Kalulo ya Puzo

◼ Haiba muñ’a ndu a fa nubu ye tuna ku fita ya ba bañwi, kana lwa kona ku mu fa hatiso ye ñwi hape?

Ha lu tokwi ku eza cwalo. Mu be ni tokomelo ha ku ba cwalo, mu nyakisise za haiba mutu y’o wa tabela luli ku bala lihatiso. Fa misipili ye tatama ya makutisezo, muñ’a ndu y’o a kana a fiwa hatiso ye bulela ze ñwi ze mu ama hahulu. Haiba muñ’a ndu y’o a’ nga muhato wa ku fa nubu hape, ya kona ku amuhelwa ka buitumelo. Mu si libali kuli linubu li tusa mwa likalulo ze fitana-fitana za musebezi wa luna wa mwa lifasi kaufela, o kopanyeleza tukiso ya luna ya ku yaha, musebezi wa bulumiwa ni wa bupaina bo bu ipitezi, hamohocwalo ni ku hatisa lihatiso za luna.