Fandaharana Amin’ny Fivoriana Momba ny Fanompoana
Herinandron’ny 9 Septambra
13 min: Fampandrenesana eo an-toerana. Fampandrenesana nofantenana avy ato amin’ny Fanompoantsika Ilay Fanjakana. Manaova fampisehoana roa momba ny fametrahana gazety, toy Ny Tilikambo Fiambenana 1 Septambra sy ny Mifohaza! 8 Septambra, araka ny fanoloran-kevitra ao amin’ny pejy 8. Asehoy amin’ireo fampisehoana roa ireo ny fomba samy hafa hamaliana ny hoe “Tsy manintona ny saiko ny Vavolombelon’i Jehovah.”—Jereo ny boky Fanjohian-kevitra, pejy 17.
17 min: “Ampio ny Olona Hanome Voninahitra An’i Jehovah.”a Milazà hevitra azo ampiharina iray na roa avy ao amin’ny boky Fanjohian-kevitra, pejy 293-295, raha ampy ny fotoana.
15 min: Nahoana no Tsy Ampy Finoana ny Olona? Fiaraha-midinika amin’ny mpanatrika. Matetika isika no sendra olona tsy manam-pinoana firy. (2 Tes. 3:2) Tokony hofantarintsika aloha ny hevitr’izy ireo momba an’Andriamanitra, sy ny antony mahatonga azy hihevitra toy izany, alohan’ny hilazantsika ny fahamarinana momba an’i Jehovah. Diniho ireo anton-javatra efatra voalaza ao amin’ny boky Fanjohian-kevitra pejy 239, 240, izay mahatonga ny olona tsy hanam-pinoana. Asao ny mpanatrika hilaza izay tari-dresaka azo ampiasaina amin’ireo anton-javatra tsirairay ireo. Milazà fitantarana iray nisy tari-dresaka nahomby, na ampiasao ilay ao amin’ny Tilikambo Fiambenana 1 Jolay 1996, pejy 25-27.
Herinandron’ny 16 Septambra
10 min: Fampandrenesana eo an-toerana. Tatitra momba ny kaonty. Ampirisiho ny rehetra hijery indray ny fandraisany an-tsoratra tamin’ny fandaharan’ny fivoriamben’ny faritra farany, mba hanomanana ny Fivoriana Momba ny Fanompoana amin’ny herinandro manaraka.
18 min: Inona no Zava-bitantsika Tamin’ny Taon-dasa? Lahateny ataon’ny mpiandraikitra ny fanompoana. Resaho ireo zava-misongadina ao amin’ny tatitry ny fiangonana tamin’ny taom-panompoana 2002. Derao ny rehetra noho ireo zava-bita tsara. Mifantoha amin’izay nataon’ny fiangonana teo amin’ny fanatrehana fivoriana, ny fiverenana mitsidika sy ny fampianarana Baiboly, ary ny fanaovana ny asan’ny mpisava lalana mpanampy. Manolora hevitra azo ampiharina mba hihatsarana. Mamera tanjona azo tratrarina ho an’ny taona ho avy.
17 min: Ny Zava-tsarotra Atrehin’ny Ray na Reny Tokan-tena. Anti-panahy iray manadinadina ray na reny tokan-tena iray na roa (na ireo manambady tsy Vavolombelona), mba hahitana ny fomba iatrehan’izy ireo ny zava-tsarotra hitany rehefa mampiofana sy mifehy ary mitari-dalana ny zanany eo amin’ny lafiny ara-panahy. Ahoana no ahafahan’izy ireo miantsoroka ny andraikiny ara-pianakaviana no sady mbola mivory sy mitory tsy tapaka koa? Manasongadìna fanoloran-kevitra sasany ao amin’ny boky Fahasambaram-pianakaviana, pejy 104-110. Lazao ireo fanampiana azon’ny hafa omena, araka ny voalaza ao amin’ny pejy 113-115.
Herinandron’ny 23 Septambra
10 min: Fampandrenesana eo an-toerana. Manasà anti-panahy iray sy mpanampy amin’ny fanompoana iray hanao fampisehoana roa momba ny fomba fametrahana Ny Tilikambo Fiambenana 15 Septambra, araka ny fanoloran-kevitra eo amin’ny pejy 8. Aorian’ny fampisehoana tsirairay, dia avereno indray ny fehezanteny iray na roa voalohany nampiasaina mba hanairana ny fahalianan’ny tompon-trano.
10 min: Zavatra ilaina eo an-toerana.
25 min: “Matahora An’Andriamanitra ary Omeo Voninahitra Izy.” (Apok. 14:7) Lahateny sy fiaraha-midinika amin’ny mpanatrika, hijerena indray ny fandaharan’ny fivoriamben’ny faritra tamin’ny taom-panompoana lasa. Asao ny fiangonana hilaza ny hevi-dehibe nianarany sy ny fomba nahafahany na ny fianakaviany nampihatra izany. (Azo tendrena mialoha izy ireo.) Asongadino ireto anjara tamin’ny fandaharana ireto: 1) “Ampio Ireo Vaovao Hamboly Tahotra An’Andriamanitra.” Ahoana no ahafahantsika manampy ireo olona liana nanatrika ny Fahatsiarovana, mba handroso sy ho tonga mpanompon’i Jehovah marisika? 2) “Mankahala ny Ratsy Ireo Matahotra An’i Jehovah.” (wMG 15/7/87 p. 17, 18 na wMG 15/9/00 p. 27) Ahoana no ahafahan’ny Ohabolana 6:16-19 manampy antsika hanalavitra ireo zavatra halan’i Jehovah, toy ny avonavona, lainga, fikatsahana harena, fialam-boly tsy mahasoa ary ny fampiasana amin’ny fomba ratsy ny Internet? 3) “Mitoera ho Akaikin’ireo Tianao.” Tiantsika i Jehovah, Jesosy, ny mpianakavintsika ary ny hafa eo anivon’ny fiangonana; nahoana no miaro antsika amin’izao tontolo izao ny fitoerana ho akaiky azy ireo? 4) “Jehovah no Atahory fa Tsy ny Olona.” Nahoana ny tahotra sao tsy hahazo sitraka amin’i Jehovah no manampy anao handresy ny henatra rehefa mitory, hifikitra amin’ny toro lalan’Andriamanitra any am-piasana sy any an-tsekoly, na hanohitra ny faneren’ny mpampiasa anao tsy hamonjy fivoriana sy fivoriambe? 5) “Ataovy ho Voninahitr’Andriamanitra ny Zava-drehetra.” (Sal. 119:37; Heb. 4:13) Nahoana ny tahotra an’Andriamanitra no tokony hanakana antsika tsy hisotro tafahoatra sy hijery sary vetaveta na hanao fahotana miafina hafa? 6) “Mandehana Hatrany Amin’ny Fahatahorana An’i Jehovah.” Ahoana no nitahian’i Jehovah anao rehefa namela ny fanahiny hiasa amin’ny fomba feno teo amin’ny fiainanao ianao?—Sal. 31:19; 33:18; 34:9, 17; 145:19.
Herinandron’ny 30 Septambra
15 min: Fampandrenesana eo an-toerana. Ampahatsiahivo ny mpitory mba hamerina ny tatitra momba ny fanompoana Septambra. Diniho ny hoe “Mandroso ny Fandaharana Fanorenana Efitrano Fanjakana.”
10 min: Inona no Mampiavaka ny Gazetintsika? Lahateny sy fiaraha-midinika amin’ny mpanatrika. Hanolotra Ny Tilikambo Fiambenana sy ny Mifohaza! isika mandritra ny Oktobra. Diniho ny antony mampiavaka ireo gazety: 1) Manandratra ny anaran’i Jehovah. 2) Mampirisika ny hinoana an’i Jesosy. 3) Manambara ny Fanjakan’Andriamanitra. 4) Misarika ny saina ho amin’ilay mpitari-dalana tsara indrindra, dia ny Baiboly. 5) Manazava ny fahatanterahan’ny faminanian’ny Baiboly. 6) Manazava ny tena hevitry ny fisehoan-javatra maneran-tany. 7) Mampiseho ny fomba hiatrehana ny zava-manahirana ankehitriny. 8) Tsy momba ny atsy na ny aroa amin’ny politika. Manaova fampisehoana roa, ka ny tsirairay aminy dia mampiseho ny fomba azo ampiasana ny iray amin’ireo hevitra ireo mba hanombohan-dresaka.
20 min: “Ankasitraho Izay Omen’i Jehovah Antsika.”b Ataon’ny anti-panahy iray. Mampidira fanazavana ny amin’izay hita eo an-toerana sy izay azon’ny fiangonana atao mba hampiasana amim-pitandremana ny boky sy gazetintsika. Ampirisiho ny rehetra tsy hanafatra afa-tsy izay zavatra tena ilainy ihany. Ampahatsiahivo fa tombontsoa ny mandrotsaka vola mba hanohanana ny asa fitoriana maneran-tany. Diniho indray ny hevi-dehibe sasany ao amin’ilay taratasy ho an’ny fiangonana rehetra tamin’ny 8 Jolay 2002. Manaova fampisehoana mba hahitana ny fomba amantarana ny olona tena liana, rehefa mametraka boky sy gazety isika.
Herinandron’ny 7 Oktobra
10 min: Fampandrenesana eo an-toerana.
15 min: Miandania Amin’ny Fahamarinana Rehefa any An-tsekoly. Manadinadìna mpitory tanora iray na roa izay mbola mianatra, ary mahatakatra fa ilaina hoferana ny fiarahana amin’ireo mpiara-mianatra tsy mpino. Inona no kasainy hatao mba hiatrehana ny zava-manahirana sy ny fakam-panahy noho ny fanindrahindram-pirenena, ny dihy sy ny zavatra hafa anentanana ny mpianatra, ny fanatanjahan-tena atao ivelan’ny fandaharam-pianarana, ary ny fitondran-tena maloto? Mampidira fanazavana ny amin’ny fomba hanaovan’izy ireo fandaharana hitoriana any an-tsekoly.
20 min: “Ahoana no Hanampiana Zanaka ‘Adala’?” Lahateny sy fiaraha-midinika mampahery ataon’ny anti-panahy iray. Ampirisiho ny fianakaviana rehetra hijery raha vita tsara sy tsy tapatapaka ny fianaram-pianakaviany.
[Fanamarihana ambany pejy]
a Fero tsy hihoatra ny iray minitra ny teny fampidirana, ary asio fiaraha-midinika amin’ny alalan’ny fanontaniana sy valiny avy eo.
b Fero tsy hihoatra ny iray minitra ny teny fampidirana, ary asio fiaraha-midinika amin’ny alalan’ny fanontaniana sy valiny avy eo.