Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛl 15 Feb.

“Toyokaka ntango mosusu ete likamwisi moko esalemi. [Pesá ndakisa moko.] Bato mosusu bandimaka bansango ya ndenge wana. Basusu bandimaka yango te. Zulunalo oyo ezali komonisa soki makamwisi oyo Biblia elobeli esalemaki mpenza mpe soki makambo ya ndenge wana ezali kosalema lelo oyo.” Tángá Yilimia 32:⁠21.

Lamuká! 22 Feb.

“Na ntango ya kala, Nzambe apesaki bana etinda bátosaka bamama ndenge batosaka batata na bango. [Tángá Exode 20:12.] Lelo oyo, okanisi ete bana batosaka bamama na bango ndenge esengeli? [Tiká ye apesa eyano.] Zulunalo oyo ezali kolobela mikakatano oyo bamama bazali kokutana na yango na bikólo ndenge na ndenge mpe oyo basalaka mpo na kosilisa mikakatano yango.”

Linɔ́ngi ya Mosɛnzɛlii 1 Mar.

“Okanisi ete mokili elingaki kozala malamu soki bato basalelaki toli oyo? [Tángá Baloma 12:​17, 18. Na nsima, tiká ye apesa eyano.] Na mawa nyonso, ekómaka ete matata ebima kati na biso. Zulunalo oyo ezali komonisa ndenge oyo kosalela toli ya Biblia ekoki kosalisa biso tósilisa matata mpe tótya kimya.”

Lamuká! 8 Mar.

“Mbula na mbula, bato bazali se kokóma na mposa makasi ya kura ná mɔtɔ. Okanisi ete tokozala ndenge nini soki kura to mɔtɔ ezali lisusu te? [Tiká ye apesa eyano.] Zulunalo oyo ezali kolobela milende oyo bato basali mpo na kozwa biloko oyo ekopesa kura ná mɔtɔ, kasi ekobebisa mai, zamba ná mopɛpɛ te. Ezali mpe kolobela Moto oyo asalá biloko nyonso oyo epesaka kura ná mɔtɔ.” Tángá Yisaya 40:⁠26.