Zabbuli
Eri akubiriza eby’okuyimba; ya ku “Malanga.” Kujjukiza. Zabbuli ya Asafu.+ Oluyimba.
80 Ai Omusumba wa Isirayiri, wulira,
Ggwe akulembera Yusufu ng’ekisibo ky’endiga.+
4 Yakuwa Katonda ow’eggye, onootuusa wa okusunguwalira okusaba kw’abantu bo?+
5 Obagabula amaziga okuba emmere yaabwe,
Era obanywesa amaziga mu bungi.
6 Oleka baliraanwa baffe okutukaayanira;
Abalabe baffe batusekerera nga bwe baagala.+
7 Ai Katonda ow’eggye, tuzzeewo;
Tukwatirwe ekisa, tulokolebwe.+
8 Waggya omuzabbibu+ e Misiri.
Wagoba amawanga mu nsi yaago n’ogusimbamu.+
9 Wayerula aw’okugusimba,
Ne gusimba emirandira ne gujjula mu nsi yonna.+
10 Ekisiikirize kyagwo kyabikka ensozi,
Era amatabi gaagwo gaabikka emiti gya Katonda egy’entolokyo.
12 Lwaki wamenya ekikomera ky’ennimiro y’omuzabbibu eky’amayinja,+
Abayitawo bonna ne banoga ebibala byagwo?+
13 Embizzi ez’omu kibira zigwonoona,
N’ensolo ez’omu nsiko zigulya.+
14 Ai Katonda ow’eggye, tukwegayiridde komawo.
Tunula wansi ng’oyima mu ggulu, olabe!
Labirira omuzabbibu guno,+
15 Endokwa omukono gwo ogwa ddyo gye gwasimba,+
Tunuulira omwana gwe wafuula ow’amaanyi* asobole okukuweesa ekitiibwa.+
16 Etemeddwa era eyokeddwa omuliro.+
Abantu bazikirira bw’obanenya.
17 Omukono gwo ka guwanirire omuntu ali ku mukono gwo ogwa ddyo,
Omwana w’omuntu gwe wafuula ow’amaanyi asobole okukuweesa ekitiibwa.+
18 Olwo nno tetujja kukuvaako.
Tukuume nga tuli balamu tusobole okukoowoola erinnya lyo.
19 Ai Yakuwa Katonda ow’eggye, tuzzeewo;
Tukwatirwe ekisa, tulokolebwe.+