ಅವರನ್ನು ಸಂತೋಷದಿಂದ ಸ್ವಾಗತಿಸಿ

ಯಾರನ್ನು? ಕೂಟಗಳಿಗೆ ಬರುವ ಎಲ್ಲರನ್ನು. ಅವರು ನಿಮ್ಮ ಹಳೇ ಸ್ನೇಹಿತರೇ ಆಗಿರಲಿ, ಹೊಸದಾಗಿ ಕೂಟಗಳಿಗೆ ಬಂದಿರುವವರೇ ಆಗಿರಲಿ ಎಲ್ಲರನ್ನೂ ಸ್ವಾಗತಿಸಬೇಕು. (ರೋಮ 15:7; ಇಬ್ರಿ 13:2) ಅವರು ಬೇರೆ ದೇಶದ ಸಾಕ್ಷಿಯಾಗಿರಲಿ ಅಥವಾ ವರ್ಷಗಳ ನಂತರ ಬಂದ ನಿಷ್ಕ್ರಿಯರಾಗಿರಲಿ ನಾವು ಸಂತೋಷದಿಂದ ಸ್ವಾಗತಿಸಬೇಕು. ನಾವು ಅವರ ಜಾಗದಲ್ಲಿ ಇದ್ದಿದ್ದರೆ ಏನು ಬಯಸುತ್ತಿದ್ದೆವು? ಬೇರೆಯವರು ನಮ್ಮನ್ನು ಸಂತೋಷದಿಂದ ಸ್ವಾಗತಿಸಬೇಕು ಅಂತ ತಾನೇ? (ಮತ್ತಾ 7:12) ಅದಕ್ಕೇ, ನಾವು ಸಭಾಗೃಹದಲ್ಲಿ ಸುಮ್ಮನೆ ಕೂತುಕೊಳ್ಳದೆ ಕೂಟದ ಮೊದಲು ಮತ್ತು ನಂತರ ಎಲ್ಲರ ಹತ್ತಿರ ಹೋಗಿ ಮಾತಾಡಬೇಕು. ಈ ರೀತಿ ಮಾಡುವಾಗ ಸಂತೋಷ, ಪ್ರೀತಿಯ ವಾತಾವರಣ ಇರುತ್ತದೆ ಮತ್ತು ಯೆಹೋವನಿಗೆ ಮಹಿಮೆ ಬರುತ್ತದೆ. (ಮತ್ತಾ 5:16) ಹಾಜರಾದ ಪ್ರತಿಯೊಬ್ಬರ ಜೊತೆ ಮಾತಾಡಲು ಸಾಧ್ಯವಿಲ್ಲ ನಿಜ. ಆದರೆ ನಮ್ಮಿಂದಾದ ಪ್ರಯತ್ನ ಮಾಡಿದರೆ ಎಲ್ಲರಿಗೂ ಖುಷಿಯಾಗುತ್ತದೆ.a

ನಾವು ಈ ಪ್ರೀತಿಯನ್ನು ಸ್ಮರಣೆಯ ವಿಶೇಷ ಸಂದರ್ಭದಲ್ಲಿ ಮಾತ್ರವಲ್ಲ, ಯಾವಾಗಲೂ ತೋರಿಸಬೇಕು. ಹೊಸಬರಿಗೆ ನಾವು ಕ್ರೈಸ್ತ ಪ್ರೀತಿ ತೋರಿಸುವಾಗ ಅದನ್ನು ನೋಡಿ ಅವರು ಯೆಹೋವನನ್ನು ಸುತ್ತಿಸಬಹುದು ಮತ್ತು ಆರಾಧಿಸಲು ಮುಂದೆ ಬರಬಹುದು.—ಯೋಹಾ 13:35.