გაუფრთხილდი გონებას!
1. რა არის 2013 სამსახურებრივი წლის სარაიონო კონგრესის თემა და პროგრამის მიზანი?
1 იესომ უთხრა თავის მოწაფეებს, რომ ჰყვარებოდათ იეჰოვა მთელი გულით, სულითა და გონებით (მათ. 22:37, 38). წლევანდელი კონგრესები ჩვენი შინაგანი პიროვნების განმტკიცებას ემსახურება. როგორც გვახსოვს, საოლქო კონგრესის თემა იყო „გულს გაუფრთხილდი!“. 2013 სამსახურებრივი წლის სპეციალური ერთდღიანი კონგრესის თემაა „გაუფრთხილდი სინდისს!“. სექტემბრიდან დაწყებული სარაიონო კონგრესების თემა კი, რომელიც დაფუძნებულია მათეს 22:37-ზე, იქნება „გაუფრთხილდი გონებას!“. პროგრამა დაგვეხმარება, ჩვენი ფიქრები უფრო მოსაწონი გახდეს იეჰოვასთვის.
2. რა კითხვებს გაეცემა პასუხი პროგრამის დროს?
2 რა იქნება წარმოდგენილი. სარაიონო კონგრესის დროს ჩვენ პასუხებს მივიღებთ ქვემოთ მოცემულ კითხვებზე, რომლებიც მთავარ აზრებს გაუსვამს ხაზს.
• როგორ შეგვიძლია მოვერიდოთ „ადამიანურზე ფიქრს“?
• როგორ დავეხმაროთ მათ, ვისაც დაბრმავებული აქვთ გონება?
• როგორი აზროვნება უნდა გვქონდეს?
• რატომ არის კარგი სულიერზე ფიქრი?
• რა უნდა გავაკეთოთ, თუ გვსურს, რომ იეჰოვამ „გამოგვძერწოს“?
• როგორ შეუძლიათ ქმრებს, ცოლებს, მშობლებსა და შვილებს ხელი შეუწყონ ოჯახურ ბედნიერებას?
• როგორ მოვემზადოთ იეჰოვას დღისთვის?
• რას ნიშნავს მოქმედებისთვის გონების მომზადება?
• რატომ არის კარგი ნასწავლის თანახმად ცხოვრება?
3. რატომ არის მნიშვნელოვანი, დავესწროთ ორივე დღეს, მოვუსმინოთ ყურადღებით და ნასწავლი ცხოვრებაში გამოვიყენოთ?
3 სატანა ცდილობს, გარყვნას ჩვენი გონება (2 კორ. 11:3). ამიტომ უნდა დავიცვათ გონება და ვაკონტროლოთ ფიქრები. ჩვენ უნდა ავირეკლოთ ქრისტეს გონება და წინააღმდეგობა გავუწიოთ უღვთო ქვეყნიერების გავლენას (1 კორ. 2:16). ყველაფერი ისე დაგეგმეთ, რომ დაესწროთ სარაიონო კონგრესის ორივე დღეს. მოუსმინეთ ყურადღებით. იქ წარმოდგენილი მნიშვნელოვანი მასალა დაგვეხმარება, გონება მოვამზადოთ სამეფოს მსახურებისთვის (1 პეტ. 1:13).