სპეციალური ერთდღიანი კონგრესის ახალი პროგრამა

2009 სამსახურებრივი წლის სპეციალური ერთდღიანი კონგრესის თემაა „ყურადღებით იყავი, რომ შეასრულო მსახურება“. ეს თემა დაფუძნებულია კოლოსელების 4:17-ზე. ჩვენ, ქრისტიანები მთელი სერიოზულობით ვეკიდებით ამ მოწოდებას. ჩვენი მიზანია, რომ მსახურებაში ისეთივე ერთგულები ვიყოთ, როგორც იესო (იოან. 17:4). ამ მხრივ პავლე მოციქულმაც მისაბაძი მაგალითი დაგვიტოვა. მას მიზნად ჰქონდა დასახული, რომ ბოლომდე შეესრულებინა თავისი მსახურება (საქ. 20:24).

სარაიონო ზედამხედველის მოხსენებაში ნაჩვენები იქნება, თუ როგორ უმკლავდება მრავალი მაუწყებელი მსახურებაში წამოჭრილ პრობლემებს. შემდეგ მოხსენებაში „გაუღვივეთ ინტერესი მათ, ვინც ჭეშმარიტებით დაინტერესდა“, ყურადღება გამახვილდება იმაზე, თუ როგორ შეგვიძლია დავეხმაროთ მათ, ვინც ‘მარადიული სიცოცხლისთვის არის განწყობილი’ (საქ. 13:48). მოწვეული მომხსენებელი თავის პირველ მოხსენებაში „ჩვენ ვშუამდგომლობთ საკუთარ თავს, რომ ღვთის მსახურები ვიყოთ“ 2 კორინთელების 6:1—10-დან სათითაოდ განიხილავს ყველა მუხლს. ნაშუადღევის პროგრამაში კი მისი მოხსენების სათაური იქნება „დააფასე შენი მსახურება!“. უდავოდ ძალიან გაგამხნევებთ შემდეგი მოხსენებები: „ახალგაზრდები და ხანდაზმულები სიხარულს განიცდიან მსახურებაში“ და „ახალგაზრდები, რომლებიც ყოველმხრივ ასრულებენ თავიანთ მსახურებას“. მას, ვისაც სურს, რომ თავის მიძღვნის ნიშნად მოახლოებულ კონგრესზე მოინათლოს, რაც შეიძლება მალე უნდა აცნობოს ამის შესახებ კრების თავმჯდომარე ზედამხედველს. ყველა კონგრესზე განიხილება „საგუშაგო კოშკი“, ამიტომ თან წამოიღეთ იმ კვირაში განსახილველი ჟურნალი.

ჩვენ ყურადღებით ვეკიდებით იმას, რომ შევასრულოთ მსახურება და ვცდილობთ, არაფერს დავრთოთ ნება, ხელი შეგვიშალოს იეჰოვას მიერ მონდობილი საქმის კეთებაში. სპეციალური ერთდღიანი კონგრესი ჩვენთვის გამამხნევებელი იქნება. ეს კონგრესი დაგვანახვებს, თუ რა უნდა გავაკეთოთ იმისთვის, რომ სწორი აზროვნება გვქონდეს და ყოველმხრივ შევასრულოთ ჩვენი მსახურება.