Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛl 15 Sɛt.

“Bato ebele bakɔtisaka maloba oyo eyebani mingi na mabondeli na bango. [Tángá Matai 6:10.] Mpo na yo, bomoi elingaki kozala ndenge nini soki mokano ya Nzambe ezalaki mpenza kosalema awa na mabelé? [Tiká ye apesa eyano.] Zulunalo oyo ezali kolimbola likambo mokomoko oyo elobelami na Libondeli ya Nkolo, ata mpe likambo oyo touti kotánga.”

Lamuká! 22 Sɛt.

“Bato mingi bazali komitungisa na likambo oyo bilenge mingi bakómi kosala​—⁠Komɛla masanga kelelo. Osí oyoká likambo yango? [Tiká ye apesa eyano. Na nsima tángá Masese 20:⁠1.] Komɛla masanga kelelo ememelaka bilenge makama mingi. Lisolo oyo ezali kolobela makambo oyo ekoki kosalisa bango bákima mposa ya komɛla masanga koleka ndelo.

Linɔ́ngi ya Mosɛnzɛlii 1 Ɔkɔt.

“Biso nyonso tozelaka nsuka ya makambo ya mabe, ya mobulu mpe ya bitumba. Okanisi ete mokolo mosusu maloba oyo ekokokisama? [Tángá Nzembo 37:11. Na nsima, tiká ye apesa eyano.] Zulunalo oyo ezali kolobela ndenge elaka yango eyokani na mokano oyo Nzambe azalaki na yango na ebandeli mpo na bato mpe makambo oyo tosengeli kosala mpo tózala ntango mokano yango ekokokisama.”

Lamuká! 8 Ɔkɔt.

“Ntango omonaka ndenge mbula na mbula bamilio ya bilenge basi oyo babali naino te bazali kozwa zemi epesaka yo mawa; ezali bongo? [Tiká ye apesa eyano.] Zulunalo oyo ezali komonisa nini bilenge basi bakoki kosala mpo bálonga mikakatano oyo ekómelaka bilenge basi oyo bazali na bana. Ezali mpe kolobela ndenge baboti bakoki kosalisa bana na bango mpo na kobatela bango na likambo yango.” Tángá 2 Timote 3:⁠15.