„ცნობა სამეფოს შესახებ“ № 38 გავრცელდება ნოემბერში
1. რა კითხვები აქვს ხალხს მიცვალებულებთან დაკავშირებით და როგორ შეუძლიათ ამ კითხვებზე პასუხების მიღება ნოემბრის თვეში?
1 სიკვდილი, განურჩევლად მრწამსისა, ყველა ადამიანის მტერია (1 კორ. 15:26). ბევრს აინტერესებს, სად არიან მკვდრები და ნახავენ თუ არა მათ ოდესმე. ამიტომ მთელი დედამიწის მასშტაბით, ქრისტიანული კრებები ერთი თვის განმავლობაში გაავრცელებენ ტრაქტატს „ცნობა სამეფოს შესახებ“ № 38 სათაურით „იქნება მკვდრეთით აღდგომა?“. ეს სპეციალური კამპანია დაიწყება 1 ნოემბერს. კამპანიის შემდეგ ეს ტრაქტატი მსახურებაში სხვა დანარჩენი ტრაქტატების მსგავსად გავრცელდება.
2. როგორ არის შედგენილი „ცნობა სამეფოს შესახებ“ № 38?
2 როგორ არის შედგენილი. „ცნობა სამეფოს შესახებ“ № 38 ისეა შედგენილი, რომ დაკეცილი ტრაქტატის პირველ გვერდზე მოცემულია ინტერესის აღმძვრელი კითხვა „იქნება მკვდრეთით აღდგომა?“, რომელსაც ახლავს სამი სავარაუდო პასუხი: „დიახ“, „არა“, „შესაძლოა“. როცა მკითხველი გადაშლის ტრაქტატს, დაინახავს მთავარ შეკითხვაზე პასუხს ბიბლიიდან და წაიკითხავს, რას შეიძლება ნიშნავდეს ეს პირადად მისთვის. აგრეთვე ნახავს იმ არგუმენტებს, თუ რატომ შეიძლება ენდოს ბიბლიას. ტრაქტატის ბოლო გვერდზე დასმულია საინტერესო შეკითხვა, რომელიც მკითხველს ფიქრისა და უფრო მეტის გაგებისკენ აღძრავს.
3. როგორ გავავრცელოთ „ცნობა სამეფოს შესახებ“ № 38?
3 როგორ გავავრცელოთ. ამ ტრაქტატის გავრცელების კამპანია იქნება გახსენების საღამოსა და კონგრესის მოსაწვევების კამპანიების მსგავსი. უხუცესები იხელმძღვანელებენ 2013 წლის 1 აპრილით დათარიღებულ წერილში მოცემული მითითებებით და კრებას აუხსნიან, როგორ გაავრცელონ ეს ტრაქტატი თავიანთ ტერიტორიაზე. კრებებს, რომელთაც მცირე ტერიტორია აქვთ, შეუძლიათ დახმარება შესთავაზონ მეზობელ კრებებს, რომელთაც შედარებით დიდი ტერიტორია აქვთ. კარგი იქნება, თუ თითოეული მაუწყებელი იმდენ ტრაქტატს აიღებს, რამდენიც დასჭირდება ერთი კვირის განმავლობაში. კამპანიის დროს, მას შემდეგ, რაც კრების ტერიტორიაზე არსებული ყველა უბანი დამუშავდება, შეგიძლიათ ტრაქტატები საზოგადოებრივი თავშეყრის ადგილებშიც გაავრცელოთ. თუ თვის ბოლომდე ყველა ტრაქტატი გავრცელდება, მაშინ შეგიძლიათ ჟურნალების გავრცელება დაიწყოთ. თვის პირველ შაბათს, როცა, როგორც წესი, მთავარ აქცენტს ბიბლიის შესწავლების დაწყებაზე ვაკეთებთ, ამჯერად ყურადღებას გადავიტანთ ამ ტრაქტატების გავრცელებაზე. შაბათ-კვირების განმავლობაში სიტუაციიდან გამომდინარე ჟურნალებიც უნდა შევთავაზოთ. გეგმავ, რომ სრულად ჩაერთო ამ კამპანიაში?