Watchtower MIKANDA OYO EZALI NA INTERNET
Watchtower
MIKANDA OYO EZALI NA INTERNET
Lingala
  • BIBLIA
  • MIKANDA
  • MAKITA
  • w06 1/10 lok. 3
  • Bato bazali koluka bomoi ya seko

Video ezali awa te.

Esimbi te. Video oyo esali mwa mindɔndɔ.

  • Bato bazali koluka bomoi ya seko
  • Linɔ́ngi ya Mosɛnzɛli eyebisaka Bokonzi ya Yehova—2006
  • Masolo mosusu
  • Ndenge nini tokoki kozwa bomoi molai oyo tolukaka?
    Linɔ́ngi ya Mosɛnzɛli eyebisaka Bokonzi ya Yehova—1999
  • Baluki kokómisa bomoi molai
    Linɔ́ngi ya Mosɛnzɛli eyebisaka Bokonzi ya Yehova (ya bato nyonso)—2019
  • Mpo na nini tokómaka mibangé mpe tokufaka?
    Lamuká!—1996
  • Tosalamá mpo na kozala na bomoi libela na libela
    Lamuká!—1996
Linɔ́ngi ya Mosɛnzɛli eyebisaka Bokonzi ya Yehova—2006
w06 1/10 lok. 3

Bato bazali koluka bomoi ya seko

BANDA kalakala, bato bazalaka na mposa ya kozala na bomoi libela na libela. Kasi, lokola naino ata moto moko te azwá nkisi ya kosilisa liwa, bato bazwi naino likoki ya kozala na bomoi libela na libela te. Lelo oyo, mayele oyo minganga bakómi na yango epesi bato lisusu elikya ete bakoki kokómisa bomoi ya moto molai. Tótala naino makambo oyo bato ya siansi bazali komeka kosala.

Bato ya mayele na bioloji bazali koyekola eloko moko oyo ezalaka na makila ya moto babengi enzyme télomérase, mpo na koluka ndenge ya kosala ete baselile ya moto etika te kobotana. Bato ya siansi bayebi ete soki baselile ekoli ekufaka mpe mosusu ebotamaka. Na ndenge yango, pene na nzoto mobimba ya moto ekómaka lisusu ya sika mbala mingi na boumeli ya bomoi na ye. Bato ya siansi bazali kokanisa ete soki ekobi kosalema bongo libela na libela, “nzoto ya moto ekoki kozongaka ya sika na boumela ya ebele ya bambula, ata mpe libela na libela.”

Bato ya siansi babimisi mayele ya sika oyo babengi clonage thérapeutique. Bazali kokanisa ete soki enama moko ya nzoto ya moto ebebi, na ndakisa libale, ngei to motema, bakoki kozwa baselile na ye moko mpe kosalela ye enama mosusu.

Bato mosusu ya siansi oyo bazali kokanisa ete mayele babengi nanotechnique ekoki kosala ete minganga bákóma na likoki ya kokɔtisa na kati ya makila ya moto baselile oyo esalemi na moto mpo eluka mpe eboma baselile ya kanser mpe bamikrobe oyo ezali na kati ya nzoto ya moto.

Bamosusu bazali kosalela mayele babengi cryogénisation batyaka nzoto ya bato oyo bakufi na kati ya bafrigo ya malili makasi. Likanisi na bango ezali ya kobomba bango tii ntango minganga bakozwa nkisi ya kosilisa maladi oyo bakufaki na yango, mayele ya kosilisa bobange mpe ya kolamusa bakufi. Zulunalo moko (American Journal of Geriatric Psychiatry) elobi mayele yango “ekokani na mayele ya kokaukisa nzoto ya ebembe mpo epɔla te, oyo bato ya Ezipito bazalaki kosalela.”

Milende nyonso wana oyo bato bazali kosala mpo na koluka bomoi ya seko emonisi ete moto moko te asepelaka na liwa. Bato bakoki mpenza kozwa bomoi ya seko? Biblia elobi nini na likambo yango? Lisolo oyo elandi ekoyanola na mituna wana.

    Mikanda na Lingala (1984-2026)
    Bimá
    Kɔtá
    • Lingala
    • Kotindela moto
    • Makambo oyo olingi
    • Copyright © 2025 Watch Tower Bible and Tract Society of Pennsylvania
    • Ndenge ya kosalela
    • Kobomba makambo ya moto
    • Kobongisa makambo na yo
    • JW.ORG
    • Kɔtá
    Kotindela moto