Makita ya mosala mpo na Máí
Pɔ́sɔ ebandi na 5 Máí
12 mn: Mayebisi. Mayebisi matali Mosala na biso ya Bokonzi. Lobelá makanisi mazali kati na bazulunalo ya sika oyo mabongi kolobelema.
15 mn: “Bibele babakisami.” Ekosalema na mituna mpe biyano. Talelá lisusu makanisi ya ntina oyo mazwami na Linɔ́ngi ya Mosɛnzɛli ya 15 Augústo 1993, nk. 12-17.
18 mn: “Tósalisa bato oyo bazali na eksperiansi te ete bákanga ntina.” Ekosalema na mituna mpe biyano. Talelá lisusu mwa makambo ya ntina ya mwa búku Azali kosɛnga: boyekoli ya pɛpɛlɛ, mituna mibongi, bililingi oyo bizali kobenda likebi, ebele ya mikapo ya Biblia. Lobelá mingi ete mokano ezali ya kobanda boyekoli ya Biblia oyo ekomema na búku Boyebi. Mosakoli moko ya makoki akosala elakiseli moko oyo ekotalela lolenge ya kobanda boyekoli na kosaleláká makanisi mapesami na par. 4. Lendisá baboti nyonso ya lisangá ete báyekola mwa búku yango na bana na bango ya mike.
Loyembo 130 mpe libondeli ya nsuka.
Pɔ́sɔ ebandi na 12 Máí
10 mn: Mayebisi. Lapólo ya kɔ́nti. Na kotaleláká ntango, lobelá na mokuse baeksperiansi oyo bozali na yango mpo na oyo etali bokaboli ya mwa búku Azali kosɛnga mpe kosalelama na yango mpo na kobanda boyekoli ya Biblia.
15 mn: “Tómema bayekoli na lisangá ya Yehova.” (par. 1-6) Ekosalema na mituna mpe biyano. Tángá paragrafe 5 mpe 6 mpe mikapo oyo mipesami. Lobelá baeksperiansi oyo bozali na yango epai na bino oyo ezali komonisa ndenge bayekoli ya Biblia basalaki ntango batalaki kasɛti vidéo Les Témoins de Jéhovah — Un nom, une organisation.
20 mn: “Tóteya bazalani oyo Nzambe azali kosɛnga epai na biso.” Lisoló elongo na bayangani. (par. 1-4) Elakiseli na kolandáká makanisi mapesami na paragrafe 5 litatoli na bisika minei bikeseni: na balabála, ndako na ndako, na kartyé ya mombongo mpe kati na parke. Sɛngá na moto na moto ete akanisa kosomba, na mpokwa ya lelo liboso ya kobima na Ndako ya Bokonzi, mwa babúku mpe bazulunalo mpo na mosala ya kosakola.
Loyembo 126 mpe libondeli ya nsuka.
Pɔ́sɔ ebandi na 19 Máí
15 mn: Mayebisi. Monisá ete ntango ya kotondisa demande mpo na kozala mobongisi-nzela mosungi na sanza ya Yúni ezali naino. Talelá “Biyano na mituna na bino” mpe yebisá na lisangá soki bozali na mposa ya mikanda mosusu mpo na kobakisa na bibliotɛkɛ ya Ndako ya Bokonzi.
15 mn: “Tómema bayekoli na lisangá ya Yehova.” (par. 7-14) Ekosalema na mituna mpe biyano. Sɛngá na moteyi moko ya makoki amonisa lolenge nini okoki kosolola na boninga mpe na bosolo na moyekoli moko ya Biblia na ntina na kosangana na makita.
15 mn: Tósalela mpenza mikanda na biso. Lisukúlu na nkulutu moko. Na kotaleláká balapólo, masangá mazali kosɛnga mbala mingi bazulunalo mingi koleka oyo bakabolaka sanza na sanza. Pene na katikati etángami te kati na balapólo ya mosala ya kosakola. (Pesá motuya ya bazulunalo oyo ezali na lisangá.) Bazulunalo yango oyo etikalaka ekómaka ndenge nini? Mingi etikalaka sé na libombo to ebwakamaka. Ndenge nini kopɛngola likambo yango? Masakoli mokomoko asengeli kotala mpenza oyo azali na mposa na yango mpe asɛnga bobele oyo akoki kokabola. Tózwa momeseno ya kolakisa bazulunalo na bato nyonso oyo tozali kokutana na bango. Tóbebisa bazulunalo ya kala te. Tósanganaka ntango nyonso na mokolo ya bokaboli bazulunalo.
Loyembo 128 mpe libondeli ya nsuka.
Pɔ́sɔ ebandi na 26 Máí
10 mn: Mayebisi. Kundwela moko na moko ete asengeli kopesa lapólo na ye ya mosala ya sanza ya Máí. Tángá nkombo ya babongisi-nzela basungi ya sanza ya Yúni. Lobelá mingi bibongiseli mosusu oyo bizwami na lisangá na bino mpo na makita ya mosala. Na sanza ya Yúni, tokosala mpenza makasi mpo na kozongela bato oyo totikelaki mwa búku. Mokano ezali ya kobanda boyekoli. Lobelá na mokuse mwa makanisi matali lolenge ya kotuna na takte nkombo mpe adresi ya bato oyo tozali kopesa litatoli ya libaku malamu. Bokoki naino liboso kopesa nkombo mpe adresi na bino mpe kotuna soki na nimero nini ya telefone bokoki kozwa bango. Sɛngá ete bayangani bápesa makanisi mosusu oyo malongaki.
15 mn: “Mpo na nini bazali kosala yango?” Nkulutu moko akosolola lisoló yango na babongisi-nzela ya sanza na sanza mibale to misato. (Soki likoki ezali te tuná basakoli oyo bazalaka mbala na mbala babongisi-nzela basungi.) Lobelá makanisi ya ntina ya lisoló “Babongisi-nzela bazali kopesa mpe bazali kozwa bolamu,” oyo ebimaki na Linɔ́ngi ya Mosɛnzɛli ya 15 Yanuáli 1994. Tuná na moko na moko aloba mpo na nini akomaki mobongisi-nzela. Yebisá na babongisi-nzela bálobela baeksperiansi oyo ezali komonisa ndenge nini bazali kozwa mbano.
20 mn: Ozali naino moombo ya mimeseno mosusu ya bonkɔkɔ? Lisoló elongo na bayangani mpe salelá yango engebene mposa ya lisangá.
Loyembo 129 mpe libondeli ya nsuka.