Ndenge ya kobanda lisolo

Mpo na kobanda koyekola na bato Biblia mokolo ya pɔsɔ ya liboso ya sanza ya Augusto

“Bato bakɔtaka na mangomba ndenge na ndenge mpe basambelaka Nzambe na lolenge ekeseni. Okanisi ete Nzambe ayokaka ndenge nini mpo na likambo yango? [Tiká ye apesa eyano.] Talá oyo Yesu ateyaki na ntina ya likambo yango.” Pesá moto yango Linɔ́ngi ya Mosɛnzɛli ya 1 Augusto, mpe bótalela elongo makanisi oyo ezali na nse ya motó ya likambo ya moke ya liboso na lokasa 16 mpe moko ya bavɛrsɛ oyo ezali wana. Tikelá ye bazulunalo mpe bóyokana mpo ozongela ye mpo bótalela eyano na motuna oyo elandi.

Linɔ́ngi ya Mosɛnzɛli 1 Augusto

“Esengeli koteya bana makambo etali Nzambe ntango bazali naino mike, to ezali malamu kozela tii ntango bakokóma mikóló mpe kotika bango moko bápona lingomba oyo balingi? [Tiká ye apesa eyano.] Talá etinda oyo Biblia epesi batata. [Tángá Baefese 6:4.] Zulunalo oyo epesi mwa batoli oyo ekoki kosalisa baboti báteya bana na bango makambo etali Nzambe.”

Lamuká! Augusto

“Nalingi koyeba likanisi na yo na vɛrsɛ oyo. [Tángá 1 Samwele 16:23.] Na kolanda vɛrsɛ yango, miziki ezali na nguya. Okanisi ete banzembo mosusu ekoki kobebisa moto soki azali koyoka yango mingi? [Tiká ye apesa eyano.] Zulunalo oyo elobeli ndenge nini tokoki koyeba kopona miziki oyo tokoyoka mpe ndenge nini tokoki kosalisa bana na biso básala mpe bongo.”