რომელია ყველაზე საუკეთესო სამედიცინო მომსახურება?

„ყველა, ვინც უსისხლო მკურნალობას მიმართავს, საუკეთესო სამედიცინო მომსახურებას ირჩევს“, — ამბობს ანესთეზიოლოგი, დ-რი მაიკლ როუზი. რა პროცედურები და სისხლის გადასხმის რა ალტერნატივები შეიძლება შედიოდეს „უსისხლო მედიცინაში“? აუცილებელია, ამ საკითხში გათვითცნობიერებული იყოთ, რათა მკურნალობასთან დაკავშირებით გააზრებული გადაწყვეტილების მიღება შეგეძლოთ. უყურეთ ფილმს „არავითარი სისხლი — მედიცინა გამოსავალს პოულობს“ და ქვემოთ მოყვანილი კითხვებით განიხილეთ ის (შენიშვნა: ფილმი შეიცავს ქირურგიული ოპერაციის ამსახველ მოკლე კადრებს, ამიტომ მშობლებს გონიერების გამოვლენა მართებთ იმის გადასაწყვეტად, უყურონ თუ არა მას პატარა ბავშვებთან ერთად).

1) რომელი ძირითადი მიზეზის გამო ამბობენ იეჰოვას მოწმეები უარს სისხლის გადასხმაზე? 2) რა არის ჩვენი სურვილი მკურნალობასთან დაკავშირებით? 3) რა ძირითადი უფლება აქვთ პაციენტებს? 4) რატომ არის გონივრული, რომ სისხლის გადასხმის ნაცვლად ალტერნატიულ საშუალებებს მივმართოთ? 5) სისხლის დიდი რაოდენობით დაკარგვისას რა ორ ზომას მიმართავენ ექიმები დაუყოვნებლივ? 6) სისხლის გადასხმის რომელ ოთხ ალტერნატიულ მეთოდს იყენებენ ექიმები? 7) როგორ შეუძლიათ ექიმებს: ა) სისხლის დანაკარგის მაქსიმალურად შემცირება? ბ) სისხლის წითელი უჯრედების შენარჩუნება? გ) სისხლის წარმოქმნის სტიმულირება? და დ) დაკარგული სისხლის აღდგენა? 8) აღწერეთ ა) ჰემოდილუციისა და ბ) სისხლის დაზოგვის პროცედურები. 9) რა უნდა იცოდეთ სისხლის გადასხმის ნებისმიერი ალტერნატიული საშუალების შესახებ? 10) შეიძლება თუ არა სერიოზული და რთული ქირურგიული ოპერაციების გაკეთება სისხლის გადასხმის გარეშე? 11) რა დადებითი ძვრები შეინიშნება მედიცინის სფეროში?

თითოეულმა ბიბლიით განსწავლული სინდისის საფუძველზე პირადად უნდა გადაწყვიტოს, დათანხმდება თუ არა ფილმში აღწერილ მკურნალობის მეთოდებს. უკვე გადაწყვიტეთ, სისხლის გადასხმის რომელი ალტერნატიული საშუალებებია თქვენთვის და თქვენი შვილებისთვის მისაღები? ოჯახის ის წევრები, რომლებიც იეჰოვას მოწმეები არ არიან, სრულად უნდა იყვნენ ინფორმირებულნი თქვენი გადაწყვეტილებისა და იმის შესახებ, თუ რატომ მიიღეთ ასეთი გადაწყვეტილება (იხილეთ „მკითხველთა შეკითხვები“ 2004 წლის 15 ივნისისა და 2000 წლის 15 ოქტომბრის „საგუშაგო კოშკში“).