იყოს ღვთის ნება
1. რა არის 2012 წლის სპეციალური ერთდღიანი კონგრესის პროგრამის თემა და რატომ არის ამ თემის განხილვა მართებული?
1 ჩვენ ღვთის ნებით ვართ შექმნილნი (გამოცხ. 4:11). ამიტომ ღვთის ნების შესწავლისა და მისი შესრულების გარეშე შეუძლებელია, ვიცხოვროთ იმ მიზნით, რა მიზნითაც ღმერთმა შეგვქმნა. ეს არც ისე ადვილია, როგორც ერთი შეხედვით შეიძლება ჩანდეს, რადგან ვებრძვით ჩვენში არსებულ მიდრეკილებას, „ვასრულებდეთ ჩვენი ხორცისა და ფიქრების ნებას“ ან ვიქცეოდეთ „ქვეყნიერების ნებისამებრ“ (ეფეს. 2:3; 1 პეტ. 4:3; 2 პეტ. 2:10). ღვთის დახმარების გარეშე იმის საფრთხე შეგვექმნებოდა, რომ ეშმაკს „ცოცხლად . . . დავეჭირეთ და თავის ნებაზე ვეტარებინეთ“ (2 ტიმ. 2:26). სპეციალური ერთდღიანი კონგრესის 2012 სამსახურებრივი წლის პროგრამა თითოეულ ჩვენგანს დაეხმარება, იცხოვროს ლოცვის ნიმუშის მესამე თხოვნის, „იყოს შენი ნება“, თანახმად მოქმედებაში (მათ. 6:9, 10).
2. პროგრამის მსვლელობისას, რომელ კითხვებს გაეცემა პასუხი?
2 კითხვები, რომლებსაც პასუხი გაეცემა: პროგრამის მსვლელობისას მიიღებთ პასუხს შემდეგ კითხვებზე: რა არის ისეთივე მნიშვნელოვანი, როგორც ღვთის სიტყვის მოსმენა? როგორ შეგვიძლია ჩავწვდეთ, რა არის ღვთის ნება ჩვენ შემთხვევაში? რატომ უნდა ვიყოთ მზად, რომ ყველანაირ ადამიანს ვუქადაგოთ? რა უნდა გავაკეთოთ, რომ ჩვენი ცხოვრება აზრიანი და კმაყოფილებით სავსე იყოს? ახალგაზრდებო, რა უნდა დაუმტკიცოთ იეჰოვას? რა კურთხევები მოაქვს ღვთის ნების შესრულებას? რატომ არის აუცილებელი დღეს, ისე როგორც არასდროს, სხვების აღშენება და გამხნევება?
3. როგორ შეგვიძლია ჩვენთვის უფრო სასარგებლო გავხადოთ სპეციალური კონგრესის პროგრამა?
3 წინასწარ იზრუნე იმაზე, რომ აუცილებლად დაესწრო ამ კონგრესს და გულდასმით მოუსმინე პროგრამას. კონგრესზე მოწვეულ მომხსენებლად იქნება ფილიალის წარმომადგენელი ან სარაიონო ზედამხედველი. პროგრამის დაწყებამდე და დამთავრების შემდეგ შეგიძლია თავისუფლად დაელაპარაკო მას და მის მეუღლეს, თუ ის დაოჯახებულია. სახლში დაბრუნებისას, ნუ იქნები „გულმავიწყი მსმენელი“. ოჯახთან ერთად გაიმეორე პროგრამა და ისაუბრეთ იმაზე, როგორ შეგიძლიათ უფრო სრულად შეასრულოთ ღვთის ნება (იაკ. 1:25).
4. რატომ არის მნიშვნელოვანი ღვთის ნების პირველ ადგილზე დაყენება?
4 ძალიან მალე იეჰოვა გაანადგურებს ყველას, ვინც საკუთარ სურვილებს არის აყოლილი და ღვთის ნებას არ ემორჩილება (1 იოან. 2:17). ამიტომ მადლიერები ვართ იეჰოვასი, რომ მოგვიმზადა ეს დროული ინფორმაცია, რომელიც ღვთის ნების პირველ ადგილზე დაყენებაში დაგვეხმარება!