Fitomaniana
א [Alefa]
2 Indrisy! Nataon’i Jehovah saron-drahona i Ziona zanakavavy, fa tezitra Izy.+
Nazerany avy any an-danitra ho amin’ny tany+ ny hatsaran-tarehin’ny Israely.+
Ary tsy tsaroany ny fitoeran-tongony,+ tamin’ny andro fahatezerany.
ב [Beta]
2 Nolevonin’i Jehovah ireo fonenan’i Jakoba, ka tsy nisy niantrany.+
Tao anatin’ny fisafoahana no nandravany ireo toerana voaro mafin’i+ Joda zanakavavy.
Nazerany tamin’ny tany+ sy nozimbazimbainy ilay fanjakana+ sy ny andrianany.+
ג [Gimela]
3 Nokapainy tamin-katezerana mafy ny tandroka* rehetran’ny Israely.+
Nampihemotra ny tanany havanana teo anoloan’ny fahavalo izy.+
Ary eo amin’i Jakoba izy dia mirehitra toy ny afo miredareda izay mandevona ny manodidina.+
ד [Daleta]
4 Namatotra ny tadin-tsipìkany izy, toy ny ataon’ny fahavalo.+ Ny tanany havanana+ dia naka toerana
Toy ny fahavalo,+ ka novonoiny izay rehetra nahafinaritra ny maso.+
Nalatsany toy ny afo tao amin’ny tranolain’ny+ zanakavavin’i Ziona ny fahatezerany.+
ה [He]
5 Nanjary toy ny fahavalo i Jehovah.+ Naripany ny Israely.+
Nolevoniny avokoa ny tilikambo fonenana,+ ary noravany ireo toerany voaro mafy.+
Nampitomboiny ny fisaonana sy ny fitomaniana tao amin’i Joda zanakavavy.+
ו [Vao]
6 Nopotehiny toy ny trano bozaka eny an-jaridaina+ ny trano rantsankazony.+ Noravany ny fetiny.
Nataon’i Jehovah hadino ny fety+ sy ny sabata, tao Ziona.
Ary tsy nohajainy ny mpanjaka sy ny mpisorona, rehefa nanameloka tamin-katezerana izy.+
ז [Zaina]
7 Nafoin’i Jehovah ny alitarany.+ Nolaviny ny toerany masina.+
Natolony teo an-tanan’ireo fahavalo ny mandan’ny tilikambo fonenana.+
Nihorakoraka toy ny amin’ny andro fety izy ireo, tao an-tranon’i Jehovah.+
ח [Heta]
8 Noeritreretin’i Jehovah horavana ny mandan’i+ Ziona zanakavavy.
Nohenjaniny ny tady fandrefesana.+ Tsy nampihemotra ny tanany tsy handripaka izy.+
Ary nataony nisaona ny tovon-tany sy ny manda.+ Samy ketraka ireny.
ט [Teta]
9 Tafalentika ao anaty tany ny vavahadiny.+ Ary nanimba sy namotipotika ireo bara hidiny Izy.
Any amin’ireo firenena izao ny mpanjakany sy ny andrianany.+ Tsy misy lalàna.+
Ary tsy mahazo fahitana avy amin’i Jehovah ireo mpaminaniny.+
י [Yôda]
10 Mitombina amin’ny tany sady mangina+ ny anti-panahin’i Ziona zanakavavy.
Asian’izy ireo vovoka ny lohany,+ ary misikina lamba gony izy.+
Ary ny virjinin’i Jerosalema dia miondrika ka mitehika amin’ny tany ny lohany.+
כ [Kafa]
11 Reraka ny masoko noho ny ranomaso be loatra.+ Mangotikotika ny tsinaiko.+
Mipotsaka amin’ny tany ny atiko+ satria lavo ny oloko zanakavavy,+
Ary safotra eny amin’ny tany malalaky ny tanàna ny ankizy sy ny zaza minono.+
ל [Lameda]
12 Miteny amin-dreniny foana izy ireo hoe: “Aiza ny sakafo sy ny divay?”+
Fa safotra toy ny olona voavono eny amin’ny tany malalaky ny tanàna izy ireo,
Ary miala* aina eo an-tratran-dreniny.
מ [Mema]
13 Inona re no porofo azoko aseho anao e? Hampitoviko amin’inona ianao, ry Jerosalema zanakavavy ô?+
Hampitahaiko amin’inona ianao mba hampiononako anao, ry Ziona zanakavavy virjiny ô?+
Fa lehibe toy ny ranomasina ny fahavoazanao.+ Iza no hahasitrana anao?+
נ [Nona]
14 Zavatra tsy misy ilana azy sy tsy mahafa-po no tao amin’ny fahitana nambaran’ny mpaminaninao taminao.+
Tokony ho naharihariny ny fahadisoanao mba tsy hahalasa babo anao, nefa tsy nataony izany,+
Fa mbola zavatra tsy misy ilana azy sy mamitaka ihany no tao amin’ny fahitana nambarany taminao.+
ס [Sameka]
15 Mitehaka maneso anao avokoa izay mandalo eny an-dalana.+
Misioka+ sy mihivingivin-doha+ mandatsa an’i Jerosalema zanakavavy izy ireo, ka manao hoe:
“Io ve ilay tanàna nolazaina fa ‘tonga lafatra amin’ny hatsaran-tarehy, sy fifaliana ho an’ny tany manontolo’?”+
פ [Pe]
16 Manoka-bava hamelezana anao avokoa ny fahavalonao.+
Misioka izy ireo ary mihidy vazana,+ ka milaza hoe: “Harapatsika izy.+
Ity mihitsy ilay andro efa nandrasantsika.+ Azontsika e! Hitantsika e!”+
ע [Aina]
17 Nataon’i Jehovah izay tao an-tsainy.+ Notanterahiny ny teniny,+
Dia ny didiny efa hatramin’ny ela be.+ Nandrava izy, ary tsy nangoraka mihitsy.+
Ary ataony faly amin’izay manjo anao ny fahavalo.+ Nasandrany ny tandroky* ny fahavalonao.+
צ [Tsade]
18 Mitaraina mafy amin’i Jehovah ny fon’izy ireo,+ ry mandan’i Ziona zanakavavy ô!+
Mandrotsaha ranomaso be toy ny riaka, na andro na alina.+
Aoka ianao tsy ho mafy fo. Aza avela haka aina ny anakandriamasonao.
ק [Kôfa]
19 Mitsangàna! Aoka ianao hitaraindraina isan’alina, rehefa manomboka ny fiambenana maraina.+
Aborahy eo anatrehan’i Jehovah ny ao am-ponao+ ka avelao hikoriana toy ny rano.
Asandrato ho aminy ny tananao+ noho ny amin’ny ain’ny zanakao,
Izay safotra eny an-joron-dalana rehetra eny, noho ny mosary.+
ר [Resa]
20 Jehovah ô, jereo ka diniho+ ilay nasianao mafy toy izao.
Moa ve ireo vehivavy mbola hihinana ihany an’izay aloaky ny kibony, dia ireo zaza salama tsara aterany?+
Ary hovonoina ao amin’ny toerana masin’i Jehovah ve ny mpisorona sy ny mpaminany?+
ש [Shina]
21 Niampatrampatra teny an-dalambe+ ny fatin’ireo zazalahy sy ny lahiantitra.+
Lavon-tsabatra ny virjiniko sy ny zatovoko.+
Namono ianao tamin’ny andro fahatezeranao.+ Nandripaka ianao,+ ary tsy nangoraka mihitsy.+
ת [Tao]