Mwa babuku oyo ebongisami mpo na bato ya mangomba oyo ezali ya boklisto te
Kimya mpe bolamu ya solosolo— Ndenge nini okoki kozwa yango? (na Lingelesi)
Ntango ozali kopesa litatoli epai ya Chinois moko oyo azali mwana-kelasi, okoki koloba boye:
“Namoni ete bana-kelasi nyonso oyo nakutani na bango balingaka kozala na kimya mpe na bomoi ya malamu. Okanisi ete yango ezali na ntina? [Tiká ye apesa eyano.] Ekozala mpenza esengo soki maloba oyo ya kala ekokisami, boye te?” Tángá Nzembo 37:11, mpe tikelá ye mwa buku yango.—km 2/98 lok. 5.
La direction venant de Dieu: le chemin qui mène au Paradis
Ntango ozali kosolola na Mizilma moko, okoki koloba boye:
“Nazali kosala makasi mpo na kosolola na Bamizilma. Nayebi ete Bamizilma bandimaka Nzambe moko ya solo mpe basakoli nyonso. Ezali bongo te? [Tiká ye apesa eyano.] Nakosepela koyebisa yo esakweli moko ya kala oyo elobaki ete mabelé ekokóma paladiso. Nakoki kotángela yo makambo oyo mosakoli akomaki? [Tiká ye apesa eyano. Na nsima, Tángá Yisaya 11:6-9.] Esakweli oyo ezali kotinda ngai nakanisa maloba moko ya Coran oyo ezali na mwa buku oyo.” Fungolá na lokasa 9, mpe tángá maloba oyo ezali na makomi ya moindo. Soki moto yango asepeli, kobá kosolola na ye na paragrafe 7-9 ya lokasa elandi.—km 11/99 lok. 8.
Nos problèmes—Qui nous aidera à les résoudre?
Soki okutani na elenge moko ya Lingomba ya Bahindou, okoki koloba boye:
“Na ntembe, ondimaka ete Nzambe azali. Mpo na yo, mokano ya Nzambe ezali nini mpo na biso? [Tiká ye apesa eyano. Na nsima, tángá Genese 1:28.] Na bisika mingi, mabelé etondi mpenza na bato mpe bato yango bazali na mikakatano mingi. Okanisi ete Mozalisi akosepela kosalisa biso tósilisa mikakatano oyo ezali kokómela biso?” Tiká ye apesa eyano. Na nsima, tikelá ye mwa buku.—km 9/99 lok. 8.
Pourquoi adorer Dieu en amour et en vérité?
Makanisi oyo ekoki kobonga na moto oyo azali na libota mpe asambelaka na Lingomba ya Bahindou:
“Nazali kosolola na bato oyo bazali komitungisa mpo na ndenge bomoi ya libota ezali kobeba se kobeba na bikólo mingi. Mpo na yo, nini mpenza ekoki kosalisa libota ezala na bomoko? [Tiká ye apesa eyano.] Bato mosusu bayebi makambo oyo mikanda ya Lingomba ya Bahindu elobi na oyo etali libota, kasi naino batánga te oyo Biblia elobi na likambo yango mpo na koyeba soki mateya yango ekeseni na nini. Nakosepela kolakisa yo likanisi oyo. [Tángá Bakolose 3:12-14.] Mwa buku oyo ezali kolobela makomami mosantu ya Inde ná Biblia.” Tikelá ye mwa buku yango, mpe lobelá nkasa 8-9 mpe 20-21.—km 9/99 lok. 8.
“Tala, nazali kozalisa biloko nyonso biloko na sika”
Soki okutani na mokóló moko oyo asambelaka na Lingomba ya Bouddha, okoki koloba boye:
“Ntango mosusu ozali komitungisa lokola ngai, mpo na makanisi ya mbindo oyo etondi na mokili mpe ndenge yango ezali kobebisa bana na biso. Mpo na nini bilenge bakómi komipesa mingi na pite? [Tiká ye apesa eyano.] Oyebi ete likambo yango esakolamaki na buku moko oyo ebandaki kokomama bambula mingi liboso kutu Lingomba ya Bamizilima, ya boklisto, mpe ya Bahindu esalema? [Tángá 2 Timote 3:1-3.] Kobosana te ete likambo yango ezali kaka kobakisama atako bato bakómi na mayele mingi. [Tángá vɛrsɛ 7.] Mokanda oyo esalisaki ngai nakanga ntina ya mateya ya solo oyo bato mingi bayebi yango naino te. Okosepela kotánga yango?”—km 8/99 lok. 8.
Tokofanda mokolo mosusu kati na mokili mozangi bitumba?
Ntango ozali kosolola na Moyuda moko, okoki koloba boye:
“Mingi na biso tosilá kokufela moto. Okoki koyeba nini ekómelaka biso soki tokufi?” Tiká ye ayanola. Na nsima, lakisá ye etanda “Liwa mpe molimo—Ezali nini?” oyo ezali na lokasa 22 ya mwa buku yango. Tángá paragrafe 17 na lokasa 23 oyo elobeli lisekwa. Monisá ye ete Yobo mpe azalaki na elikya ya lisekwa. Tikelá ye mwa buku, mpe yokaná na ye mpo ozongela ye, mpo bótalela bavɛrsɛ oyo ezali na nsuka ya paragrafe 17, oyo batii maloba na yango na lisolo te.—km 10/99 lok. 8.