სარგებლობა, რომელიც მოაქვს ვიდეოფილმს „არავითარი სისხლი — მედიცინა გამოსავალს პოულობს“

რამდენად კარგად ხართ გათვითცნობიერებული, თუ რა უსისხლო პრეპარატებია დღეს ხელმისაწვდომი? იცით თუ არა სისხლის გადასხმის რა ალტერნატივები არსებობს და როგორ მოქმედებს ისინი? უყურეთ ამ ვიდეოფილმს და ქვემოთ მოყვანილი კითხვების დახმარებით შეამოწმეთ თქვენი ცოდნა (შენიშვნა: ვიდეოფილმში ჩართულია ქირურგიული ოპერაციის ამსახველი კადრები. ამიტომ მშობლებმა გონიერება უნდა გამოავლინონ იმის გადაწყვეტისას, უნდა უყურონ თუ არა ამ კადრებს მათმა შვილებმა).

1) რომელი ძირითადი მიზეზის გამო ამბობენ იეჰოვას მოწმეები უარს სისხლის გადასხმაზე და სად შეიძლება ბიბლიაში ამ პრინციპის პოვნა? 2) რა არის ჩვენი სურვილი მკურნალობასთან დაკავშირებით? 3) რა ძირითადი უფლება აქვთ პაციენტებს? 4) რატომ არის გონივრული სისხლის გადასხმაზე უარის თქმა? 5) სისხლის დიდი რაოდენობით დაკარგვისას რა ორ ზომას მიმართავენ სასწრაფოდ ექიმები? 6) რა საფრთხესთან არის დაკავშირებული სისხლის გადასხმა? 7) რა საშუალებები აქვთ ქირურგებს იმისათვის, რომ ოპერაციის დროს მინიმალურად დაიკარგოს სისხლი? 8) რა უნდა იცოდეთ სისხლის გადასხმის ნებისმიერი ალტერნატიული საშუალების შესახებ? 9) შეიძლება თუ არა სერიოზული და რთული ქირურგიული ოპერაციის სისხლის გადასხმის გარეშე გაკეთება? 10) იეჰოვას მოწმეებისთვის რის გასაკეთებლად არის მზად სულ უფრო და უფრო მეტი ექიმი და, საბოლოოდ, რა ნორმა დგინდება ყველა პაციენტის სამკურნალოდ?

ვიდეოფილმში ნაჩვენები ნებისმიერი მკურნალობის მეთოდის გამოყენების საკითხი თითოეულმა ადამიანმა პირადად, საკუთარი სინდისის საფუძველზე უნდა გადაწყვიტოს (იხილეთ 2004 წლის 15 ივნისის „საგუშაგო კოშკი“, გვ. 22—24, 29—31 და 2000 წლის 15 ოქტომბრის „საგუშაგო კოშკი“, გვ. 30, 31).