სარაიონო კონგრესის ახალი პროგრამა

როგორ შეგვიძლია, წინააღმდეგობა გავუწიოთ მათ, ვინც გააფთრებით ებრძვის ჭეშმარიტ თაყვანისმცემლობას? რა დაგვეხმარება, რომ გავუძლოთ სატანის შემოტევებს, რომელიც გამუდმებით ცდილობს, ამ უღვთო ქვეყნიერებაში დაგვაბრუნოს? ამ კითხვებზე პასუხს გაგვცემს 2009 სამსახურებრივ წელს ჩატარებული სარაიონო კონგრესი. კონგრესის თემაა „სძლიე ბოროტებას სიკეთით“ (რომ. 12:21). მოდი თვალი გადავავლოთ, თუ რა იქნება წარმოდგენილი ამ კონგრესის პროგრამაზე.

საოლქო ზედამხედველი გამოვა შემდეგი მოხსენებებით: „ღმერთი გვაძლევს ძალას, რომ ბოროტებას სიკეთით ვძლიოთ“, „მოერიდეთ თავდაჯერებულობას!“, „ბოროტებას მალე ბოლო მოეღება!“ და „განვიმტკიცოთ რწმენა, რომ ვძლიოთ ქვეყნიერებას!“. სარაიონო ზედამხედველის პირველი მოხსენება „ახლაა დრო, რომ ვიფხიზლოთ!“ დაფუძნებული იქნება რომაელების 13:11—13-ზე, ხოლო მეორე მოხსენება იგავების 24:10-ზე. ამ მოხსენების სათაურია „გული არ გაგიტყდეთ გაჭირვების დროს“. გარდა ამისა, სარაიონო ზედამხედველი ისაუბრებს შემდეგ საკითხზე: „მივაქციოთ ყურადღება რაიონის მოთხოვნილებებს“. ჩვენ ასევე მოვისმენთ კიდევ ერთ საინტერესო მოხსენებას „შეგიძლია, იმსახურო პიონერად?“ ორი მოხსენებათა სერიიდან პირველი იქნება „მტკიცედ დაუდექით ეშმაკის ხრიკებს“. პროგრამის ეს ნაწილი დაგვეხმარება, ამოვიცნოთ და უარვყოთ ეშმაკის ხრიკები, რომლებიც ტექნოლოგიური მიღწევების, გართობისა და განათლების მიღების მიღმა იმალება. მეორე მოხსენებათა სერიაში „გაძლიერდით, რომ შეძლოთ წინააღმდეგობის გაწევა ბოროტ დღეს“ ნაჩვენები იქნება, თუ როგორ შეგვიძლია, უფრო მეტად გამოვიყენოთ ეფესოელების 6:10—18-ში ღვთის შთაგონებით ჩაწერილი რჩევები.

ბოროტების დაძლევა სამეფოს ცნობის ქადაგებითაა შესაძლებელი (გამოცხ. 12:17). ამიტომ გასაკვირი არაა, რომ სატანა გაცხარებით უტევს იეჰოვას მოწმეებს (ეს. 43:10, 12). ეშმაკი ვერაფერს გახდება, რადგან გადაწყვეტილი გვაქვს, რომ ‘ბოროტებას სიკეთით ვძლიოთ’. ყველაფერი ისე მოაგვარე, რომ სარაიონო კონგრესის მთლიან პროგრამას დაესწრო და სრული სარგებლობა მიიღო მისგან.