Lisanzoli ya Davidi.
א [Alef]
145 Ee Nzambe na ngai Mokonzi, nakokumisa yo,+
Nakosanzola nkombo na yo libela na libela.+
ב [Bet]
2 Nakosanzola yo mokolo mobimba;+
Nakosanzola nkombo na yo libela na libela.+
ג [Gimel]
3 Yehova azali monene mpe abongi mpenza kosanzolama;+
Bonene na ye ekoki kososolama te.+
ד [Dalet]
4 Libota nsima ya libota ekosanzola misala na yo;
Bakolobela misala na yo ya nguya.+
ה [He]
5 Nakomanyola nkembo mpe lokumu na yo+
Mpe makambo etali misala na yo ya kokamwa.
ו [Waw]
6 Bakolobela misala na yo ya nsɔmɔ,
Mpe nakosakola bonene na yo.
ז [Zayin]
7 Bakotonda na maloba ya masanzoli ntango bakokanisa bolamu oyo otondi na yango,+
Mpe bakoganga na esengo mpo na bosembo na yo.+
ח [Het]
8 Yehova azali na ngɔlu mpe na motema mawa,+
Ayokaka nkanda noki te mpe atondi na bolingo ya sembo.+
ט [Tet]
9 Yehova azali malamu epai ya bikelamu na ye nyonso,+
Mpe motema mawa na ye emonanaka polele na misala na ye nyonso.
י [Yod]
10 Ee Yehova, misala na yo nyonso ekokumisa yo,+
Mpe bato na yo ya sembo bakosanzola yo.+
כ [Kaf]
11 Bakosakola nkembo ya bokonzi na yo+
Mpe bakolobela nguya na yo,+
ל [Lamed]
12 Mpo na koyebisa bato misala na yo ya nguya+
Mpe bonene ya nkembo ya bokonzi na yo.+
מ [Mem]
13 Bokonzi na yo ezali bokonzi ya seko,
Mpe boyangeli na yo eumelaka mabota na mabota.+
ס [Samek]
14 Yehova asalisaka baoyo nyonso bazali kokwea+
Mpe atombolaka baoyo nyonso bagumbami.+
ע [Ayin]
15 Miso ya bikelamu nyonso etalaka na elikya epai na yo;
Opesaka bango bilei na ntango ebongi.+
פ [Pe]
16 Ofungolaka lobɔkɔ na yo
Mpe okokisaka mposa ya ekelamu nyonso ya bomoi.+
צ [Tsade]
17 Yehova azali moyengebene na banzela na ye nyonso+
Mpe sembo na likambo nyonso oyo asalaka.+
ק [Kof]
18 Yehova azali pene na baoyo nyonso bazali kobelela ye,+
Na baoyo nyonso babelelaka ye na bosolo.+
ר [Resh]
19 Akokisaka mposa ya baoyo bazali kobanga ye;+
Ayokaka kolela na bango mpo na kosɛnga lisalisi, mpe abikisaka bango.+
ש [Shin]
20 Yehova abatelaka baoyo nyonso balingaka ye,+
Kasi akosilisa bato mabe nyonso nyɛɛ.+
ת [Taw]
21 Nakosanzola Yehova;+
Ekelamu nyonso ya bomoi esanzola nkombo na ye mosantu libela na libela.+