კიდევ ერთი დამხმარე საშუალება

ჭეშმარიტი ქრისტიანები საჯარო მსახურებით სასიხარულო ცნობას ავრცელებენ (ფილ. 2:17). ამ საქმის შესასრულებლად რამდენიმე ძირითადი ბროშურა, ტრაქტატი და სტატია დაახლოებით 20 ენაზე ინტერნენტშია შესული შემდეგ მისამართზე: www.watchower.org. ვებ-საიტი არ არის გათვალისწინებული იეჰოვას მოწმეების მიმდინარე ჟურნალების გავრცელებისთვის. მისი მიზანია, რომ საზოგადოებას ზუსტი ინფორმაცია მიაწოდოს იეჰოვას მოწმეთა ბიბლიური სწავლებების შესახებ.

ახლახან მნიშვნელოვანი გვერდი დაემატა ჩვენს ოფიციალურ ვებ-საიტს. ეს არის ბროშურა „რას მოითხოვს ღმერთი ჩვენგან?“ 220-ზე მეტ ენაზე. აგრეთვე, 2004 წლის იანვრიდან „საგუშაგო კოშკისა“ და „გამოიღვიძეთ!“-ის (ყველა ენაზე) ბოლო გვერდზე მოცემული იქნება ვებ-საიტის მისამართი.

როგორ შეგიძლია ამ დამხმარე საშუალების გამოყენება? შეიძლება შეხვდე ისეთ პიროვნებას, რომელსაც ატყობ ბიბლიისადმი ინტერესს, მაგრამ მხოლოდ სხვა ენა ესმის. თუ ის სარგებლობს ინტერნეტით, შეგიძლია ვებ-საიტის მისამართი აჩვენო „საგუშაგო კოშკისა“ და „გამოიღვიძეთ!“-ის ბოლო გვერდზე. ასეთი სახით მას ექნება საშუალება, ნახოს ბროშურა „რას მოითხოვს“ მშობლიურ ენაზე, ვიდრე განმეორებით მიაკითხავ და მიუტან ლიტერატურას თავის ენაზე. აგრეთვე შეგიძლია მისი მისამართი გადასცე იმ კრებას ან ჯგუფს, სადაც მის ენაზე ატარებს შეხვედრებს.