რა გზას აირჩევ ცხოვრებაში?

¹ ზოგჯერ ბავშვს ეკითხებიან: ვინ გინდა გამოხვიდე, როცა გაიზრდები? ძმებო, როდესაც პატარები იყავით, შეიძლება ამბობდით, რომ გინდოდათ გამოსულიყავით ფეხბურთელი, პოლიციელი ან სარაიონო ზედამხედველი. დებო, თქვენ ვინ გინდოდათ გამოსულიყავით: მასწავლებელი, ექიმი თუ სპეციალური პიონერი? ახლა, როცა უკვე გაიზარდე, ჰკითხე საკუთარ თავს: „რა გზა ავირჩიო ცხოვრებაში?“ მზად ხარ გადაწყვეტილების მისაღებად?

² საუკეთესო გადაწყვეტილების მიღებაში დაგეხმარება იეჰოვას ორგანიზაციის მიერ გამოშვებული DVD სათაურით „ახალგაზრდების შეკითხვები — რა გზას ავირჩევ ცხოვრებაში?“. გთხოვთ ნახოთ ის და სერიოზულად დაფიქრდეთ მასში განთავსებულ ფილმზე, ინტერვიუებსა და დამატებით მასალაზე. ეს მასალა მითითებულია ჩარჩოში „მთავარი მენიუ“.

³ ფილმი: ფილმის ყურებისას დაფიქრდი შემდეგ კითხვებზე: 1) რა მსგავსებაა ბერძნულ წერილებში მოხსენიებულ ტიმოთესა და ანდრეს შორის? (საქ. 16:1; 1 ტიმ. 4:8; 2 ტიმ. 1:5). 2) ვინ და როგორ უბიძგებდა ანდრეს, გამხდარიყო გამოჩენილი მორბენალი? 3) ვინ ახდენდა ტიმოთესა და ანდრეზე დადებით გავლენას და როგორ? (2 ტიმ. 1:1—4; 3:14, 15). 4) როგორ იმოქმედა ანდრეზე მათეს 6:24-სა და ფილიპელების 3:8-ში ჩაწერილმა სიტყვებმა და როგორ მოქმედებს ეს სიტყვები თქვენზე?

⁴ ეპიზოდები: მთლიანი ფილმის ყურების შემდეგ კიდევ ერთხელ ნახე შემდეგი ეპიზოდები და უპასუხე ქვემოთ მოცემულ კითხვებს. „პავლე და ტიმოთე“: რა ურჩია პავლემ უკანასკნელად ტიმოთეს? (2 ტიმ. 4:5). „იეჰოვასთვის საუკეთესოს გაღება“: რა სულიერი მიზნები გაქვს დასახული? „იეჰოვას მხარის დაკავება“: საიდან მომდინარეობს ნამდვილი ბედნიერება? „ბებიის რჩევა“: რა არის ცუდი იმაში, რომ სატანის ქვეყნიერებაში ვარსკვლავი გახდე? (მათ. 4:9). „არ ვნანობ“: რა მოგიტანს ცხოვრებაში ნამდვილ კმაყოფილებას? (იგავ. 10:22).

⁵ ინტერვიუები: თითოეული ნაწილიდან რას აღნიშნავდი, რაც დაგეხმარებოდა, საუკეთესო გაგეკეთებინა იეჰოვასთვის? 1) „რას უძღვნი თავს, ამაო მიზნებს თუ ღმერთს?“ (1 იოან. 2:17). 2) „სიხარული პოვე მსახურებაში“ (ფსალმ. 27:14). 3) „მსახურების ფართო კარი იხსნება“ (მათ. 6:33).

⁶ წარსულის გახსენებისას: შეგიძლია უპასუხო? 1) რა მიზნებისკენ ისწრაფოდნენ და და ძმა, და რატომ? 2) რა წარმატებებს მიაღწიეს მათ? 3) რამ მოახდინა მათ ცხოვრებაში გარდატეხა? (2 კორ. 5:15). 4) რა თეოკრატიული მიზნებით შეცვალეს მათ თავიანთი ძველი მისწრაფებები და რატომ ფიქრობდნენ, რომ შეუძლებელი იყო ორივეს ერთმანეთთან შეთავსება? 5) ნანობენ ისინი, რომ შეიცვალეს ცხოვრების კურსი? 6) მათი ნათქვამიდან განსაკუთრებით რამ დაგაფიქრათ საკუთარ მიზნებზე?

⁷ დამატებითი ინტერვიუები: რა გაიგე თითოეული ინტერვიუდან, რაც მსახურების გაფართოებაში დაგეხმარებოდა? 1) „პირადი შესწავლის ღირებულება“. 2) „მსახურების სხვადასხვა სფერო“. 3) „ბეთელში მსახურება“. 4) «მისიონერების მოსამზადებელი სკოლა „გალაადი“». 5) „მსახურებაში დახელოვნების სკოლა“. (გადახედე „დამატებითი პუბლიკაციების ინდექსს“ და წაიკითხე ის მასალა, რომელიც ყველაზე მეტად დაგაინტერესებს).

⁸ მაშ გადაწყვიტე, რა გზას აირჩევ ცხოვრებაში? პავლემ მოუწოდა ტიმოთეს: „ამაზე იფიქრე და ამით დაკავდი, რათა ყველასთვის ცხადი გახდეს შენი წარმატება“ (1 ტიმ. 4:15). ჩვენც მოგიწოდებთ, რომ შენც გაითვალისწინო პავლეს რჩევა მას შემდეგ, რაც უყურებ ამ DVD-ის. სთხოვე იეჰოვას დაგეხმაროს, რომ სწორი გადაწყვეტილება მიიღო და გააკეთო ის, რაც სიხარულს, კმაყოფილებასა და კურთხევებს მოგიტანს როგორც ახლა, ისე მომავალში.

[ჩარჩო 6 გვერდზე]

მთავარი მენიუ

ფილმი

ეპიზოდები (11 ეპიზოდი)

ინტერვიუები

მთლიანად ჩვენება

ნაწილები (3 ნაწილი)

წარსულის გახსენებისას

დამატებითი მასალა

დამატებითი ინტერვიუები

დამატებითი პუბლიკაციების ინდექსი

სუბტიტრები

სმენადაქვეითებულთათვის;

სუბტიტრების გარეშე

ძიებისთვის გამოიყენეთ ეკრანზე მოცემული კლავიშები „წინ ▶“, „◀ უკან“ და „მთავარი მენიუ“.