ახალი ბუკლეტების მშვენიერი დიზაინი
1. რომელი გასავრცელებელი პუბლიკაცია გამოიცა ახალი დიზაინით?
1 საოლქო კონგრესზე „ღვთის სიტყვა ჭეშმარიტებაა“, რომელიც 2013 წელს ჩატარდა, 5 ახალი ბუკლეტი გამოვიდა. ამასთანავე, ამ ბუკლეტებს დაემატა „ცნობა სამეფოს შესახებ“ №38 სახელწოდებით „იქნება მკვდრეთით აღდგომა?“. ექვსივე ახალ ბუკლეტს მშვენიერი დიზაინი აქვს. რა მიზეზების გამო შეიცვალა ბუკლეტების ფორმატი? როგორ შეგვიძლია კარდაკარ მსახურების დროს საუკეთესოდ გამოვიყენოთ ახალი თავისებურებები, რომლებიც ამ ბუკლეტებს გააჩნია?
2. რა მიზანს ემსახურება ბუკლეტების ახალი დიზაინი?
2 რატომ შეიცვალა ბუკლეტის დიზაინი? თუ გსურს, შედეგიანი იყოს კარდაკარ მსახურება, მიმართე ქვემოთ ჩამოთვლილ ოთხ მეთოდს: 1) საუბრის დასაწყებად მობინადრეს დაუსვი ბუკლეტის გარეკანზე მოცემული კითხვა; 2) გაუზიარე ბიბლიურ მუხლებში ჩაწერილი აზრები; 3) შესთავაზე ლიტერატურა და 4) დაუსვი კითხვა და უთხარი, რომ შემდეგ მისვლაზე გასცემ ამ კითხვაზე პასუხს. ბუკლეტების ახალი დიზაინის წყალობით გაგვიადვილდება ამ ოთხი მეთოდის გათვალისწინება.
3. როგორ შეგვიძლია მსახურებაში ამ ახალი ბუკლეტებიდან ერთ-ერთის შეთავაზება?
3 როგორ გამოვიყენოთ. 1) მისალმების შემდეგ მობინადრეს დაუსვი ბუკლეტის პირველ გვერდზე მოცემული საინტერესო კითხვა და გაიგე მისი აზრი; 2) გადაუშალე ბუკლეტი და განიხილე „რას ამბობს ბიბლია?“. წაუკითხე მუხლი ბიბლიიდან, თუ მდგომარეობა ამის საშუალებას გაძლევს. თუ მობინადრე არ არის დროში შეზღუდული, იმსჯელე ამავე გვერდზე სურათის ქვეშ მოცემულ ინფორმაციაზე; 3) შესთავაზე ბუკლეტი და უთხარი, რომ მასში მოცემული დანარჩენი ინფორმაცია შეუძლია თავისუფალ დროს წაიკითხოს; 4) წამოსვლამდე უჩვენე ბუკლეტის ბოლო გვერდზე მოცემული კითხვა, რომელიც განთავსებულია სიტყვის „დაფიქრდით“ ქვემოთ და უთხარი, რომ შემდეგ ჯერზე პასუხს ბიბლიიდან გასცემ.
4. როგორ შეგვიძლია გამოვიყენოთ ახალი ბუკლეტები განმეორებით მონახულებებზე?
4 ამ ბუკლეტების მეშვეობით განმეორებითი მონახულების გაკეთებაც ადვილია. ბუკლეტის უკანა გვერდზე მოყვანილი მუხლების დახმარებით უპასუხე კითხვას, რომელიც წინა შეხვედრისას წამოჭერი. წამოსვლამდე აჩვენე ბუკლეტზე დაბეჭდილი ბროშურის „სასიხარულო ცნობა“ სურათი, შემდეგ ანახე უშუალოდ ეს ბროშურა და გადაუშალე იმ გაკვეთილზე, რომელიც ამ საკითხზე უფრო ვრცლად საუბრობს; ბოლოს შესთავაზე ბროშურა. თუ მობინადრე ბროშურას გამოგართმევს, შეუთანხმდი, რომ შემდგომში ამ ბროშურაში მოცემულ მასალას განიხილავთ. ჩათვალე, რომ უკვე დაიწყე ბიბლიის შესწავლა! ბროშურის ნაცვლად შეგიძლია მობინადრეს შესთავაზო სხვა ბუკლეტი და უთხრა, რომ იქ მოცემულ ინფორმაციაზე შემდეგ მისვლაზე იმსჯელებთ.
5. რა მხრივ არის ბუკლეტები დამხმარე მსახურებაში?
5 მსახურებაში ბუკლეტებს უკვე 130 წელზე მეტია ვიყენებთ. მართალია, დროთა განმავლობაში მათი ზომა და ფორმატი იცვლებოდა, მაგრამ ბუკლეტი მსახურებაში ყოველთვის კარგი დამოწმების საშუალება იყო. მოდი, საუკეთესოდ გამოვიყენოთ ახალი დიზაინით შექმნილი ბუკლეტები, რათა ბიბლიური ცნობა მთელ მსოფლიოს ვაუწყოთ (იგავ. 15:7ა).