქვენს ტერიტორიაზე არსებული საჭიროებების შესახებ. თუ დააზუსტე ასეთი საჭიროების შესახებ და სურვილი გაქვს იშვიათად დამუშავებად, ან გაუნაწილებელ ტერიტორიებზე იქადაგო, მიმართე უხუცესებს. თუ არდადეგებზე სახლიდან შორს ხარ, დაგეგმე კრების შეხვედრებზე დასწრება და სამქადაგებლო მსახურებაში მონაწილეობა ადგილობრივ კრებასთან ერთად. თუ სტუმრად ხარ ნათესავებთან, რომლებიც იეჰოვას მოწმეები არ არიან, წინასწარ მოიფიქრე, თუ როგორ შეგიძლია გააცნო მათ ჭეშმარიტება.

⁵ რა გეგმები გაქვს ზაფხულისთვის? უეჭველია, გსურს დაისვენო. მაგრამ მხედველობიდან არ გამოგრჩეს უფრო მნიშვნელოვანი შესაძლებლობები, რომლებიც აღგძრავს სულიერად მხნედ იყო და ცხოვრებაში სამეფო პირველ ადგილზე დააყენო (მათ. 6:33; ეფეს. 5:15, 16).