სპეციალური კამპანია 16 ოქტომბრიდან 12 ნოემბრის ჩათვლით!
1 „ცრუ რელიგიის აღსასრული ახლოსაა!“ სწორედ ასეა დასათაურებული „ცნობა სამეფოს შესახებ“ №37, რომელიც მომდევნო თვიდან მთელ მსოფლიოში გავრცელდება. ოქტომბრის პირველ ნახევარში გავავრცელებთ „საგუშაგო კოშკსა“ და „გამოიღვიძეთს“, 16 ოქტომბრიდან კი (ორშაბათი) 12 ნოემბრის ჩათვლით (კვირა) შევუდგებით ზემოხსენებული ტრაქტატის გავრცელების ფართომასშტაბიან კამპანიას. ტრაქტატს შაბათ-კვირას მიმდინარე ჟურნალებთან ერთად გავავრცელებთ.
2 ვინ უნდა გაავრცელოს: ყველა, ვინც აქტიურად აუწყებს სასიხარულო ცნობას, შესაძლებლობების მაქსიმუმს გააკეთებს. მაგალითად, ზოგი დამხმარე პიონერად იმსახურებს. თუ თქვენი ბავშვები ან ბიბლიის შემსწავლელები სულიერ პროგრესს განიცდიან, წაახალისეთ, რომ უხუცესებს მაუწყებლებად მსახურების შესაძლებლობაზე დაელაპარაკონ. უხუცესები საკუთარი ინიციატივით უნდა გაესაუბრონ არააქტიურ მაუწყებლებს და წაახალისონ კამპანიაში მონაწილეობისკენ, რაშიც მათ შეიძლება გამოცდილი მაუწყებლები დაეხმარონ.
3 თითოეული კრების მარაგში „ცნობა სამეფოს შესახებ“ №37-ის იმდენი ეგზემპლარი იქნება, რომ თითოეულმა მაუწყებელმა და პიონერმა, სულ მცირე, 50 ტრაქტატი მიიღოს. დაინტერესებულებს, რომლებიც ჯერ არ გამხდარან მაუწყებლები, შეეძლებათ ხუთი ტრაქტატი აიღონ, რომ ოჯახის წევრებსა და მეგობრებს გადასცენ. გავრცელებული ტრაქტატების რაოდენობა ყველა მაუწყებელმა უნდა მიაწეროს როგორც ოქტომბრის, ისე ნოემბრის სამქადაგებლო მსახურების ანგარიშის ბლანკის მეორე მხარეს. კრების მდივანი საერთო ჯამს გამოთვლის და შედეგებს ფილიალს გაუგზავნის თითოეული თვის ბოლოს. კამპანიის შემდეგ დარჩენილი ტრაქტატების გავრცელება ნებისმიერი სახის მსახურების დროს შეიძლება.
4 როგორ გავავრცელოთ: მოკლე შეთავაზება გააკეთე და უფრო მეტის გავრცელების დრო დაგრჩება. შეგიძლია ასე დაიწყო: „ეს მნიშვნელოვანი ცნობა მთელ მსოფლიოში ვრცელდება ხალხის საკეთილდღეოდ. ინებეთ, ეს თქვენი პირადი ტრაქტატია, გაეცანით“. შეიძლება ჯობდეს, ჩანთა კარდაკარ არ ვატაროთ. ზუსტად ჩაიწერე, ვინც დაინტერესდება.
5 როგორ შეგვიძლია გავავრცელოთ მთელ უბანზე: ნაცვლად ქუჩაში გავრცელებისა, უმჯობესია „ცნობა სამეფოს შესახებ“ კარდაკარ და საქმიან ტერიტორიებზე გავავრცელოთ, რამდენადაც ეს შესაძლებელია. ჩაინიშნე, ვინ არ გხვდებოდა სახლში და ეცადე, კვლავ მიაკითხო სხვა დროს ან კვირის სხვა დღეს. 6 ნოემბრიდან (ორშაბათი) შესაძლებელი იქნება, თითო ტრაქტატი დაუტოვოთ მათ, ვინც სახლში არ გხვდებოდა. თუ კამპანიის დროს შეუძლებელი იქნება კრებისთვის მთელი ტერიტორიის დამუშავება, უხუცესებმა შეიძლება გადაწყვიტონ, რომ „ცნობა სამეფოს შესახებ“ მათაც დაუტოვონ, ვინც მაუწყებლებს სახლში არ ხვდებოდა.
6 „დიდი ბაბილონის“ განადგურება კარსაა მომდგარი. სანამ მიწასთან გასწორებულა, ხალხი უნდა გამოვიდეს დიდი ბაბილონიდან (გამოცხადება 14:8; 18:8). ახლავე დაგეგმე, მაქსიმალური მონაწილეობა მიიღო მსოფლიო მასშტაბის კამპანიაში, რათა ყველამ გაიგოს, რომ ცრუ რელიგიის აღსასრული ახლოსაა!