ಮಾದರಿ ನಿರೂಪಣೆಗಳು
ಅಕ್ಟೋಬರ್‌ ತಿಂಗಳ ಮೊದಲ ಶನಿವಾರದಂದು ಬೈಬಲ್ ಅಧ್ಯಯನ ಆರಂಭಿಸಲಿಕ್ಕಾಗಿ
“ಕೆಟ್ಟತನ, ಕಷ್ಟಸಂಕಟ ಇರುವಂತೆ ದೇವರು ಏಕೆ ಬಿಡುತ್ತಾನೆಂದು ಯಾವತ್ತಾದರೂ ನೀವು ಯೋಚಿಸಿದ್ದುಂಟೊ? [ಪ್ರತಿಕ್ರಿಯೆಗೆ ಅವಕಾಶಕೊಡಿ.] ಇದಕ್ಕೆ ಸಂಬಂಧಿಸಿದ ವಿಷಯವೊಂದನ್ನು ನಿಮಗೆ ತೋರಿಸಲೊ?” ಮನೆಯವನಿಗೆ ಆಸಕ್ತಿಯಿದ್ದರೆ, ಅಕ್ಟೋಬರ್‌-ಡಿಸೆಂಬರ್‌ ಕಾವಲಿನಬುರುಜುವಿನ ಸಂಚಿಕೆಯ ಪುಟ 18ರ ಮೊದಲನೇ ಉಪಶೀರ್ಷಿಕೆಯ ಕೆಳಗಿರುವ ವಿಷಯವನ್ನು ಮತ್ತು ಅಲ್ಲಿ ಕೊಡಲಾದ ವಚನಗಳಲ್ಲಿ ಒಂದನ್ನು ಜೊತೆಯಾಗಿ ಓದಿ. ಪತ್ರಿಕೆಗಳನ್ನು ನೀಡಿರಿ. ಮುಂದಿನ ಪ್ರಶ್ನೆಯ ಉತ್ತರವನ್ನು ಚರ್ಚಿಸಲು ಪುನರ್ಭೇಟಿಗಾಗಿ ಏರ್ಪಾಡು ಮಾಡಿ.
ಕಾವಲಿನಬುರುಜು ಅಕ್ಟೋಬರ್‌-ಡಿಸೆಂಬರ್‌
“ಅನೇಕ ಜನರಿಗೆ ಯೇಸುವಿನ ಬಗ್ಗೆ ಭಿನ್ನಭಿನ್ನ ನಂಬಿಕೆಗಳಿವೆ. ಆತನ ಕುರಿತು ನಿಮ್ಮ ಅಭಿಪ್ರಾಯವೇನು? [ಪ್ರತಿಕ್ರಿಯೆಗೆ ಅವಕಾಶಕೊಡಿ.] ಯೇಸುವಿನ ಪಾತ್ರದ ಬಗ್ಗೆ ಬೈಬಲ್ ಏನನ್ನುತ್ತದೆಂದು ನಿಮಗೆ ತೋರಿಸಬಹುದೊ? [ಮನೆಯವನು ಒಪ್ಪುವಲ್ಲಿ ಯೋಹಾನ 17:3 ಓದಿ.] ಈ ಪತ್ರಿಕೆಯು ಯೇಸುವಿನ ಬಗ್ಗೆ, ಆತನು ಎಲ್ಲಿಂದ ಬಂದನು, ಹೇಗೆ ಜೀವಿಸಿದನು, ಏಕೆ ಸತ್ತನು ಎಂಬುದರ ಕುರಿತ ಸತ್ಯವನ್ನು ವಿವರಿಸುತ್ತದೆ.”
ಎಚ್ಚರ! ಅಕ್ಟೋಬರ್‌-ಡಿಸೆಂಬರ್‌
“ನಾವಿಂದು ಒಂದು ಸಾರ್ವಜನಿಕ ಸೇವೆಯ ಭಾಗವಾಗಿ ಕುಟುಂಬಗಳನ್ನು ಭೇಟಿಮಾಡುತ್ತಿದ್ದೇವೆ. ಮಕ್ಕಳನ್ನು ಬೆಳೆಸುವಾಗ ಹೆತ್ತವರು ಇಂದು ಎದುರಿಸುವ ಅತಿ ದೊಡ್ಡ ಸವಾಲು ಯಾವುದೆಂದು ಹೇಳುವಿರಿ? [ಪ್ರತಿಕ್ರಿಯೆಗೆ ಅವಕಾಶಕೊಡಿ.] ಅನೇಕ ಹೆತ್ತವರು ಸಲಹೆಗಾಗಿ ಶಾಸ್ತ್ರಗ್ರಂಥದ ಮೇಲೆ ಅವಲಂಬಿಸುತ್ತಾರೆ. ಮಕ್ಕಳಿಗೆ ಶಿಸ್ತನ್ನು ಕೊಡುವಾಗ ಸಹಾಯಕಾರಿ ಆಗಿರುವ ಒಬ್ಬ ಜ್ಞಾನಿಯ ಮಾತುಗಳನ್ನು ನಿಮಗೆ ತೋರಿಸಲೊ? [ಮನೆಯವನಿಗೆ ಆಸಕ್ತಿಯಿದ್ದಲ್ಲಿ ಎಫೆಸ 4:31 ಓದಿ.] ಈ ಪತ್ರಿಕೆಯು, ಮಕ್ಕಳ ಬೆಳವಣಿಗೆಯ ಪ್ರತಿಯೊಂದು ಹಂತದಲ್ಲಿ ಅಂದರೆ ಶೈಶವದಿಂದ ಹಿಡಿದು ಹದಿಹರೆಯದ ವರೆಗೆ ಬೈಬಲಾಧರಿತ ಸಲಹೆ ಹೆತ್ತವರಿಗೆ ಹೇಗೆ ನೆರವಾಗಬಲ್ಲದೆಂದು ತೋರಿಸುತ್ತದೆ.”