Добро да се искористат нашите постари книги
1 Јехова нѐ обезбедил со изобилство од богата духовна храна. Голем дел од овој материјал е во вид на книги од 192 страници што се објавени во поново време. Во јануари ќе ја нудиме било која книга од 192 страници што е објавена пред 1982. Имате ли дома некои од нив кои се сѐ уште во добра состојба? Дали собранието има некои на залиха? Ако има, би било добро да ја разгледаш нивната содржина и да избереш некои точки за разговор што можеш да ги користиш во својата презентација.
2 Ако ја користиш книгата „Да дојде Царството твое“, можеш да почнеш со следниве зборови:
◼ „Скоро 2.000 години христијаните се молат да дојде Божјето Царство. Што мислите, што ќе стори тоа Царство за човештвото? [Дозволи одговор. Сврти кај рамката на 24. страница и укажи на некои од благословите што ќе бидат реализирани под владата на Царството.] Оваа книга зборува за работите што Царството ќе ги постигне и објаснува како Вие и Вашите сакани можете да извлечете корист. Доколку сакате да ја прочитате, ќе ми биде драго да Ви оставам еден примерок.“
3 Ако ја нудиш книгата „Среќа — Како да се пронајде?“, можеш да се обидеш со следниов пристап:
◼ „На повеќето луѓе им е тешко да најдат среќа во овој свет бидејќи има толку многу проблеми. Мислите ли дека е можно да се биде среќен под сегашниве околности? [Дозволи одговор. Сврти на 41. страница и укажи на некои вообичаени проблеми што ни создаваат загриженост.] Библијата покажува како да се соочиме со овие проблеми и како на крајот да уживаме бескрајна среќа во еден мирољубив нов свет. [Сврти на 189. страница и прочитај Исаија 32:17, 18.] Библијата ни дава конкретни совети што можат да ни помогнат да најдеме поголема среќа во животот. Оваа книга ги разгледува тие совети и објаснува како да ги примениме.“
4 Ако ја користиш книгата „Вистински мир и безбедност — Како да се пронајдат?“, можеби ќе сакаш да се обидеш со следново:
◼ „Секој би сакал да живее во мирен и безбеден свет. За жал, ние досега не сме го доживеале тоа. Што мислите, што треба да направиме за мирот и безбедноста да станат реалност? [Дозволи одговор.] Бог има моќ да создаде мир на Земјата, а токму тоа и го ветил.“ Сврти кај сликата на 98. страница, а потоа прочитај Михеј 4:3, 4. Ако постои поволна реакција, објасни повеќе за надежта за Царството, понуди ја книгата и договори се за повторна посета.
5 Можеби ќе избереш да ја користиш брошурата „Се грижи ли Бог навистина за нас?“ Тогаш можеш да го речеш следново:
◼ „Многу луѓе се прашуваат зошто Бог допушта толку многу страдања во светот. Бидејќи е семоќен, зошто не стори нешто за да им стави крај на нашите неволји? Што мислите Вие? [Дозволи одговор.] Библијата нѐ уверува дека Бог не нѐ напуштил.“ Сврти на 27. страница, 22. пасус, и прочитај Псалм 36:11, 29. Укажи на привлечните илустрации кои насликуваат што можеме да очекуваме. Ако брошурата е прифатена, предложи да дојдеш повторно за да покажеш како може да се користи за библиска студија.
6 Нашата литература мотивирала илјадници луѓе повнимателно да ја испитаат Библијата. Она што го научиле им дало надеж за среќна иднина (Пс. 145:5). Имаме предност да им помагаме.