ახალი სპეციალური ერთდღიანი კონგრესის პროგრამა

ჩვენს დროში ბევრი ინფორმაცია არსებობს იმასთან დაკავშირებით, თუ როგორ შევინარჩუნოთ ჯანმრთელი გული, რათა დიდხანს ვიცოცხლოთ. კიდევ უფრო მნიშვნელოვანი ჩვენი სიმბოლური გულის მდგომარეობაა. მაშ, როგორი დროულია სპეციალური ერთდღიანი კონგრესის პროგრამა, რომელიც იწყება 2003 წლის სექტემბრიდან, სახელწოდებით „ემსახურე იეჰოვას მთელი გულით“ (1 ნეშტ. 28:9). რას ვისწავლით ამ კონგრესზე?

სარაიონო ზედამხედველი გამოვა მოხსენებით „დაეხმარე სხვებს, ემსახურონ იეჰოვას ხალისიანი სულით“. ინტერვიუებში გამოკვეთილი იქნება, თუ რა სიხარულს განვიცდით, როდესაც ინტერესს ვუღვივებთ და ბიბლიის შესწავლას ვუტარებთ მათ, ვისაც სურს ემსახუროს იეჰოვას. ყველა დამსწრე უეჭველად მიიღებს ნუგეშს და გამხნევდება მოწვეული მომხსენებლის პირველი მოხსენებით: „დაიცავით გული პრობლემებით სავსე წუთისოფელში“. დილის პროგრამა დასრულდება მოხსენებით მოსანათლავებისთვის.

სადილის შემდგომი პროგრამის დროს, მოხსენებაში „გავუწოდოთ დახმარების ხელი“ განხილული იქნება, თუ როგორ უნდა დავეხმაროთ სხვებს. როგორ შეუძლიათ მშობლებს, დაიცვან შვილების გული ცუდი გავლენისაგან და დაეხმარონ მათ იეჰოვასთან დაახლოებაში? მოხსენება „დაეხმარეთ შვილებს, რომ მათ სიამოვნებდეთ იეჰოვას მსახურება“ მოგვცემს პრაქტიკულ რჩევებს და გვიჩვენებს, თუ როგორ შეიძლება ამის გაკეთება.

ვსარგებლობთ ყოველივე იმით, რასაც იეჰოვა გვაძლევს სიმბოლური გულის დასაცავად და ჯანმრთელ მდგომარეობაში შესანარჩუნებლად? მოწვეული მომხსენებლის ბოლო მოხსენების სათაურია „კვლავაც მთელი გულით ემსახურეთ იეჰოვას“. ის ყურადღებას გაამახვილებს ოთხ მნიშვნელოვან მხარეზე, რომლებიც დაგვეხმარება სულიერობის შენარჩუნებაში. რამდენ დროსა და ძალას ვახმართ გულწრფელ ლოცვებს, ღვთის სიტყვის შესწავლას, გულმოდგინედ ქადაგებასა და თანაქრისტიანებთან ურთიერთობას? შეგვიძლია გავუმჯობესდეთ ამ სფეროებიდან რომელიმეში?

იეჰოვა ყველას გვიწევს: „შენი გული მიაპყარ დარიგებას და შენი ყურები — ცოდნის ნათქვამს“ (იგავ. 23:12). ახლავე დაგეგმე ამ სასარგებლო კონგრესზე დასწრება, რათა საღვთო წერილში მოცემული მითითებები მიიღო. ასე მოქმედებით კიდევ უფრო განმტკიცდები, რომ იეჰოვას მთელი გულითა და ხალისიანი სულით ემსახურო.