შეთავაზების ნიმუშები

მარტის პირველ შაბათს ბიბლიის შესწავლების დაწყება

„მინდა, ორი სიტყვა გითხრათ იმ მოვლენაზე, რომელიც 14 აპრილს იგეგმება. 14 აპრილს იესო ქრისტეს სიკვდილის გახსენების საღამო აღინიშნება მთელ მსოფლიოში. იესოს სიკვდილს უდიდესი მნიშვნელობა აქვს ადამიანებისთვის. თუმცა ზოგი ამაში ვერაფერს განსაკუთრებულს ვერ ხედავს. პირადად თქვენ თუ მოგიტანათ რაიმე სიკეთე ქრისტეს სიკვდილმა?“ დაელოდე, გიპასუხოს. აჩვენე 1 მარტის „საგუშაგო კოშკის“ ბოლო გვერდი და ერთად განიხილეთ პირველი კითხვის ქვეშ მოცემული ინფორმაცია და სულ მცირე ერთი ბიბლიური მუხლი. შესთავაზე ჟურნალები და შეთანხმდით განმეორებით მონახულებაზე, რომ ისაუბროთ მომდევნო კითხვაზე.

საგუშაგო კოშკი 1 მარტი

„ხალხს აინტერესებს, რატომ არ სპობს ღმერთი უსამართლობასა და ტანჯვას მსოფლიოში. ზოგი ფიქრობს, რომ ღმერთს არ ვაინტერესებთ, ზოგს მიაჩნია, რომ ტანჯვა სასარგებლოა ადამიანებისთვის და სწორედ ამიტომ უშვებს ღმერთი ამ ყოველივეს. [დაელოდე, გიპასუხოს. შემდეგ წაიკითხე იოანეს 3:16.] ზოგმა კი იცის ეს მუხლი ზეპირად, მაგრამ არ დაფიქრებულა, რა სიკეთე მოაქვს მისთვის ღვთის ძის სიკვდილს. ეს ჟურნალი საუბრობს იმაზე, თუ როგორაა შესაძლებელი იესოს სიკვდილით უსამართლობისა და ტანჯვის მოსპობა დედამიწაზე“.

გამოიღვიძეთ! მარტი

„ბევრს არასწორად ესმის ეს ბიბლიური მუხლი. თქვენის ნებართვით წავიკითხავ მას. [წაიკითხე დაბადების 1:1.] ბევრი ფიქრობს, რომ სამყაროს შემოქმედი ჰყავს, სხვების აზრით, ის თავისით შეიქმნა. თქვენ რას ფიქრობთ? [დაელოდე, გიპასუხოს.] ზოგს იმიტომ არ სჯერა შემოქმედების, რომ რელიგიური წინამძღოლები მათ არაბიბლიურ სწავლებებს ასწავლიან. ამ ჟურნალში მოცემულია სამყაროს დასაბამის ლოგიკური და სანდო ბიბლიური ახსნა“.