საგუშაგო კოშკის ᲝᲜᲚᲐᲘᲜ ᲑᲘᲑᲚᲘᲝᲗᲔᲙᲐ

საგუშაგო კოშკი

ᲝᲜᲚᲐᲘᲜ ᲑᲘᲑᲚᲘᲝᲗᲔᲙᲐ

ქართული

mwb16 აპრილი გვ. 3
გაამხნევე და განამტკიცე სხვები

ჩვენი ქრისტიანული ცხოვრება და მსახურება — პროგრამა სავარჯიშოებით 2016

mwb16 აპრილი გვ. 3

ღვთის სიტყვის საუნჯე | იობი 16—20

გაამხნევე და განამტკიცე სხვები

მრჩევლის სიტყვებმა უნდა განამტკიცოს სხვები

იობი დამწუხრებული და დათრგუნული იყო, ამიტომ მას მხარდაჭერა და გამხნევება სჭირდებოდა.
იობის სამ „მეგობარს“ მისთვის მანუგეშებელი არაფერი უთქვამს. პირიქით, დაადანაშაულეს იგი და ტკივილზე ტკივილი დაუმატეს.

ბილდადის მწარე სიტყვებმა იობს გული ატკინა

იობი იეჰოვას სთხოვდა, რომ მისთვის ტკივილი რამენაირად, თუნდაც სიკვდილით შეემსუბუქებინა.
იობს მკვდრეთით აღდგომის იმედი არ დაუკარგავს, რაც განსაცდელების დროს ერთგულების შენარჩუნებაში დაეხმარა.

ელიფაზი ესაუბრება იობს, ხოლო ბილდადი და ცოფარი მათ საუბარს ისმენენ

იობის ბრალმდებლები

ელიფაზი:

შესაძლოა, ედომის ქვეყნიდან, თემანიდან იყო. თემანი იერემიას 49:7-ში მოხსენიებულია როგორც ედომელთა სიბრძნის კერა.
როგორც ჩანს, იობის „ნუგეშისმცემელთა“ შორის ის ყველაზე უფროსი და გავლენიანი იყო. სწორედ მან დაიწყო პირველად საუბარი. მან სამჯერ წარმოთქვა სიტყვა; ყველაზე დიდხანს მან ისაუბრა.

ცრუ ბრალდებები:

აბუჩად აიგდო იობის ერთგულება და განაცხადა, რომ ღმერთი თავის მსახურებს არ ენდობოდა (იობი 4, 5).
იობს კადნიერებასა და ბოროტებაში დასდო ბრალი და თქვა, რომ მას ღვთის შიში არ ჰქონდა (იობი 15).
იობს სიხარბესა და უსამართლობაში დასწამა ცილი და დასძინა, რომ იგი ღვთისთვის გამოუსადეგარი იყო (იობი 22).

ბილდადი:

შუახის შთამომავალი. შესაძლოა იგი მდინარე ევფრატის მახლობლად ცხოვრობდა.
ელიფაზის შემდეგ ბილდადმა დაიწყო საუბარი. მანაც სამჯერ წარმოთქვა სიტყვა. ელიფაზისგან განსხვავებით, მისი სიტყვა უფრო მოკლე, მაგრამ უფრო გესლიანი იყო.

ცრუ ბრალდებები:

თქვა, რომ იობის ვაჟებმა ცოდვა ჩაიდინეს და უბედურებაც სწორედ ამიტომ დაატყდათ თავს; განაცხადა, რომ იობს ღვთის არ სწამდა (იობი 8).
აღნიშნა, რომ იობი ბოროტებას სჩადიოდა (იობი 18).
დასძინა, რომ ღვთისთვის სულერთი იყო, იქნებოდა თუ არა ადამიანი მისი ერთგული (იობი 25).

ცოფარი:

ნაამათელი, წარმოშობით შესაძლოა ჩრდილო-დასავლეთ არაბეთიდან იყო.
ცოფარი მესამე იყო, ვინც საუბარი დაიწყო. დანარჩენ ორთან შედარებით იგი ყველაზე გესლიანი ბრალმდებელი აღმოჩნდა. მან მხოლოდ ორჯერ წარმოთქვა სიტყვა.

ცრუ ბრალდებები:

იობს ფუჭსიტყვაობაში დასდო ბრალი და მოუწოდა, რომ სიავე მოეშორებინა (იობი 11).
მას ბოროტებასა და დანაშაულში დასწამა ცილი (იობი 20).