შეგიძლია, კრებას შენი სახლის კარი გაუღო?
1 პირველ საუკუნეში ბევრმა ქრისტიანმა კრებას სახლის კარი გაუღო ქრისტიანული შეხვედრების ჩასატარებლად (1 კორ. 16:19; კოლ. 4:15; ფლმ. 1, 2). დღესდღეობით ზოგიერთ კრებაში არ არის საკმარისი ადგილები წიგნის შესწავლისა და სამქადაგებლო მსახურების შეხვედრებისთვის. ამის შედეგად, ასეთ შეხვედრებს 30 ან კიდევ უფრო მეტი ადამიანი ესწრება, რაც გაცილებით აღემატება რეკომენდებულ რაოდენობას (დაახლოებით 15 კაცი).
2 დიდი პატივი. დაფიქრებულხარ, რომ საკუთარი სახლის კარი გაგეღო წიგნის შესწავლისთვის? საკმარისი ზომის, სუფთა, ნათელი ოთახი, რომელიც კარგად ნიავდება, საუკეთესოა ასეთი შეხვედრებისთვის. დიდი პატივია, თუკი ჩვენს სახლში წიგნის შესწავლა ტარდება, რადგან ეს კრების ერთ-ერთი შეხვედრაა და მისი საშუალებით იეჰოვა მოძღვრავს თავის ხალხს. ბევრმა დაინახა, რამდენად კარგი გავლენა მოახდინა მათ სულიერობაზე იმან, რომ უმასპინძლეს ასეთ შეხვედრებს.
3 თუ ფიქრობ, რომ შენი სახლი შესაფერისია, გთხოვთ, აცნობოთ უხუცესებს. შესაძლებელია, ისინი ეძებენ დამატებით ადგილებს. თუ არ არის შესაძლებელი, რომ შენს სახლში წიგნის შესწავლის შეხვედრები გაიმართოს, იქნებ სამქადაგებლო მსახურების შეხვედრების ჩატარება შეიძლება? და თუნდაც ამის საჭიროება არ იყოს დღეს, უხუცესებს გამოადგებათ იმის ცოდნა, რომ შესაძლებელია შენი სახლის გამოყენება. არ არის გამორიცხული, რომ ეს მომავალში გახდეს საჭირო.
4 გამოავლინე კარგი მანერები. როცა კერძო სახლში იკრიბებით, ყველა დამსწრე უნდა გაუფრთხილდეს მასპინძლის ქონებას. მშობლებმა ყურადღება უნდა მიაქციონ ბავშვებს, რომ არ დაიწყონ სახლში აქეთ-იქით სიარული და არ შევიდნენ სხვა ოთახებში. აგრეთვე მეზობლებსაც უნდა ვცეთ პატივი და ფრთხილად უნდა ვიყოთ, რომ არ შევაწუხოთ ისინი (2 კორ. 6:3, 4; 1 პეტ. 2:12).
5 ებრაელთა 13:16-ის მოგვიწოდებს: „არ დაივიწყოთ ქველმოქმედება და გაზიარება, ვინაიდან ასეთი მსხვერპლები სათნოა ღვთისათვის“. კრების შეხვედრებისთვის სახლის დათმობა „ქველმოქმედებისა“ და „გაზიარების“ გამოვლენის ერთ-ერთი საშუალებაა. ამით აგრეთვე ‘პატივს მივაგებთ უფალს ჩვენი ქონებიდან’ (იგავ. 3:9).