Fivoriana Momba ny Fanompoana
Herinandron’ny 12 Janoary
10 min: Fampandrenesana eo an-toerana. Fampandrenesana nofantenana avy ato amin’ny Fanompoantsika Ilay Fanjakana. Manaova fampisehoana miorina amin’ny fanoloran-kevitra ao amin’ny pejy 4, mba hametrahana Ny Tilikambo Fiambenana 1 Janoary sy ny Mifohaza! 8 Janoary. Na gazety iray ihany aza no resahina, dia atolory miaraka izy ireo, amin’ireo fampisehoana ireo. Manasongadìna lafiny tsara sasany tamin’ny fametrahana ilay gazety, aorian’ilay fampisehoana.
15 min: “Sarobidy Indrindra ny Fahendrena avy Amin’Andriamanitra.”a Asaivo hazavain’ny mpanatrika ny andinin-teny voatonona, raha ampy ny fotoana.
20 min: Faly Isika Nahazo Ireo Boky Vaovao! Fiaraha-midinika amin’ny mpanatrika. Faly isika nahazo boky vaovao roa tany amin’ny Fivoriamben’ny Vondrom-paritra “Omeo Voninahitra Andriamanitra.” Tsy mitovy amin’ny boky hafa ananantsika ilay bokikely hoe “Jereo Ilay Tany Soa.” Isaky ny mamadika pejy ianao, dia hahita lafiny samy hafa amin’ny Tany Nampanantenaina. Asongadino ny sasany amin’ireo tsipiriany eo amin’ireo sarintany samihafa. Milazà fomba tsara ahafahana mampiasa io bokikely io. Mahatonga ny zanatsika ho salama ara-panahy ny boky Mianara Amin’ilay Mpampianatra Lehibe. Lazao ireo loha hevitra ao amin’ilay boky, ka asehoy ny fomba ahafahan’ny ray aman-dreny sy ny zanaka mandray soa amin’izany. Asao ny mpanatrika hilaza ny fomba ampiasany tsara ireo boky vaovao ireo.
Herinandron’ny 19 Janoary
5 min: Fampandrenesana eo an-toerana.
10 min: Valin’ny Fanontanianareo. Lahateny ataon’ny anti-panahy.
15 min: Zavatra ilaina eo an-toerana.
15 min: “Ahoana no Azontsika Anampiana ny Vady Tsy Vavolombelona?”b Manadinadìna olona iray na roa, izay tonga mpanompon’i Jehovah noho ny ohatra tsara nomen’ny vadiny izay nanaiky ny fahamarinana talohany.
Herinandron’ny 26 Janoary
12 min: Fampandrenesana eo an-toerana. Tatitra momba ny kaonty. Ampahatsiahivo ny mpitory mba hamerina ny tatitra momba ny fanompoana Janoary. Manaova fampisehoana miorina amin’ny fanoloran-kevitra ao amin’ny pejy 4, mba hametrahana Ny Tilikambo Fiambenana 15 Janoary sy ny Mifohaza! 8 Janoary. Na gazety iray ihany aza no resahina, dia atolory miaraka izy ireo, amin’ireo fampisehoana ireo. Asehoy ao amin’ny iray amin’ireo fampisehoana ireo ny fomba hanoloranao gazety amin’ny mpifanila trano aminao.
15 min: Ampiharo eo Amin’ny Fiainanao Isan’andro ny Tenin’Andriamanitra. Lahateny sy fiaraha-midinika amin’ny mpanatrika. Ampirisiho ny rehetra hampiasa tsara ny Fandinihana ny Soratra Masina Isan’andro—2004. Resaho ny fanazavana ao amin’ny sasin-teny, pejy 3, 4. Anontanio ny mpanatrika izay fotoana mety indrindra amin’izy ireo, hamakafakana ny andinin-teny ho an’ny andro. Diniho miaraka amin’ny fiangonana ny andinin-teny sy ny fanazavana ho an’ilay andro. Asao ny mpanatrika hilaza ny fomba ahafahantsika mampihatra tsara ilay fanazavana. Ampirisiho ny rehetra hijery vetivety ny fomba ahafahany mampihatra ilay fanazavana, rehefa mamakafaka ilay andinin-teny ho an’ny andro izy.
18 min: Manàna Fifandraisana Tsara Amin’ny Mpiray Finoana. (Ohab. 18:24; 27:9) Lahateny sy fiaraha-midinika amin’ny mpanatrika, miorina amin’ny Tilikambo Fiambenana 1 Desambra 2000, pejy 22, 23. Anisan’ny fitahiana azo ao amin’ny fivavahana marina ny fananana tena namana. Mahazo fampaherezana be dia be isika, rehefa miaraka amin’ny namana any am-pivoriana, sy eny amin’ny fanompoana, ary amin’ny fotoana hafa. Ahoana no ahazoantsika namana eo anivon’ny fiangonana? Jereo ilay efajoro hoe “Dingana Enina ho Amin’ny Fananana Namana Maharitra”, ary asao ny mpanatrika hiresaka ny fampiharana ny hevitra tsirairay eo amin’ny fifandraisantsika amin’ireo rahalahintsika.
Herinandron’ny 2 Febroary
10 min: Fampandrenesana eo an-toerana. Lazao ny zavatra atolotra amin’ny volana. Jereo ao amin’ny Fanompoantsika Ilay Fanjakana Janoary 2003, pejy 3, ny fomba hanolorana ny boky Manatòna An’i Jehovah.
20 min: “Tandremo Tsara Hatrany ny Fomba Ampiasanao ny Fotoananao.”c Asao ny mpanatrika hilaza izay ataony, mba tsy hahatonga ny zavatra ara-panahy ho voahelingelin’ny zavatra tsy tena ilaina.
15 min: Manahafa An’i Paoly Tahaka ny Nanahafany An’i Kristy. (1 Kor. 11:1) Fiaraha-midinika amin’ny mpanatrika. Nanahaka an’i Jesosy i Paoly, ka nanararaotra nitory “tamin’izay sendra hitany.” (Asa. 17:17) Ahoana no anaovantsika toy izany, eo amin’ny faritanintsika? Iza avy ireo “sendra” antsika rehefa miantsena, miasa, mianatra, na mandeha fitateram-bahoaka isika? Iza ireo mety ho azontsika iresahana raha ao an-trano isika? Asao ny mpanatrika hitantara ny zava-nitranga momba ny fitoriana nataony nandritra ny asa andavanandro.
[Fanamarihana ambany pejy]
a Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.
b Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.
c Fero tsy hihoatra ny iray minitra ny teny fampidirana, ary asio fiaraha-midinika amin’ny mpanatrika avy eo.