“Kondima kati na liloba ya Nzambe”—Liyangani ya Etúká 1997
1 Na eleko na biso, Yehova azali kosalela mayangani ya etúká oyo masalemaka mbula na mbula mpo na koteya libota na ye oyo lisangani mpe kopesa yango nzela ya kosepela na bondeko ya boklisto. Mayangani ya etúká 1996 “Bamemi-nsango ya kimya ya Nzambe” oyo masalemaki na Zaïre mpe na Congo esangisaki bato 317 872; mingi kati na bango bamonisaki botɔ́ndi na bango mpo na mateya ya kolendisa oyo mapesamaki mpe mpo na matomba mosusu oyo mamonanaki na kolongolama ya departemá ya bilei, lokola esengo ya kolekisa ntango mingi elongo na bandeko basi mpe mibali mpe ya kolendisana bamoko na bamosusu. Bayekoli 4 350 oyo bazwaki ekateli ya kosala lokola bamemi-nsango ya kimya ya Nzambe bazwaki batisimo lokola elembo ya komipesa na bango epai ya Nzambe. Likambo oyo ete tozwaki matomba na manáka ya kolendisa na mobu moleki esengeli kopusa biso banso ete tósala milende mpo na koyangana na mayangani ya etúká 1997 “Kondima kati na Liloba ya Nzambe.” Na ntina na mikakatano mingi oyo bato bazali kokutana na yango na mikolo na biso, tokolinga mpenza biso banso kobyanga baoyo bayekolaka Biblia elongo na biso ete báyangana na yango. Mpo na mokomoko na biso oyo alingi kokóba kosalela Nzambe na kondima na ntango oyo ya nsuka, mayangani yango makopesa biso bilendiseli mpe nguya na elimo.
2 Bómibongisa malamumalamu liboso mpo na kokoka koyangana na elambo kitoko wana ya elimo oyo ekoumela mikolo misato, kobanda na loyembo ya ebandeli kino na libondeli ya nsuka. Mbala mingi, liyangani oyo bobyangami na yango ezalaka pene mpenza na esika bofandi. La Société asali nyonso mpo na kosunga bino na likambo yango. Bisika mingi ya sika ya mayangani bibakisami na oyo ya mbula eleki mpo na kopesa nzela na mokomoko kati na biso ete aleisama na elimo elongo na bato nyonso ya ndako na ye. (Det. 31:12) Oyo ezali ntango ya kokanisa na oyo bokosala mpo na kobomba mosolo mosengeli mpo na transport ya bino nyonso. Na botɔ́ndi mpo na milende oyo misalemaki na la Société, tozali komizela ete mokomoko ayangana na liyangani epai kuna zongazonga na ye ebyangami. Nzokande, soki mpo na ntina moko malamu osengeli koyangana na liyangani mosusu, kokakatana te koyangana na yango.
3 Wana bozali kozwa bibongiseli mpo na koyangana na liyangani ya etúká, bómonisa ezaleli ya bolingo na kokanisáká baoyo bazali na mposa ya lisungi, mingimingi baoyo bazali kosepela na solo uta kala mingi te, mpo ete bango mpe bázala wana na manáka ya mikolo nyonso. Ekozala malamu koleka kotalela makanisi oyo mazali kati na lisoló oyo elongo na bato oyo boyekolaka na bango Biblia mpe baoyo bazali kokana koyangana na liyangani. (Gal. 6:6, 10) Mwamitano mpe Mwapɔ́sɔ, liyangani likobanda na miziki na 9:30 mpe likosuka pene na 16:30. Manáka ya mokolo ya lomingo na ntɔ́ngɔ́ makobanda na 9:30, mpe liyangani likosuka na 15:50. Makambo oyo malandi makosunga bino na komibongisa na bino.
4 Na momeseno bapaya bayambamaka na bandako ya bandeko. Tosengeli komonisa botɔ́ndi epai na bandeko na biso mibali mpe basi oyo bandimi koyamba biso na bandako na bango. Lisusu, ekozala malamu te mpo na baoyo bayambami ete bábebisa ezalela wana na kosɛngisáká ete bálalisa bango na boumeli ya ntango molai liboso to nsima ya liyangani. Esika ya kolala epesamaka bobele na boumeli ya liyangani. Baoyo bazali koyambama na bisika ya bandeko basengeli komonisa limemya mpo na biloko ya baoyo bayambi bango, kobebisa eloko moko te, kokenda te na bisika oyo bapesi bango ndingisa te, mpe kosɛnzɛla ete bana na bango mpe básala bobele bongo. Soki bayambi bazwi mokakatano moko na likambo yango, basengeli nokinoki koyebisa yango na departemá ya boyambi bapaya, oyo ekozala na esengo ya komemela bango lisungi. Mpo ete departemá ya boyambi bapaya etambola na molɔngɔ́ mpe esala malamu yango etaleli mingi bosalani elongo ya moko na moko. (Ebe. 13:17) Bayebisi na biso ete basusu bazali kotika na bolingi na bango moko esika ya kolala oyo bapesaki bango mpo na kokenda esika mosusu epai kuna moninga moko to moto moko oyo bayebani na ye azali. Yango epesaka mokakatano na bandeko oyo bazali kosala na departemá ya koyamba bapaya. Tozali kosɛnga na bino nyonso ete bósalana elongo na departemá yango.
5 Mibangé to bibɔ́sɔ́nɔ́, basaleli ya ntango nyonso to basusu mbala mosusu bazali na mposa ya lisungi mpo na koyangana na liyangani. Biboto na bango, bankulutu to basangani ya lisangá na bango baoyo bayebi ezalela na bango malamu bakoki na bolingo nyonso kosala oyo esengeli, kasi basengeli te kobwaka mokumba na bango likoló na bandeko oyo bazali kotambwisa liyangani.—Talá 1 Timoté 5:4.
6 Ntembe ezali te ete Yehova apesaka lisungi na ye na oyo esalemaka mpo na mayangani ya mbula na mbula. Lokola bandeko mingi oyo balongwaka na bamboka na bango mpo na kokenda na liyangani ya etúká bazalaka na mposa ya kozwa bisika ya kolala, tokoki kondimisama ete Yehova akokokisa bamposa na bango na ndenge ebongi. Lokola makambo yango mazali na boyokani na losambo ya solo, tosengeli kolanda na esengo nyonso mitindá oyo mipesami. Tómonisa ete tozali sembo na oyo ezali moke mpenza, boye tokozala na likoki ya kozwa matomba mingi oyo mazali kozela baoyo Yehova alingaka.—Luka 16:10.
7 Yisaya 33:20 elobi ete: “Talá na Siona, mboka na bilambo na biso!” Tokoki komona kati na makanisi bibele oyo bazalaki na esengo, oyo bazalaki kotondisa Yelusaleme mpe oyo bazalaki koyanola nokinoki na etindá ya Yehova oyo ya kozala ntango nyonso na esengo. (Det. 16:15) Mayangani na biso ya etúká mazali kopesa biso libaku ya ntina ya kozwa mateya mauti na Nzambe mpe ya kozwa matomba na boninga ya motuya ya bandeko na biso mibali mpe basi. Tiká ete Yehova apambola milende oyo bozali kosala mpo na komibongisa ete bóyangana na liyangani ya etúká 1997 “Kondima kati na Liloba ya Nzambe.”
MAYANGANI YA ETÚKÁ 1997
DATI BISIKA ZONGAZONGA OYO EBYANGAMI
11-13 Yúli Kinshasa (F, LI-1) KIN-1, KIN-3, KIN-4, KIN-7, KIN-8, KIN-10, KIN-12, KIN-13
18-20 Yúli Kinshasa (LI-2) KIN-2, KIN-5, KIN-6, KIN-9, KIN-11, BZ-3, BZ-6
Brazzaville (F) CO-1, CO-4, CO-5, eteni ya CO-7, eteni ya CO-8
Matadi (LI) BZ-1, BZ-5
Mbandaka (LI) E-2, E-7, E-16, E-17, E-23, E-24
Isiro (LI) HZ-2, eteni ya HZ-17, HZ-18
Boende (LI) E-3, E-6, E-13, E-27
25-27 Yúli Gemena (LI) E-1, E-14
Dungu (LI) HZ-6, HZ-13, eteni ya HZ-17
Kisangani (F, LI) HZ-1, HZ-7, HZ-14
Lisala (LI) E-8, E-11, E-18, E-21
Pointe-Noire (F, MK) CO-2, CO-6, eteni ya CO-8
Kimpese (LI) BZ-2, BZ-4, BZ-7, BZ-8
01-03 Augústo Gbadolite (LI) E-5, E-9, E-19
Kisangani (SW) HZ-5, HZ-9, HZ-16
Bandundu (LI) B-1, B-10
Buta (LI) HZ-8, HZ-11
Bumba (LI) E-4, E-12, E-15, E-20, E-22, HZ-3, HZ-10, HZ-15
Ouesso (F) CO-3, eteni ya CO-7
08-10 Augústo Popokabaka (LI) B-7, eteni ya B-13
Lodja (OT) KA-4, eteni ya KA-11, KA-12, KA-27, KA-32
Mulongo (KU) S-8, eteni ya S-9, S-10, S-14, S-16
Kindu (SW) KI-3, KI-13
Buja/Uvira (RU, SW) BU-1, BU-2, BU-3, KI-8
Nioki (LI) B-4, B-6, B-14, B-15
15-17 Augústo Bukavu (SW) KI-1, KI-11, KI-12
Bunia (SW) HZ-4, HZ-12
Kamina (KU, SW) eteni ya S-7, eteni ya S-9, S-15
Lubumbashi (F, SW) eteni ya S-1, S-2, S-13
Kole (OT) KA-7, eteni ya KA-11, eteni ya KA-21, KA-26
Tembo (LI) B-17, eteni ya B-13
22-24 Augústo Goma (SW) KI-2, KI-6, KI-14
Beni (SW) KI-5, KI-10
Likasi (F, SW) eteni ya S-1, S-17, S-20, S-23
Kime (KU) S-4, S-6, eteni ya S-7, S-24
Ilebo (LI, SH) KA-10, KA-15, eteni ya KA-21, KA-29
Kirungu/Moba (SW) S-12, S-18, S-19
29-31 Augústo Butembo (SW) KI-7, KI-9
Kolwezi (F, SW) eteni ya S-1, S-3
Pepa (SW) S-11, S-25
Kananga (F, SH) KA-1, KA-9, KA-14, KA-18, KA-19, KA-28, KA-30
Kikwit (F, MK) B-2, B-22, B-24, eteni ya B-19
Bokungu (LI) E-10, E-25, E-26
05-07 Sɛtɛ́mbɛ Mbuji-Mayi (F, SH) KA-2, KA-8, KA-16, KA-17, KA-20, KA-25
Tshikapa (F, SH) KA-6, KA-22, KA-23, KA-31
Bulungu (MK) B-5, eteni ya B-19, B-20
12-14 Sɛtɛ́mbɛ Kabinda (SH) KA-5, KA-13
Sandoa (DR, SW) S-5, S-21
Idiofa (MK) B-8, B-16, eteni ya B-18
19-21 Sɛtɛ́mbɛ Mwene Ditu (SH) KA-3, KA-24
Kongolo (SW) KI-4, S-22
Gungu (MK) B-11, B-12, eteni ya B-18, B-23
Kenge (MK) B-3, B-9, B-21