„როგორ შევთავაზოთ . . . -ში გასავრცელებელი ჟურნალები“

ჩვეულებრივ, ყოველთვე სამსახურებრივი შეხვედრის ერთ-ერთ ნაწილში განიხილება, თუ როგორ გავავრცელოთ ჟურნალები. ამ ნაწილის მიზანი არ არის ჟურნალების შინაარსის მიმოხილვა; ნაცვლად ამისა, შეხვედრის ამ ნაწილში განიხილება, თუ როგორ შევთავაზოთ ჟურნალები. მითითებების თანახმად, ძმა გააკეთებს ძალიან მოკლე შესავალს, რათა აუდიტორიას ჟურნალებისადმი ინტერესი გაუღვივოს. შემდეგ ის სთხოვს აუდიტორიას, აღნიშნონ, როგორ შეთავაზებას გაუკეთებდნენ ამა თუ იმ სტატიას (ან შესავალ სტატიებს). ამ დროს კრების წევრებს შეუძლიათ ჩაინიშნონ ის შეთავაზებები, რომლებსაც გამოიყენებდნენ. მთელი შეთავაზების წარმოდგენის ნაცვლად, მომხსენებელი აუდიტორიას სთხოვს, აღნიშნონ, რა კითხვებს დასვამდნენ ინტერესის აღსაძრავად და რომელ მუხლებს წაიკითხავდნენ. მოხსენების ბოლოს ძმა წარმოადგენს თითოეული ნომრის შეთავაზების ინსცენირებას. კარგი იქნება, თუ წინასწარ გადავხედავთ ჟურნალებს, რათა მონაწილეობა მივიღოთ შეხვედრის ამ ნაწილში. თუ ყველა კარგად მოემზადება, ეს დაგვეხმარება, ერთმანეთი „გავლესოთ“ (იგავ. 27:17).