Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛli 1 Feb.

“Okanisi ete mabota bakozala ndenge nini soki basaleli toli oyo? [Tángá Baefese 4:31. Na nsima, tiká ye apesa eyano.] Na lisalisi ya Biblia, lisolo oyo epesi mwa makanisi oyo ebongi mpo na ndenge ya kosilisa mikakatano na libala mpe kokoba kozala na esengo.” Lakisá lisolo oyo ebandi na lokasa 18.

Lamuká! Feb.

“Basusu bakanisaka ete Nzambe alandelaka libunga mokomoko oyo tosalaka. Mpo na basusu, Nzambe alimbisaka masumu nyonso, ata soki ezali monene ndenge nini. Yo okanisi nini? [Tiká ye apesa eyano. Na nsima, tángá Misala 3:19.] Lisolo oyo emonisi makambo misato oyo Biblia esɛngi moto asala soki alingi Nzambe alimbisa ye.” Lakisá lisolo oyo ebandi na lokasa 10.

Linɔ́ngi ya Mosɛnzɛli 1 Mar.

“Nalingi nayeba likanisi na yo mpo na vɛrsɛ oyo eyebani mingi. [Tángá Yoane 3:16.] Omituná naino te ndenge nini liwa ya moto moko ekoki kopesa basusu bomoi ya seko? [Tiká ye apesa eyano.] Zulunalo oyo emonisi polele ndenge oyo tokoki kozwa matomba na liwa ya Yesu.”

Lamuká! Mar.

“Okanisi ete mangomba nyonso ezali malamu? [Tiká ye apesa eyano.] Talá oyo Biblia elobi mpo na losambo ya bato mosusu. [Tángá Malako 7:7.] Ndenge nini moto akoki koyeba soki lingomba moko eteyaka mateya ya solo to eteyaka nde ‘bakomandema ya bato’? Ekoki nde kozala na lingomba moko oyo eteyaka mpenza solo? Zulunalo oyo epesi eyano na mituna yango.”