ვიდეოფილმი მედიცინის მიერ აღებული მნიშვნელოვანი კურსის შესახებ

იურისტები და ექიმები სულ უფრო მეტ ყურადღებას უთმობენ პაციენტების ეთიკურ შეხედულებებსა და უფლებებს. ამან წინა პლანზე წამოსწია მკურნალობის ახალი მეთოდები, რომლებითაც იეჰოვას მოწმეებს შეუძლიათ ისარგებლონ (საქ. 15:28, 29). სწორედ ამაზე ამახვილებს ყურადღებას ვიდეოფილმი „უსისხლო ქირურგია — მკურნალობა და პაციენტის უფლებების დაცვა“ (Медицина без переливания крови. Как помочь больному, не нарушая его прав). უყურეთ ამ ფილმს, შემდეგ კი ქვემოთ მოყვანილი კითხვებით გაიმეორეთ ის (შენიშვნა: ვიდეოფილმი შეიცავს ქირურგიული ოპერაციის ამსახველ მოკლე კადრებს, ამიტომ მშობლებს გონიერების გამოვლენა მართებთ იმის გადასაწყვეტად, პატარა ბავშვებთან ერთად უყურონ თუ არა მას).

1) რატომ დაიწყო მედიცინის ზოგმა მუშაკმა სისხლის გადასხმის გამოყენების გადასინჯვა? 2) მოიყვანეთ რთული ოპერაციების სამი შემთხვევა, რომლებიც შეიძლება სისხლის გადასხმის გარეშე გაკეთდეს. 3) მსოფლიოს მასშტაბით რამდენმა ქირურგმა გამოთქვა მზადყოფნა, რომ გააკეთებენ ოპერაციებს სისხლის გადასხმის გარეშე? რატომ იქცევიან ისინი ასე? 4) რა გამოვლინდა ბოლო დროს ჩატარებული სამედიცინო გამოკვლევების შედეგად სისხლის გამოყენებასთან დაკავშირებით? 5) რა რისკ-ფაქტორებთან არის დაკავშირებული სისხლის გადასხმა? 6) რა დასკვნამდე მივიდა მრავალი სპეციალისტი სისხლის გადასხმის ალტერნატიულ საშუალებებთან დაკავშირებით? 7) რა იწვევს ანემიას? რა დონის ანემიის ატანა შეუძლია ადამიანის ორგანიზმს? რის გაკეთება შეიძლება ამ დროს? 8) როგორ შეიძლება სისხლის წითელი უჯრედების წარმოქმნის სტიმულირება? 9) რომელ მეთოდებს იყენებენ ოპერაციის დროს სისხლის დანაკარგის შესამცირებლად? 10) ეფექტურია სისხლის გადასხმის ალტერნატიული საშუალებები პატარა ბავშვებისთვის ან მათთვის, ვის სიცოცხლესაც საფრთხე ემუქრება? 11) რომელია ერთ-ერთი ძირითადი ეთიკური პრინციპი კარგი სამედიცინო დახმარების აღმოსაჩენად? 12) რატომ არის მნიშვნელოვანი ქრისტიანებისთვის, წინასწარ იცოდნენ, რომელი ალტერნატიული საშუალებებით იმკურნალებენ? როგორ შეგვიძლია ამის გაკეთება?

თითოეულმა ბიბლიით განსწავლული სინდისის კარნახის საფუძველზე პირადად უნდა გადაწყვიტოს, დათანხმდება თუ არა ვიდეოფილმში აღწერილ მკურნალობის მეთოდებზე. უკვე გადაწყვიტეთ, სისხლის გადასხმის რომელი ალტერნატიული საშუალებებია თქვენთვის და თქვენი შვილებისთვის მისაღები? ოჯახის ის წევრები, რომლებიც იეჰოვას მოწმეები არ არიან, სრულად უნდა იყვნენ ინფორმირებულნი თქვენი გადაწყვეტილებისა და მისი მიზეზების შესახებ (იხილეთ „მკითხველთა შეკითხვები“ 2004 წლის 15 ივნისისა და 2000 წლის15 ოქტომბრის „საგუშაგო კოშკში“).