ഹിമമ​നു​ഷ്യ​ന്റെ രഹസ്യം സംബന്ധിച്ച സൂചനകൾ

നൂറ്റാ​ണ്ടു​ക​ളോ​ളം ഓട്‌സി ഒരു നല്ല വിശ്ര​മ​സ്ഥാ​ന​ത്താ​യി​രു​ന്നു. അയാൾ സമു​ദ്ര​നി​ര​പ്പിൽനിന്ന്‌ 3,200 മീറ്ററി​ല​ധി​കം ഉയരത്തിൽ ഇടുങ്ങിയ മഞ്ഞുനി​റഞ്ഞ ഒരു മലയി​ടു​ക്കി​ലെ ഒരു ഗർത്തത്തിൽ കിടന്നി​രു​ന്നു. അത്‌ അയാളെ അടുത്തുള്ള മഞ്ഞുക​ട്ട​ക​ളു​ടെ ചലനങ്ങ​ളിൽനി​ന്നു സംരക്ഷി​ച്ചു. അയാളു​ടെ ശരീരം മഞ്ഞുക​ട്ട​യ്‌ക്കു​ള്ളിൽ ഉറഞ്ഞു​കി​ട​ക്കു​ക​യാ​യി​രു​ന്നെ​ങ്കിൽ, അതു കഷണം കഷണമാ​യി ഒഴുകി​പ്പോ​കു​മാ​യി​രു​ന്നു. അയാളു​ടെ അഭയസ്ഥാ​നം അയാളെ കേടു​പ​റ്റാ​തെ സംരക്ഷി​ച്ചി​രി​ക്കാൻ വളരെ സാധ്യ​ത​യുണ്ട്‌.

ശരീര​ത്തിൽനിന്ന്‌ ഏതാനും മീറ്റർ അകലെ, പ്രത്യ​ക്ഷ​ത്തിൽ അയാളു​ടെ അനുദി​ന​ജീ​വി​ത​ത്തി​ന്റെ ഭാഗമാ​യി​രുന്ന വസ്‌തു​വ​കകൾ ഉണ്ടായി​രു​ന്നു: യൂ മരം​കൊ​ണ്ടുള്ള കെട്ടഴിച്ച ഒരു വില്ല്‌, 14 അമ്പുകൾ (2 എണ്ണം ഉപയോ​ഗി​ക്കാൻ സജ്ജവും മറ്റുള്ളവ പണിതീ​രാ​ത്ത​തും) നിറച്ച മാൻതോ​ലു​കൊ​ണ്ടുള്ള ഒരു അമ്പുറ, തീക്കല്ലു​കൊ​ണ്ടുള്ള മൂർച്ച​യുള്ള ഒരു കഠാര, ഒരു മഴു, പ്രാകൃ​ത​മായ ഒരു ഭാണ്ഡത്തി​ന്റെ ചട്ടക്കൂ​ടാ​യി കരുത​പ്പെ​ടുന്ന ഒരു വസ്‌തു, ഒരു തുകൽസഞ്ചി, മരപ്പട്ട​കൊ​ണ്ടുള്ള ഒരു പാത്രം, തുണി​ക്ക​ഷ​ണങ്ങൾ എന്നിവ​യും മറ്റ്‌ ഉപകര​ണ​ങ്ങ​ളും വസ്‌തു​വ​ക​ക​ളും.

അയാളെ കണ്ടെത്തി​യ​പ്പോൾ, സീമീ​ലോൻ മനുഷ്യൻ (അയാളു​ടെ മറ്റൊരു പേര്‌) തന്റെ വസ്‌ത്ര​ത്തിൽ കുറെ ധരിച്ചി​രു​ന്നു. തണുപ്പിൽനി​ന്നുള്ള സംരക്ഷ​ണ​ത്തി​നു വേണ്ടി കച്ചി നിറച്ച തുകൽ ചെരി​പ്പും ധരിച്ചി​രു​ന്നു. അയാളു​ടെ തലയ്‌ക്ക​രു​കിൽ പുല്ലു​കൊ​ണ്ടു നെയ്‌തെ​ടുത്ത ഒരു “പായ്‌” കിടന്നി​രു​ന്നു. ക്ഷീണി​ച്ച​വ​ശ​നാ​യി തണുപ്പുള്ള ഒരു സായാ​ഹ്ന​ത്തിൽ ഹിമമ​നു​ഷ്യൻ ശാന്തമാ​യി നിദ്ര​യി​ലാ​ണ്ട​തു​പോ​ലെ തോന്നി, ആയിര​ക്ക​ണ​ക്കി​നു വർഷങ്ങൾക്കു​ശേഷം മാത്രം പകൽവെ​ളി​ച്ചം “കാണാൻ.” കണ്ടെത്തൽ “ഒരു കാലഘ​ട്ട​ത്തി​ന്റെ, ഒരു സമുദാ​യ​ത്തി​ന്റെ, ഒരു ജീവശാ​സ്‌ത്ര​ജ​ന​ത​തി​യു​ടെ ക്ഷണിക​ചി​ത്രം” ആയിരു​ന്നു എന്ന്‌ പുരാ​വ​സ്‌തു​ശാ​സ്‌ത്ര​ജ്ഞ​നായ ഫ്രാ​ഞ്ചെ​സ്‌കൊ പെഡെലെ പറയുന്നു. അദ്ദേഹം സീമീ​ലോൻ മനുഷ്യ​നെ “ഒരു ചരി​ത്ര​പേ​ടകം” എന്നു നിർവ​ചി​ച്ചു.

അയാൾ സംരക്ഷി​ക്ക​പ്പെ​ട്ട​തെ​ങ്ങനെ?

ഓട്‌സി ആ അവസ്ഥക​ളിൽ അത്ര ദീർഘ​കാ​ലം കേടു​വ​രാ​തെ സംരക്ഷി​ക്ക​പ്പെട്ട വിധം സംബന്ധിച്ച്‌ എല്ലാവ​രും യോജി​ക്കു​ന്നില്ല. “അയാളെ കണ്ടെത്തിയ ഗർത്തം നൽകി​യ​താ​യി അവകാ​ശ​പ്പെ​ടുന്ന സംരക്ഷ​ണ​ത്തിന്‌ അർഹമായ പരിഗണന നൽകു​മ്പോൾ പോലും അയാളു​ടെ സംരക്ഷണം മിക്കവാ​റും അത്ഭുത​മാ​യി​രു​ന്നു” എന്ന്‌ നേച്ചർ പറയുന്നു. ഏറ്റവും സാധ്യ​ത​യു​ള്ള​താ​യി ഇപ്പോൾ കരുത​പ്പെ​ടുന്ന സിദ്ധാന്തം പിൻവ​രുന്ന “സംശയ​ക​ര​മായ മൂന്നു കാര്യ​ങ്ങ​ളു​ടെ” സംയോ​ജനം നിമിത്തം സംരക്ഷ​ണ​മു​ണ്ടാ​യി എന്നതാണ്‌: (1) സ്വാഭാ​വിക മൃതശ​രീ​ര​സം​ര​ക്ഷ​ണ​ത്തി​ന്റെ (നിർജ​ലീ​ക​രണം) ഒരു ത്വരിത പ്രക്രിയ, തണുപ്പി​ന്റെ​യും സൂര്യ​ന്റെ​യും ഫോനി​ന്റെ​യും (വരണ്ട ഒരു ചൂടു​കാറ്റ്‌) സംയു​ക്ത​ഫലം; (2) മഞ്ഞു​കൊണ്ട്‌ പെട്ടെ​ന്നുള്ള ആവരണം, അതു ശരീരത്തെ ശവംതീ​നി​ക​ളിൽനി​ന്നു മറച്ചു; (3) നീങ്ങി​പ്പോ​കുന്ന മഞ്ഞുക​ട്ട​ക​ളിൽനിന്ന്‌ ഗർത്തം നൽകിയ സംരക്ഷണം. എങ്കിലും, ഈ വിശദീ​ക​രണം പോലും ബോധ്യം വരുത്തു​ന്ന​താ​യി, സ്ഥിരീ​ക​രി​ക്ക​ത്ത​ക്ക​താ​യി ചിലർ കണ്ടെത്തു​ന്നില്ല. ചൂടു​കാറ്റ്‌ ആൽപ്‌സി​ന്റെ ഈ ഭാഗത്ത്‌ അത്രമാ​ത്രം ഉയരത്തിൽ എത്തുന്നില്ല എന്നതാണു കാരണം.

എങ്കിലും, ഹിമമ​നു​ഷ്യ​നെ സംബന്ധിച്ച ചില കാര്യങ്ങൾ സുനി​ശ്ചി​ത​മാണ്‌. അയാൾ 25-നും 40-നും ഇടയ്‌ക്കു വയസ്സു​ള്ള​വ​നാ​യി​രു​ന്നെ​ന്നും ഏകദേശം 160 സെൻറി​മീ​റ്റർ ഉയരമു​ള്ള​വ​നാ​യി​രു​ന്നെ​ന്നും ഏതാണ്ട്‌ 50 കിലോ​ഗ്രാം തൂക്കമു​ള്ള​വ​നാ​യി​രു​ന്നെ​ന്നും നിശ്ചയ​പ്പെ​ടു​ത്താൻ കഴിഞ്ഞി​ട്ടുണ്ട്‌. അയാൾ കൃശഗാ​ത്ര​നും പേശീ​ബലം ഉള്ളവനു​മാ​യി​രു​ന്നു, അയാളു​ടെ തവിട്ടു​നി​റ​മുള്ള തലമുടി നന്നായി പരിര​ക്ഷി​ക്ക​പ്പെ​ട്ടി​രു​ന്നു, ഒരുപക്ഷേ ക്രമമാ​യി കത്രി​ക്കു​ക​യും ചെയ്‌തി​രു​ന്നു. അയാൾ ഇക്കാലത്തെ മധ്യ-ഉത്തര യൂറോ​പ്യൻ നിവാ​സി​ക​ളു​ടെ അതേ ജനിതക വർഗത്തിൽ പെട്ടവ​നാ​ണെന്ന്‌ ഈയിടെ ശരീര​ക​ല​ക​ളിൽ നടത്തിയ ഡിഎൻഎ പഠനങ്ങൾ സ്ഥാപി​ക്കു​ക​യു​ണ്ടാ​യി. തേയ്‌മാ​നം വന്ന അയാളു​ടെ പല്ലുകൾ അപ്പം ഭക്ഷിച്ചി​രു​ന്ന​താ​യി വെളി​പ്പെ​ടു​ത്തു​ന്നു, അയാളു​ടെ വസ്‌ത്ര​ത്തിൽ കണ്ടെത്തിയ ഗോത​മ്പു​മ​ണി​കൾ തെളി​യി​ക്കു​ന്ന​തു​പോ​ലെ, അയാൾ ഒരു കർഷക​സ​മു​ദാ​യ​ത്തിൽ പെട്ടവ​നാ​യി​രു​ന്നി​രി​ക്കാ​മെന്ന്‌ അതു സൂചി​പ്പി​ക്കു​ന്നു. അയാൾ വേനൽക്കാ​ല​ത്തി​ന്റെ ഒടുവി​ലോ ശരത്‌ക്കാ​ല​ത്തി​ന്റെ തുടക്ക​ത്തി​ലോ മരിച്ചു​വെന്നു നിശ്ചയി​ക്കാൻ കഴിയു​ന്നതു താത്‌പ​ര്യ​മു​ള​വാ​ക്കു​ന്നു. എങ്ങനെ? അയാളു​ടെ സഞ്ചിയിൽ ഒരുതരം കാട്ടു​പ​ഴ​ത്തി​ന്റെ ബാക്കി കണ്ടെത്തി, അവ വേനൽക്കാ​ല​ത്തി​ന്റെ ഒടുവിൽ പഴുക്കു​ന്ന​താണ്‌; ഒരുപക്ഷേ, അവ അയാളു​ടെ ശേഖര​ത്തി​ന്റെ അവസാ​ന​ഭാ​ഗ​മാ​യി​രു​ന്നു.

‘മധ്യകാ​ല​ഘ​ട്ട​ത്തി​ലെ ഒരു പ്രഭു തോക്കു കൊണ്ടു​ന​ട​ക്കു​ന്നു’

എന്നാൽ ഓട്‌സി എന്തു വെളി​പ്പെ​ടു​ത്തു​ന്നു? ഇറ്റാലി​യൻ ആനുകാ​ലി​ക​പ്ര​സി​ദ്ധീ​ക​ര​ണ​മായ ആർക്കേ​വൊ, കണ്ടുപി​ടി​ത്തം ഉന്നയിച്ച നിരവധി ചോദ്യ​ങ്ങളെ ഈ വിധത്തിൽ ക്രോ​ഡീ​ക​രി​ച്ചു: “അയാൾ ഒരു യോദ്ധാ​വാ​യി​രു​ന്നോ, അതോ ഒരു വേട്ടക്കാ​ര​നോ? അയാൾ ഒറ്റപ്പെട്ട ഒരു വ്യക്തി​യാ​യി​രു​ന്നോ, തന്റെ സംഘ​ത്തോ​ടൊ​പ്പം യാത്ര ചെയ്യു​ക​യാ​യി​രു​ന്നോ, അതോ, നേരേ​മ​റിച്ച്‌ തന്റെ സംഘത്തി​ലെ തിര​ഞ്ഞെ​ടുത്ത ഒരു ചെറിയ ഭാഗ​ത്തോ​ടൊ​പ്പം ആ പർവത​ങ്ങ​ളി​ലൂ​ടെ കടന്നു​പോ​വു​ക​യാ​യി​രു​ന്നോ? . . . ആ മഞ്ഞു പുതച്ച്‌ അയാൾ ഒറ്റയ്‌ക്കാ​യി​രു​ന്നോ, അതോ നമുക്കു മറ്റു സാന്നി​ധ്യ​ങ്ങൾ പ്രതീ​ക്ഷി​ക്കാ​മോ?” സീമീ​ലോൻ പർവത​ത്തിൽ കണ്ടെത്തിയ സാധന​സാ​മ​ഗ്രി​കൾ പരി​ശോ​ധി​ച്ചു​കൊ​ണ്ടും അവയുടെ അർഥം വ്യാഖ്യാ​നി​ക്കാൻ ശ്രമി​ച്ചു​കൊ​ണ്ടും പണ്ഡിതൻമാർ ഉത്തരം കണ്ടെത്താൻ ശ്രമി​ച്ചി​രി​ക്കു​ന്നു. ഓട്‌സി 3,200-ലധികം മീറ്റർ ഉയരത്തിൽ സഞ്ചരി​ച്ചി​രു​ന്ന​തെ​ന്തു​കൊണ്ട്‌ എന്ന സംഗതി​യിൽ വിവിധ സിദ്ധാ​ന്തങ്ങൾ നിർദേ​ശി​ക്ക​പ്പെ​ട്ടി​ട്ടുണ്ട്‌, എന്നാൽ ഓരോ​ന്നി​നെ​യും മറ്റ്‌ ഏതെങ്കി​ലും വിശദാം​ശം ഖണ്ഡിക്കു​ന്നു. നമുക്ക്‌ ഏതാനും ദൃഷ്ടാ​ന്തങ്ങൾ പരിചി​ന്തി​ക്കാം.

ഒരിക്ക​ലും വലിച്ചു​കെ​ട്ടി​യി​ട്ടി​ല്ലാത്ത വില്ലും അമ്പുക​ളും അയാൾ ഒരു വേട്ടക്കാ​ര​നാ​യി​രു​ന്നു​വെന്ന്‌ ഉടൻ സൂചന നൽകും. എന്നാൽ അതു പ്രശ്‌നം പരിഹ​രി​ക്കു​ന്നു​വോ? ഒരുപക്ഷേ, 1.8 മീറ്റ​റോ​ളം നീളമുള്ള വില്ല്‌ “അയാളു​ടെ ശരീര​വ​ലി​പ്പ​ത്തി​ലുള്ള ഒരാൾക്ക്‌ വളരെ വലുതാ​യി​രു​ന്നു,” എന്നു പുരാ​വ​സ്‌തു​ശാ​സ്‌ത്ര​ജ്ഞ​നായ ക്രി​സ്റ്റൊ​ഫർ ബർഗ്‌മാൻ പറയുന്നു, “സ്വാഭാ​വിക ആൽപൈൻ മൃഗങ്ങളെ വേട്ടയാ​ടു​ന്ന​തി​നു തീർച്ച​യാ​യും വലിപ്പം കൂടി​യ​തു​മാണ്‌.” അയാൾക്ക്‌ ഉപയോ​ഗി​ക്കാൻ കഴിയാത്ത ഒരു വില്ല്‌ കൈവശം ഉണ്ടായി​രു​ന്നത്‌ എന്തു​കൊണ്ട്‌? കൂടാതെ, പർവത​ങ്ങ​ളിൽ യാത്ര ചെയ്യുന്ന ഒരുവൻ അധിക​ഭാ​രം ഒഴിവാ​ക്കേ​ണ്ട​തുണ്ട്‌, “ആ മനുഷ്യ​ന്റെ വില്ലും 14 അമ്പുക​ളിൽ 12 എണ്ണവും പണിതീ​രാ​ത്ത​താ​യി​രു​ന്നു​വെ​ന്ന​തും അയാളു​ടെ മറ്റ്‌ ആയുധങ്ങൾ (കഠാര​യും മഴുവും) ദീർഘ​കാ​ലത്തെ ഉപയോ​ഗ​ത്താൽ തേയ്‌മാ​നം വന്നതാ​യി​രു​ന്നു എന്നതും പ്രത്യേ​കാൽ കുഴക്കു​ന്ന​താണ്‌” എന്ന്‌ നേച്ചർ നിരീ​ക്ഷി​ക്കു​ന്നു.

ഏതാനും മീറ്റർ അകലെ കണ്ടെത്തിയ മഴുവി​നെ സംബന്ധി​ച്ചെന്ത്‌? അതു വെള്ളോ​ടാ​ണെന്ന്‌ ആദ്യം കരുതി​യി​രു​ന്നു, എന്നാൽ യഥാർഥ​ത്തിൽ അതു ചെമ്പു​കൊണ്ട്‌ നിർമി​ച്ച​താ​ണെന്നു പരി​ശോ​ധ​നകൾ വെളി​പ്പെ​ടു​ത്തി. ഇതും മറ്റു കാരണ​ങ്ങ​ളും നിമിത്തം ഓട്‌സി, താമ്ര​യു​ഗം എന്നു വിളി​ക്ക​പ്പെ​ടു​ന്ന​തി​ന്റെ തുടക്ക​ത്തിൽ ഉണ്ടായി​രു​ന്ന​താ​യി കാലനിർണയം നടത്താൻ പല പുരാ​വ​സ്‌തു​ശാ​സ്‌ത്ര​ജ്ഞ​രും ചായ്‌വു കാണി​ക്കു​ന്നു, അതായതു പൊ.യു.മു. നാലാ​മ​ത്തെ​യും മൂന്നാ​മ​ത്തെ​യും സഹസ്രാ​ബ്ദ​ത്തിൽ. മുമ്പ്‌ “4,800 വർഷത്തി​നും 5,500 വർഷത്തി​നും ഇടയ്‌ക്കാ​യി​രു​ന്നു അയാൾ ജീവി​ച്ചി​രു​ന്ന​തെന്നു കാർബൺ 14 പരീക്ഷ​ണങ്ങൾ . . . സ്ഥിരീ​ക​രി​ച്ചു” എന്ന്‌ ഓഡു​ബോൻ മാഗസിൻ പ്രസ്‌താ​വി​ച്ചു.a എന്നിരു​ന്നാ​ലും, മറ്റു വസ്‌തു​ക്കൾ ഹിമമ​നു​ഷ്യ​നെ അൽപ്പം​കൂ​ടെ പൂർവ​കാ​ല​ഘ​ട്ട​ത്തി​ലേ​താ​യി കണക്കാ​ക്കാൻ ചില വിദഗ്‌ധരെ സ്വാധീ​നി​ക്കു​ന്നു. പ്രത്യ​ക്ഷ​ത്തിൽ, സീമീ​ലോൻ മനുഷ്യ​നെ പുരാ​ത​ന​മായ ഏതെങ്കി​ലും പ്രത്യേക സംസ്‌കാ​ര​ത്തി​ന്റെ ഭാഗമാ​യി കണക്കാ​ക്കാൻ കഴിയില്ല. ചെമ്പു​മ​ഴു​വി​നെ പരാമർശി​ച്ചു​കൊണ്ട്‌ ഓട്‌സി “അയാൾ ജീവി​ച്ചി​രുന്ന യുഗത്തിൽ ഇല്ലാഞ്ഞ സങ്കേതി​ക​മാ​യി വളരെ ഉയർന്ന നിലവാ​ര​ത്തി​ലുള്ള ഒരു ആയുധം കൈവശം വെച്ചി”രുന്നതാ​യി ഒരു പുരാ​വ​സ്‌തു​ശാ​സ്‌ത്രജ്ഞൻ കരുതു​ന്നു. “അതു മധ്യകാ​ല​ഘ​ട്ട​ത്തി​ലെ ഒരു പ്രഭു തോക്കു കൊണ്ടു​ന​ട​ക്കു​ന്ന​താ​യി കണ്ടെത്തു​ന്ന​തു​പോ​ലെ​യാണ്‌. വാസ്‌ത​വ​ത്തിൽ, ആ യുഗത്തിൽ ചെമ്പ്‌ പൗരസ്‌ത്യ സംസ്‌കാ​ര​ങ്ങ​ളിൽ മാത്രമേ അറിയ​പ്പെ​ട്ടി​രു​ന്നു​ള്ളൂ.”

കൂടാതെ, നാം കണ്ടുക​ഴി​ഞ്ഞ​തു​പോ​ലെ, മഴു ഹിമമ​നു​ഷ്യ​ന്റെ സമകാ​ലി​ക​രു​ടെ ഇടയിൽ വളരെ വിലപി​ടി​പ്പുള്ള ഒരു വസ്‌തു ആയിരു​ന്നി​രി​ക്കാം. അയാളു​ടെ കഠാര​യു​ടെ ഉറപോ​ലെ മറ്റു സാമ​ഗ്രി​ക​ളും വളരെ​യ​ധി​കം സ്‌ഫുടം ചെയ്‌ത​താ​യി​രു​ന്നു, അവ തെളി​വ​നു​സ​രിച്ച്‌ “അന്തസ്സിന്റെ പ്രതീ​കങ്ങൾ” ആയിരു​ന്നു. എന്നാൽ, ഓട്‌സി ഒരു ഉന്നതസ്ഥാ​നീ​യൻ, ഒരു പ്രമാണി ആയിരു​ന്നെ​ങ്കിൽ മരണസ​മ​യത്ത്‌ അയാൾ ഒറ്റയ്‌ക്കാ​യി​രു​ന്ന​തെ​ന്തു​കൊണ്ട്‌?

പോപ്പു​ലർ സയൻസ്‌ മാഗസിൻ പറയു​ന്ന​ത​നു​സ​രിച്ച്‌, ഇൻസ്‌ബ്രക്‌ സർവക​ലാ​ശാ​ല​യി​ലെ കോൺറാഡ്‌ ഷ്‌പിൻഡ്‌ലർ ഇപ്രകാ​രം അഭി​പ്രാ​യ​പ്പെട്ടു: “ഗൂഢമായ പച്ചകു​ത്താ​യി ആദ്യം കരുതി​യി​രു​ന്നത്‌ കാൽമു​ട്ടി​ലെ​യും കണങ്കാ​ലി​ലെ​യും തേയ്‌മാ​നം വന്ന സന്ധികൾക്കും അയാളു​ടെ നട്ടെല്ലി​ലെ കെട്ടു​പോ​കുന്ന കശേരു​ക​കൾക്കും കൃത്യ​മാ​യി യോജി​ക്കു​ന്നു. ഹിമമ​നു​ഷ്യ​ന്റെ വൈദ്യൻ വേദന​യുള്ള ഭാഗത്തെ തൊലി പൊളി​ച്ച​ശേഷം മുറി​വിൽ പച്ചമരു​ന്നി​ന്റെ ഭസ്‌മം പുരട്ടി ചികി​ത്സി​ച്ചി​രി​ക്കാം.”

ഈയിടെ ചിക്കാ​ഗോ​യിൽ നടന്ന ഫൊറൻസിക്‌ ചികി​ത്സാ​വി​ദ​ഗ്‌ധ​രു​ടെ ഒരു യോഗ​ത്തിൽ, ഓട്‌സി അടി​കൊണ്ട്‌, രക്തം വാർന്നൊ​ഴു​കി, മറ്റുള്ളവർ തന്നെ വേട്ടയാ​ടി​യ​പ്പോൾ ഒളിച്ചി​രി​ക്കെ മരിച്ചു​പോയ ഒരു നാടോ​ടി ആയിരു​ന്നി​രി​ക്കാ​മെന്ന ആശയം പരിചി​ന്ത​ന​ത്തി​നു സമർപ്പി​ക്ക​പ്പെട്ടു. അയാൾക്കു പലതായി ഒടിഞ്ഞ വാരി​യെ​ല്ലും തകർന്ന താടി​യെ​ല്ലും ഉണ്ടായി​രു​ന്ന​താ​യി നിർണ​യി​ക്ക​പ്പെ​ട്ടി​ട്ടുണ്ട്‌. എന്നിരു​ന്നാ​ലും, അയാൾക്ക്‌ ഈ ഒടിവു​കൾ ഉണ്ടായത്‌ എപ്പോ​ഴെന്ന്‌—മരണത്തി​നു മുമ്പോ പിമ്പോ​യെന്ന്‌—തീർത്തു​പ​റ​യാൻ സാധ്യമല്ല. എങ്കിലും, അയാൾ അക്രമ​ത്തി​ന്റെ ഇര ആയിരു​ന്നെ​ങ്കിൽ ചെമ്പു മഴു പോലുള്ള “അയാളു​ടെ സാമ​ഗ്രി​ക​ളെ​ല്ലാം, ‘വിലപി​ടി​പ്പു​ള്ളതു’പോലും അപ്പോ​ഴും അയാളു​ടെ കൈവശം ഉണ്ടായി​രു​ന്നത്‌ എന്തു​കൊണ്ട്‌?” എന്ന്‌ ആർക്കേ​വൊ ചോദി​ക്കു​ന്നു.

ലഭ്യമായ വിവരങ്ങൾ ചിത്രം പൂർത്തി​യാ​ക്കാൻ മതിയാ​യ​ത​ല്ലെന്ന്‌ അന്വേ​ഷകർ കരുതു​ന്നു, പല ചോദ്യ​ങ്ങൾ ഇപ്പോ​ഴും ഉത്തരമി​ല്ലാ​തെ കിടക്കു​ന്നു. എന്നാൽ ഓട്‌സി ഉൾപ്പെ​ട്ടി​രുന്ന സംസ്‌കാ​രം വളരെ സംഘടി​ത​വും സങ്കീർണ​വും ആയിരു​ന്നു​വെ​ന്നതു വ്യക്തമാണ്‌.

ഓട്‌സി​യും അയാളു​ടെ ലോക​വും

സീമീ​ലോൻ മനുഷ്യ​ന്റെ ലോകത്തെ വിശദീ​ക​രി​ക്കു​ക​യിൽ, പണ്ഡിതൻമാർ അയാളു​ടെ സമകാ​ലി​കർ വസിച്ചി​രു​ന്ന​താ​യി കരുത​പ്പെ​ടുന്ന ആൽപൈൻ സ്ഥാനങ്ങ​ളിൽനി​ന്നു കണ്ടെത്തി​യി​ട്ടുള്ള കാര്യ​ങ്ങ​ളിൽ തങ്ങളുടെ ആശയഗ​തി​കൾ അടിസ്ഥാ​ന​പ്പെ​ടു​ത്തു​ന്നു. എന്നുവ​രി​കി​ലും, ചില പ്രദേ​ശങ്ങൾ മറ്റുള്ള​വ​യെ​ക്കാൾ കൂടുതൽ വികസി​ത​മാ​യി​രു​ന്നു​വെ​ന്നും ചെമ്പു​പ​ണി​പോ​ലെ മിക്ക സാങ്കേ​തിക കണ്ടുപി​ടി​ത്ത​ങ്ങ​ളും മധ്യപൂർവ​ദേ​ശത്ത്‌ ഉത്ഭവി​ച്ചു​വെ​ന്നും പുരാ​വ​സ്‌തു​ശാ​സ്‌ത്രജ്ഞർ നമ്മോടു പറയുന്നു.

ഒരു അഴിച്ചു​പ​ണി​യ​നു​സ​രിച്ച്‌, അഡേജാ നദീത​ട​ത്തി​ലുള്ള കർഷക​ഗ്രാ​മ​ങ്ങ​ളി​ലൊ​ന്നിൽ ഓട്‌സി ജീവി​ച്ചി​രി​ക്കാം. ഈ നദി ഇറ്റലി ഉപദ്വീ​പും മധ്യ യൂറോ​പ്പും തമ്മിൽ ബന്ധിപ്പി​ക്കുന്ന ഒരു പ്രധാന വ്യാപാര മാർഗ​മാ​യി​രു​ന്നു. നിരവധി വാസസ്ഥാ​നങ്ങൾ ആൽപ്‌സി​ന്റെ ആ ഭാഗത്ത്‌ വിവിധ സ്ഥാനങ്ങ​ളിൽ കണ്ടെത്തി​യി​ട്ടുണ്ട്‌, ഏതാണ്ട്‌ 2,000 മീറ്റർ ഉയരത്തിൽപോ​ലും. അക്കാലത്തെ കർഷക​ഗ്രാ​മങ്ങൾ വിശേ​ഷി​ച്ചും മൂന്നോ നാലോ ഭവനങ്ങൾ ചേർന്ന​താ​യി​രു​ന്നു, ഒരുപക്ഷേ ഏറിയാൽ ഏതാനും ഡസൻ. ഏതു തരത്തി​ലുള്ള വീടുകൾ? മണ്ണു കുഴച്ച്‌ അടി​ച്ചൊ​തു​ക്കിയ തറകൾ മാത്രം ഗവേഷ​ണങ്ങൾ വെളി​ച്ചത്തു കൊണ്ടു​വ​ന്നി​ട്ടുണ്ട്‌. വസതി​കൾക്ക്‌ ഒറ്റ മുറിയേ ഉണ്ടായി​രു​ന്നു​ള്ളൂ, സാധാ​ര​ണ​ഗ​തി​യിൽ മധ്യഭാ​ഗത്തു തീ കത്തിക്കാ​നുള്ള ഒരു സ്ഥാനവും ചില​പ്പോൾ ഒരു അടുപ്പും. മേൽക്കൂര ത്രി​കോ​ണാ​കൃ​തി​യി​ലാ​യി​രി​ക്കാം, പല ആൽപൈൻ തടാക​ങ്ങ​ളു​ടെ​യും അടുത്ത്‌ കണ്ടെത്തി​യി​ട്ടുള്ള തൂണു​ക​ളിൽ പണിത സമകാ​ലീന വസതി​കൾക്കു സമാന​മാ​യ​തു​തന്നെ. ഒറ്റ മുറി​യുള്ള ഓരോ കുടി​ലി​ലും ഒരു കുടും​ബം പാർത്തി​രു​ന്നു.

ആടുമാ​ടു​ക​ളെ വളർത്തു​ന്ന​വ​രു​ടെ​യും കൃഷി​ക്കാ​രു​ടെ​യും സമുദാ​യങ്ങൾ തമ്മിൽ ഏതുതരം സമ്പർക്കങ്ങൾ നിലവി​ലി​രു​ന്നു? തീർച്ച​യാ​യും വ്യാപാ​രം നടന്നി​രു​ന്നു. ഉദാഹ​ര​ണ​ത്തിന്‌, സീമീ​ലോൻ പർവത​ത്തിൽ കണ്ടെത്തിയ മഴു വളരെ തെക്കു ഗാർഡാ തടാക​ത്തി​ന്റെ തീരങ്ങ​ളിൽ നിർമി​ച്ചി​രു​ന്ന​വ​യോ​ടു സാമ്യ​മു​ള്ള​താ​യി​രു​ന്നു. അതു വ്യാപാ​ര​സം​ബ​ന്ധ​മായ ക്രയവി​ക്ര​യ​ത്തി​നുള്ള ഒരു വസ്‌തു​വു​മാ​യി​രു​ന്നി​രി​ക്കാം. കൂടാതെ, ഓട്‌സി​യു​ടെ സാമ​ഗ്രി​ക​ളിൽ ഏതാനും തീക്കല്ലും ഉണ്ടായി​രു​ന്നു, അഡേജാ താഴ്‌വ​ര​യി​ലൂ​ടെ​യുള്ള പാതയിൽ വ്യാപാ​ര​മൂ​ല്യ​മുള്ള വസ്‌തു​ക്ക​ളാ​യി​രു​ന്നു അവ. മൊത്ത​ത്തി​ലുള്ള ഒരു കൂടു​മാ​റ്റം ആവശ്യ​മാ​ക്കി​ത്തീർത്ത പ്രവർത്ത​ന​ങ്ങ​ളി​ലൊന്ന്‌ ഋതുക്കൾക്കനുസരിച്ചുള്ള ആടുമാ​ടു​ക​ളു​ടെ ദേശാ​ട​ന​മാ​യി​രു​ന്നു. റ്റിറോ​ളിൽ ഇന്നും ആളുകൾ ചെയ്യു​ന്ന​തു​പോ​ലെ, ഇടയൻമാർ പുതിയ മേച്ചിൽസ്ഥ​ലങ്ങൾ തേടി തങ്ങളുടെ ആട്ടിൻകൂ​ട്ടത്തെ ആൽപൈൻ മലയി​ടു​ക്കു​ക​ളി​ലേക്കു നയിച്ചി​രു​ന്നു. ഹിമമ​നു​ഷ്യ​ന്റെ ഉത്ഭവം സംബന്ധി​ച്ചു മറ്റെന്തു നിഗമ​ന​ങ്ങ​ളിൽ എത്തിയി​ട്ടുണ്ട്‌?

[അടിക്കു​റി​പ്പു​കൾ]

[5-ാം പേജിലെ ഭൂപടം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

സീമീലോൻ മഞ്ഞുപാ​ളി​യിൽ ഇറ്റലി​യു​ടെ അതിർത്തി​ക്കു​ള്ളി​ലാ​യി ഹിമമ​നു​ഷ്യൻ കണ്ടെത്ത​പ്പെ​ട്ടു

ജർമനി

ഓസ്‌ട്രിയ

ഇൻസ്‌ബ്രക്ക്‌

സ്വിറ്റ്‌സർലൻഡ്‌

സ്ലോവീനിയ

ഇറ്റലി

ബോൾസാ​നോ

സീമീ​ലോൻ മഞ്ഞുമല

ആഡ്രിയാറ്റിക്‌ സമുദ്രം

[7-ാം പേജിലെ ചിത്രങ്ങൾ]

X ഓട്‌സി​യെ കണ്ടെത്തിയ സ്ഥാനം അടയാ​ള​പ്പെ​ടു​ത്തി​യി​രി​ക്കു​ന്നു. ഇൻസെ​റ്റി​ലു​ള്ളത്‌: 1. ചെമ്പു​മഴു, 2. തീക്കല്ലു​ക​ഠാര, 3. സാധ്യ​ത​യ​നു​സ​രിച്ച്‌ ഒരു ഏലസ്‌, 4. മരപ്പി​ടി​യിൽ മാൻകൊമ്പ്‌ പിടി​പ്പിച്ച ഭാഗം

[കടപ്പാട്‌]

Foto: Prof. Dr. Gernot Patzelt/Innsbruck

Fotos 1-4: Archiv Österreichischer Alpenverein/Innsbruck, S.N.S. Pressebild GmbH