Fivoriana Momba ny Fanompoana Amin’ny Septambra
Herinandron’ny 1 Septambra
10 min: Fampandrenesana eo an-toerana. Fampandrenesana nofantenana avy ato amin’ny Fanompoantsika Ilay Fanjakana.
15 min: “Ataovy eo Amin’ny Toerana Voalohany Ireo Zavatra Lehibe Kokoa”. Fanontaniana sy valiny. Raha mamela hanao izany ny fotoana, dia resaho ny hoe “Fixez-vous un bon ordre de priorités”, ao amin’ny Mifohaza! (frantsay) 22 Febroary 1987, pejy faha-8-9.
20 min: “Fizarana Amin’ny Hafa Ny Tsiambaratelon’ny Fahasambaram-pianakaviana”. Lahateny mahafaoka ny fehintsoratra voalohany sy faha-6. Anaovy fampisehoana ny fehintsoratra faha-2-5. Hamafiso ny tsy maintsy hitadidiantsika ny hanao mpianatra sy hanatratra ny zava-kendrena, dia ny hanomboka fampianarana Baiboly.
Herinandron’ny 8 Septambra
10 min: Fampandrenesana eo an-toerana. Tatitra momba ny kaonty.
10 min: Zavatra ilaina eo an-toerana.
10 min: “Fampianarana Baiboly Mamokatra Mpianatra”. Lahateny.
15 min: Miara-mandinika ilay hoe “Omeo ny antony manosika hirosoana amin’ny fanoloran-tena sy ny batisa ireo olona ampianarina” (km-MG 6/96, takelaka fanampiny, feh. 20-22), amin’ny mpitory za-draharaha izay mitarika fampianarana Baiboly maromaro, ny loholona iray.
Herinandron’ny 15 Septambra
10 min: Fampandrenesana eo an-toerana.
15 min: Ampiasao Tsara Ireo Vidéos. Avereno jerena ireo fanoloran-kevitra momba ny fampiasana ireo vidéos an’ny Fikambanana ary mitantarà fanandraman-javatra eo an-toerana, hampisehoana ny fomba hampiasana bebe kokoa ireo vidéos, na ao amin’ny fianakaviantsika izany, na eo amin’ny fanompoantsika.
20 min: Mampiasa ny Bokikely Sekoly ve Ianao? Miara-mandinika amin’ny ray aman-dreny sy zanaka sasany Ny Tilikambo Fiambenana 1 Janoary 1986, pejy 30-31, ny loholona iray. Mitantara ny fanandraman-javatra hitany tamin’ny fampiasana ny bokikely Sekoly, izy ireo.
Herinandron’ny 22 Septambra
8 min: Fampandrenesana eo an-toerana.
17 min: Ny Fomba Hanombohan-dresaka. Ny fahombiazantsika eny amin’ny fanompoana dia miankina be dia be amin’ny fahafahantsika hitarika ny olona hiresaka amintsika. Rehefa afaka milaza zavatra iray mahatonga ny hafa hihaino antsika isika, dia nandresy ny iray amin’ireo vato misakana lehibe indrindra hitantsika eny am-pitoriana. Iaraho midinika amin’ny mpanatrika ireo hevi-dehibe ao amin’ny Boky ho An’ny Sekoly, fianarana faha-16, fehintsoratra faha-11-14. Manasà mpitory mahay manombo-dresaka sady mahita vokatra eo amin’ny fanombohan-dresaka, hilaza ireo teny fanokafana ataony rehefa miresaka amin’ny 1) mpandeha an-tongotra eny an-dalana, 2) olona eny ambony aotobisy 3) mpivarotra, 4) mpiantsena hitany teny amin’ny parking, 5) olona eny amin’ny sezan-jaridaina ary 6) olona nifandraisana tamin’ny fanambarana an-telefaonina.
20 min: Fandinihana ny Tatitry ny Kongregasiona Momba ny Fanompoana, Taona 1997. Midera ny kongregasiona noho ny ezaka tsara nataony, indrindra fa nandritra ny Martsa sy Aprily ary May, ny mpiandraikitra ny fanompoana. Manome fanoloran-kevitra avy amin’ny fitambaran-doholona sy ny tatitra farany avy amin’ny mpiandraikitra ny fizaran-tany mba hampitomboana ny asa fanompoana eny amin’ny saha sy fampianarana Baiboly, izy. Manoritra zava-kendrena azo ampiharina sasany ho an’ny taom-panompoana vaovao izy, anisan’izany ny fanombohana sy fitarihana fampianarana Baiboly sy ny fanaovana ny asan’ny mpisava lalana mpanampy mandritra ireo volana misy faran’ny herinandro dimy — Novambra sy May ary Aogositra.
Herinandron’ny 29 Septambra
15 min: Fampandrenesana eo an-toerana. Ampahatsiahivo ny rehetra mba hamerina ny tatitra momba ny fanompoana. Lazao fa hanomboka hianatra ny boky Fahasambaram-pianakaviana isika, amin’ny fianarana ny boky amin’ny herinandro ambony. Ho fiomanana ho amin’ny asa fizarana gazety amin’ny Oktobra, dia resaho fa ilaina ny ‘Hamakafakana ny faritaninao’, ‘Hamantarana tsara ireo gazety’, ‘Hanomanana ireo teny fampidirana’, ‘Hampifanarahana amin’ny tompon-trano ny fomba fampiseho’, ary ny ‘Hifanampiana’, araka ny Fanompoantsika Ilay Fanjakana Oktobra 1996, pejy faha-8.
15 min: Inona no tokony hataon’ny Kristiana iray rehefa antsoina hanao ny raharahan’ny mpitsara mpanampy izy? Lahateny ataon’ny loholona iray, miorina amin’ny Tilikambo Fiambenana 1 Aprily 1997, pejy faha-27-29.
15 min: Omeo Voninahitra ny Fanompoanao. Fiaraha-midinika amin’ny mpanatrika ny boky Ny Fanompoantsika, pejy faha-82-84. Apetraho ireto fanontaniana ireto mba hanasongadinana ireo hevi-dehibe: 1) Inona no soa azontsika avy amin’ny fanarahana ny ohatr’i Jesosy? 2) Zava-dehibe ve ny andraikitsika hitory? 3) Inona no antony nanosika antsika hanolotra ny fiainantsika ho an’i Jehovah? 4) Karazam-pitondran-tena manao ahoana no takina amin’ny olona iray maniry hanompo an’Andriamanitra? 5) Inona no azontsika ianarana avy amin’ny fomba fitorin’i Jesosy?