BUŊGƐI WALII 11

Waa Wuye Wuye

Luomaŋnda 12:11

SƆƆŊ KULLOŊ: Soo wuye wuye le mi wanaa cho num nilaŋ yaŋɔɔ wa tendu nduyɛ le nda nyindɔɔ ma tosa nyɛ ŋ cho dimioo wo.

Dɔu kɔl numndo kpou. Te a wa pɛ toosiaŋndo le suɛi numnde yɔŋgoo, yiyaŋ nyɛkɛndɛi a mɛɛ suɛi num keŋ nɔ yooŋgu sɔviɔɔ yɛ. Sina nyɛ ŋ cho hunɔɔ dimioo wo nyɛkɛndɛi, okoŋ, ma soo a kɔllo kpou.
Yiyaŋ a wanaa cho num nilaŋ yaŋɔɔ wa. Yiyaŋ a mɛɛ nyɛ ŋ cho isɔɔ wo, ɔɔ nyɛ ŋ cho diomndaŋ veeloo choo wo cho a cheleŋnda tɔnɔɔ ke yɛ. Nuuviaa nɛila ŋ tosa ndi laŋ, okoŋ, mi wanaa cho num nilaŋ yaŋɔɔ wa a hini kɔl nyɛkɛndɛi.
Ke suɛi numndo yoomoo. Soo wuye wuye. Te a wa pɛ suɛi, tiimbuŋ nyɛkɛndɛi. Tosa hɔlla le mi waŋnda che mɛɛ ŋ yiyaŋ a suɛi keŋ yɛ.

Kɛ, a nɔ ma kɛsiŋ o kɔl maa te a tiimbuu pɛ balaŋ o nɛi pilɔɔ choo kpe, te koŋ te, ma wa diomnda pilɛ laŋ kpe soliŋndo kpeku, wanaa cho num nilaŋ yaŋɔɔ wa cho kandɔɔ kɔllo keelaa naa cheleŋ. Tiimbuŋ o nɛi bɛnda wo choo. Soo wuye wuye te a wa pɛ suɛi sɔvɛ sɔvɛi dimioo okoŋ, ma yeema mi wanaa cho num nilaŋ yaŋɔɔ wa tosa nyɛ. Te a hiou pɛ ba a waa wuye wuye o suɛi numnde niŋ kpou, wanaa cho num nilaŋ yaŋɔɔ wa cho saŋga.