Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛl 15 Yan.

“Lelo oyo, lokola bato mingi bakokisaka bilaka na bango te, mingi bakokaka te kotyela basusu motema. Okanisi ete ezali na moto moko oyo tokoki kotyela bilaka na ye motema? [Tiká ye apesa eyano. Nsima tángá Yosua 23:14.] Zulunalo oyo ezali komonisa ndenge tokoki kotyelaka bilaka ya Nzambe oyo ezali na Biblia motema.”

Lamuká! 22 Yan.

“Talá ndenge bakomaka nkombo ya Nzambe na Hébreu. [Lakisá ye ezipeli.] Bato mingi bandimaka ete ezali mabe kotánga nkombo yango na mongongo makasi. Basusu basalelaka yango mingi. Lamuká! oyo ezali kolobela ntina oyo bato mosusu basalelaka nkombo ya Nzambe, nzokande basusu balingaka te. Ezali mpe komonisa ndenge tokoki koyeba Nzambe na nkombo na ye.” Tángá Nzembo 83:⁠18.

Linɔ́ngi ya Mosɛnzɛlii 1 Feb.

“Mingi kati na biso tosalaka makasi tózala nzoto kolɔngɔnɔ. Kasi, bato ya siansi oyo bauti koyekola likambo yango bamonisi ete bokolɔngɔnɔ ya nzoto etaleli mpe bokolɔngɔnɔ na biso ya elimo. Okanisi ete ezali mpenza bongo? [Tiká ye apesa eyano. Nsima tángá Matai 5:⁠3.] Linɔ́ngi ya Mosɛnzɛli oyo ezali komonisa ndenge tokoki kokokisa mposa na biso ya makambo ya elimo.”

Lamuká! 8 Feb.

“Lelo oyo, bato mingi basalaka mingi mpe esengeli ete bálalaka mingi. Mbala mosusu okondima likambo oyo ekomamaki eleki sikoyo mbula 3000. [Tángá Mosakoli 4:⁠6. Nsima, tiká ye apesa eyano.] Lamuká! oyo elobeli makambo ya ntina oyo ekoki kosalisa biso tóyeba soki tolalaka mingi te mpe ndenge ya kolonga mokakatano yango.”