Aoka isika hanatanteraka ny fanompoantsika ilay Fanjakana eny amin’ny saha fitoriana
1 Ny fitiavana an’i Jehovah sy ny mpiara-belona no manosika antsika hitory ny vaovao tsaran’ilay Fanjakana. Amin’ny fahaizana manazava tsara ny fahamarinana, dia afaka mandrava “ny fisainana sy ny zavatra avo rehetra izay atsangana hanohitra ny fahalalana an’Andriamanitra” isika. (2 Kor. 10:5) Ny Index des publications de la Société Watch Tower dia natao hanampy antsika amin’io lafiny io.
2 Ny lohateny lehibe miresaka momba ny asa fitoriantsika eny amin’ny saha fitoriana dia ny hoe “Ministère du champ”. Ireo lafin-javatra rehetra dia voafaoka ao, anisan’izany ny fomba fihetsitsika manokana, ireo fampidirandresaka, fomba fandresena ny fanoherana, fanolorana ny zavatra vita an-tsoratra tsirairay, fiverenana mitsidika, ary fampianarana Baiboly. Ho tianao ve ny hanazava hevitra iray amin’ny mpivady momba ny fanandraman-javatra tsara? Mety ho hitanao ao anatin’ny fotoana fohy izay ilainao eo ambanin’ny lohateny eo afovoany hoe “Expériences”.
3 Manohitra ve ny olona iray satria hoe mifanipaka ireo teny voalazan’ny Baiboly, angamba amin’ny fanononana andinin-teny toa mifanipaka? Eo ambanin’ny hoe “Authenticité de la Bible”, ny lohateny kely hoe “contradictions” sy ny hoe “harmonie” dia manome fakàn-teny momba ny fiadian-kevitra rehetra ny amin’io fanoherana io. Eo ambanin’ny lohateny kely hoe “harmonie des Écritures”, dia hahita lisitra lava ianao momba ireo andinin-teny tsirairay izay toa mifanohitra ary fakàn-teny izay manazava tsara azy ireo.
4 Any amin’ireo faritra sasany, dia tsy maintsy mandrava ny fisainana mifototra amin’ny foto-pampianaran-dison’ny fivavahana lazaina fa kristiana isika, toy ny trinite, ny afobe mirehitra, ary ny tsy fahafatesan’ny fanahy (âme). Misy lohateny lehibe ho an’ny tsirairay avy amin’ireo. Eo ambanin’ny hoe “Trinité” sy ny hoe “Immortalité de l’âme”, dia ho hitanao ny lohateny kely hoe “Versets mal appliqués pour soutenir”. Io dia hitarika anao ho amin’ny famakafakana ireo andinin-teny tsirairay. Ny toe-javatra mitovitovy amin’izany dia hita eo ambanin’ny hoe “Enfer” miaraka amin’ny lohateny keliny hoe “Versets mal appliqués”.
5 Moa ve ianao maniry fatratra hanomboka fampianarana Baiboly? Sa ianao manana fampianarana iray izay toa tsy mandroso? Eo ambanin’ny lohateny hoe “Études bibliques”, dia misy ireo lohateny kely hoe “commencer”, “aider les étudiants”, “enseigner”, ireo fakàn-teny tsirairay avy dia hanampy anao hahita sy hitarika fampianarana Baiboly mandroso. Mba hanampiana anao hahafantatra hoe rahoviana no tena mety hanajanonana ny fampianarana, dia diniho ny lohateny kely hoe “Mettre un terme aux études infructueuses” sy ny hoe “discontinuation”.
6 Moa ve ianao maniry hahazo tombontsoa fanampiny eo amin’ny fanompoana? Ny lohateny hoe “Ministère plein temps”, “Pionniers auxiliaires”, “Pionniers”, “Missionnaires” ary ny hoe “Servir là ou le besoin est plus grand” dia hanolotra fanazavana azo ampiharina anao momba ny hoe ahoana no hahatratrarana ireo zava-kendrena toy izany sy hahitana fahafinaretana amin’ny fitantarana zavatra hitan’ireo izay efa nanao izany.
7 Ny fanatanterahana ny fanompoantsika ilay Fanjakana eny amin’ny saha fitoriana dia mitondra fahafahampo lehibe. (Jaona 4:34) Ny Index des publications de la Société Watch Tower dia afaka manampy anao raha mbola mandray anjara amin’io asa mahafaly io ianao.