Користење на нашите списанија од куќа до куќа
1 Целта на Разбудете се! јасно е изразена на 4. страница во секое издание: „Ова списание ја изградува довербата во ветувањето на Творецот за мирен и безбеден нов свет кое ќе биде остварено пред да изумре генерацијата која ги видела настаните од 1914 година“. Едно такво списание, бездруго, заслужува колку што е можно повеќе да се дели во нашата служба од куќа до куќа!
2 Разбудете се! е едно извонредно средство да се подбуди интересот на луѓето кои можеби не се духовно настроени. Кога го читаш секое издание, побарај прикладни мисли кои би им ги покажал на другите. Некои објавители прават белешки на личниот примерок, а пред да одат во служба на подрачјето со тоа издание, повторно ги разгледуваат обележените места со цел да ги имаат на ум специфичните мисли за да им ги покажат на станарите.
3 Може да избереме да ја започнеме својата понуда така што ќе дадеме коментар за темата што се разгледува во изданието на Разбудете се! што го користиме.
Ако станарот покажува интерес, можеме да го воведеме списанието, можеби така што ќе речеме:
◼ „Оваа статија од Разбудете се! завлегува во повеќе детали на оваа тема.“ Потоа прочитај претходно подготвена реченица–две и продолжи: „Бидејќи изгледа дека сте заинтересирани за оваа тема, би сакале ли да ја прочитате оваа, како и другите навремени статии во ова издание на Разбудете се!? Ако сакате, ќе ми биде драго да ви го оставам него и неговото придружно списание, Стражарска кула“. Ако станарот ги прифаќа списанијата, прикладно ќе е да му го кажеш отприлика ова: „Нашето дело се спроведува ширум светот и се поддржува со доброволни прилози. Ако сакате да дадете мал прилог, ќе ми биде драго да го прифатам“.
4 Ако станарот отворено изразува интерес за духовни работи, можеме да се осврнеме на некој стих за последните денови, како што е 2. Тимотеј 3:1-5. После тоа, за да го зголемиме неговиот интерес за нашите списанија, можеме да го прочитаме директно од страница 2 од текуштото списание на Стражарска кула делот кој започнува со: „Целта на Стражарска кула“. После тоа, понуди му ги текуштите изданија на Стражарска кула и Разбудете се!.
5 На некои подрачја каде што луѓето изгледаат заинтересирано за посебни религии, наместо да им нудиш списанија можеш да речеш:
◼ „Во оваа населба сретнавме луѓе кои практицираат различни религии кои прилично се разликуваат од нашата. Човештвото трага по Бог во многу различни насоки. [Прочитај Дела 17:26, 27.] Дали се согласувате дека луѓето главно ја следат религијата на нивните родители, наместо самите да трагаат по Бог? [Дозволи коментар.] Нешто во врска со тоа можете да дознаете од книгата Ти можеш засекогаш да живееш во рајот на Земјата. Да се дознае нешто повеќе за религијата и за обожавањето кое го застапува Библијата сигурно е и просветлувачко и поучно. Колку што има време, покажи му ја на станарот Содржината на книгата и една или две илустрации во неа.
6 Додека одиме од куќа до куќа, да запомниме дека имаме две од најдобрите алатки на светот за помагање на луѓето духовно да напредуваат, Стражарска кула и Разбудете се! Да го подбудуваме интересот на станарите за овие списанија и да им ги даваме во секоја прилика.