შეთავაზების ნიმუშები

გახსენების საღამოს კამპანიისთვის

„ამ მოსაწვევის მეშვეობით გვსურს, ძალიან მნიშვნელოვან ღონისძიებაზე დაგპატიჟოთ. 14 აპრილს მთელ მსოფლიოში მილიონობით ადამიანი აღნიშნავს იესო ქრისტეს სიკვდილის დღეს და მოისმენს ბიბლიურ მოხსენებას, რომელშიც ახსნილი იქნება, თუ რა მხრივ არის სასიკეთო იესოს სიკვდილი ადამიანებისთვის. ამ მოსაწვევში მითითებულია შეხვედრის ჩატარების დრო და ადგილი“.

საგუშაგო კოშკი 1 აპრილი

„ალბათ დამეთანხმებით, რომ თითქმის ყველა ადამიანი, იმის მიუხედავად, თუ რომელ რელიგიას მიეკუთვნება, ლოცულობს. თქვენ როგორ ფიქრობთ, გვპასუხობს ღმერთი ლოცვებზე, თუ ლოცვები იმისთვისაა საჭირო, რომ სირთულეების პირისპირ თავი უკეთ ვიგრძნოთ? [დაელოდე, გიპასუხოს.] შეხედეთ, რა წერია ბიბლიაში. [წაიკითხე 1 იოანეს 5:14.] ამ ჟურნალში საუბარია იმაზე, თუ რა მხრივ არის ლოცვები სასარგებლო“.

გამოიღვიძეთ! აპრილი

„ალბათ, თქვენც დაკვირვებიხართ, რომ ზოგი იმდენად შთანთქა პრობლემებმა, რომ თვითმკვლელობაზეც კი დაიწყო ფიქრი. თქვენ როგორ ფიქრობთ, ამ მდგომარეობაში მყოფ ადამიანს ნამდვილად აღარ უნდა სიცოცხლე, თუ ამით უბრალოდ სურს, ტანჯვას დააღწიოს თავი? [დაელოდე, გიპასუხოს.] აი, ნახეთ, რას ამბობს ბიბლია. ეს ბევრს დაეხმარა დადებითი თვალსაზრისის შენარჩუნებაში. [წაიკითხე გამოცხადების 21:3, 4.] ამ ჟურნალში მოყვანილია სამი მიზეზი, თუ რატომ ღირს პრობლემების მიუხედავად ცხოვრების გაგრძელება“.