სპეციალური ერთდღიანი კონგრესის ახალი პროგრამა

ახალი სამსახურებრივი წლის სპეციალური ერთდღიანი კონგრესის თემა, რომელიც საღვთო წერილზეა დაფუძნებული, არის: „დაემორჩილეთ ღმერთს, წინ აღუდექით ეშმაკს“ (იაკ. 4:7). ეს სანდო ხელმძღვანელობაა ამ რთულ დროში! ღვთის მცნებებისადმი მორჩილებით ჩვენ სატანას ვუპირისპირდებით. პროგრამიდან გავიგებთ, თუ როგორ შევეწინააღმდეგოთ ეშმაკის ბოროტ ხრიკებს, რომელიც ჩვენი რწმენის დასანგრევად არის მიმართული. რა სულიერი საგანძურებით დავჯილდოვდებით ამ კონგრესზე?

სარაიონო ზედამხედველი გამოვა თემით „ოჯახის წევრებო, დაემორჩილეთ ღმერთს“, რომელიც განამტკიცებს ოჯახებს, გაუძლონ წუთისოფლის წნეხს. პროგრამის პირველ თემით „რას ნიშნავს წინ აღუდგე ეშმაკს“ ისაუბრებს მოწვეული მომხსენებელი, რომელიც განმარტავს, რატომ და როგორ უნდა შევეწინააღმდეგოთ სატანის ხრიკებს, რომელიც ჩვენი სულიერობის დასანგრევად არის მიმართული. პროგრამის ორი ნაწილი სპეციალურად ახალგაზრდებისთვისაა მომზადებული, რომლებიც აგრეთვე ფხიზლად უნდა იყვნენ, რათა სატანის მზაკვრული ხერხების მსხვერპლნი არ გახდნენ. მრავალმა სრულასაკოვანმა ქრისტიანმა ახალგაზრდობაში უარი თქვა აჰყოლოდა წუთისოფლის სურვილებს. ჩვენ სიამოვნებით მოვისმენთ ზოგიერთი მათგანის შემთხვევებს.

ხელისუფლებისადმი მორჩილება საზოგადოებაში ყველას მოეთხოვება. ამგვარად, მოწვეული მომხსენებელი დასკვნით მოხსენებაში განიხილავს იმ ოთხ ასპექტს, რომლებშიც ღვთისადმი ჩვენი მორჩილება ნათელი უნდა იყოს: 1) ხელისუფლებისადმი, 2) კრებაში, 3) სამსახურში და 4) ოჯახურ წრეში. მართლაც რა პრაქტიკული პროგრამაა!

ამ სპეციალურ ერთდღიან კონგრესზე მონათვლის მსურველებმა, ამის შესახებ რაც შეიძლება მალე უნდა აცნობონ თავმჯდომარე ზედამხედველს. ყოველმა ჩვენგანმა კალენდარში უნდა აღნიშნოს ამ კონგრესის თარიღი და მთელ პროგრამაზე დასწრება დაგეგმოს. ჩვენ სამარადისოდ კურთხეულნი ვიქნებით, თუ მუდამ დავემორჩილებით იეჰოვას.