ജാഗ്രത പുലർത്തേണ്ട കാര്യങ്ങൾ

“അവധി​ക്കാ​ല​ത്തി​ന്റെ ഏറ്റവും പ്രസ്‌പ​ഷ്ട​മായ ഉദ്ദേശ്യ​ങ്ങ​ളി​ലൊന്ന്‌, ദിനച​ര്യ​ക​ളി​ലുള്ള വ്യത്യ​സ്‌തത, തെല്ലൊ​രു വിരാമം, ഒരു മാറ്റം ആണ്‌,” പത്ര​പ്ര​വർത്ത​ക​നായ ലാൻസ്‌ മോറോ എഴുതി. എങ്കിലും, “ഇനി​യൊ​രി​ക്ക​ലും ഇതിനില്ല” എന്നു പ്രതിജ്ഞ ചെയ്യത്ത​ക്ക​വി​ധം ക്ഷീണി​ച്ച​വ​ശ​രാ​യാണ്‌ തങ്ങളുടെ അവധി കഴിഞ്ഞു ചിലർ വീട്ടി​ലേക്കു വരുന്ന​തെ​ന്നും അദ്ദേഹം നിരീ​ക്ഷി​ച്ചു.

പക്ഷേ, അവധി​യെ​ടു​ക്കുക എന്ന ആശയം ഉപേക്ഷി​ക്കു​ന്ന​തി​നു​പ​കരം, അബദ്ധങ്ങൾ പറ്റാനുള്ള സാധ്യ​തകൾ മുൻകൂ​ട്ടി വിശക​ലനം ചെയ്‌ത്‌ അവ ഒഴിവാ​ക്കാ​നുള്ള നടപടി​കൾ കൈ​കൊ​ള്ളു​ന്നതു ബുദ്ധി​യാ​യി​രി​ക്കും.

നിങ്ങളു​ടെ വിലപി​ടി​പ്പുള്ള വസ്‌തു​ക്കൾ സംരക്ഷി​ക്കു​ക

അവധി​ക​ഴി​ഞ്ഞു മടങ്ങി​യെ​ത്തു​മ്പോൾ, തങ്ങളുടെ അഭാവ​ത്തിൽ വീടു കൊള്ള​യ​ടി​ക്ക​പ്പെ​ട്ട​താ​യി ഒട്ടേ​റെ​പേർ കണ്ടെത്തി​യി​ട്ടുണ്ട്‌. അതു​കൊണ്ട്‌, അവധി​ക്കു​പോ​കു​ന്ന​തി​നു മുമ്പ്‌, സുഹൃ​ത്തു​ക്ക​ളോ​ടോ അയൽക്കാ​രോ​ടോ നിങ്ങളു​ടെ വീടു പതിവാ​യി പരി​ശോ​ധി​ക്കാൻ ആവശ്യ​പ്പെ​ടുക. നിങ്ങൾ അവി​ടെ​യി​ല്ലെന്നു വെളി​വാ​കാ​തി​രി​ക്ക​ത്ത​ക്ക​വി​ധം അവർക്ക​വി​ടെ അൽപ്പസ​മയം ചെലവി​ടാൻ പോലും കഴി​ഞ്ഞേ​ക്കും. ദിവസ​വും വർത്തമാ​ന​പ​ത്രങ്ങൾ ശേഖരി​ച്ചു​വ​യ്‌ക്കാ​നും നിങ്ങളു​ടെ തപാൽപെ​ട്ടി​യിൽനി​ന്നു തപാൽ ഉരുപ്പ​ടി​കൾ എടുത്തു​മാ​റ്റാ​നും അവരോട്‌ ആവശ്യ​പ്പെ​ടുക. കുന്നു​കൂ​ടി​ക്കി​ട​ക്കുന്ന വർത്തമാ​ന​പ​ത്രങ്ങൾ അല്ലെങ്കിൽ ശേഖരി​ക്കാത്ത തപാൽ ഉരുപ്പ​ടി​കൾ, നിങ്ങൾ വീട്ടി​ലി​ല്ലെന്നു വിളി​ച്ച​റി​യി​ക്കാൻ ഇതിൽപ്പരം വേറെ നല്ലൊരു മാർഗ​വു​മില്ല.

അവധി​ക്കാ​ലം ചെലവി​ടു​ന്നി​ട​ത്തും വിലപി​ടി​പ്പുള്ള നിങ്ങളു​ടെ സാധനങ്ങൾ സംരക്ഷി​ക്കേ​ണ്ട​തുണ്ട്‌. ചില രാജ്യ​ങ്ങ​ളിൽ, വിദേ​ശി​കൾ സമ്പന്നരാ​ണെന്ന ധാരണ​യു​ള്ള​തു​കൊണ്ട്‌ വിനോ​ദ​സ​ഞ്ചാ​രി​ക​ളെ​ല്ലാം​തന്നെ മോഷ​ണ​ത്തിന്‌ ഇരകളാ​കാൻ ഇടയുണ്ട്‌. അതു​കൊണ്ട്‌, കൂടു​ത​ലുള്ള പണവും വില​യേ​റിയ രേഖക​ളും ഹോട്ട​ലി​ലെ സേഫി​ലോ ഏതെങ്കി​ലും സുരക്ഷിത സ്ഥലത്തോ വെക്കു​ന്നത്‌ ഒരു നല്ല വഴക്കമാ​യി​രി​ക്കും. പാരു​ഷ്യം കാണി​ക്കാ​തെ​തന്നെ അപരി​ചി​ത​രു​ടെ കാര്യ​ത്തിൽ ജാഗ്രത പുലർത്താൻ കഴിയും.

വർഷം​തോ​റും യു.എസ്‌.എ.-യിലെ ഫ്‌ളോ​റി​ഡ​യി​ലുള്ള മിയാമി, അവധി​ക്കാ​ലം ചെലവ​ഴി​ക്കാൻ വരുന്ന വിദേ​ശി​ക​ളും തദ്ദേശ​വാ​സി​ക​ളു​മായ ലക്ഷക്കണ​ക്കി​നാ​ളു​കൾക്ക്‌ ആതിഥ്യ​മ​രു​ളു​ന്നു. ഇത്തരം വിനോ​ദ​സ​ഞ്ചാ​ര​കേ​ന്ദ്ര​ങ്ങ​ളിൽ കുറ്റവാ​ളി​കൾ വിശേ​ഷി​ച്ചും കർമോ​ത്സു​ക​രാണ്‌. 1992-ൽ “ഫ്‌ളോ​റി​ഡ​യിൽ മാത്ര​മാ​യി വിദേ​ശി​ക​ളോ തദ്ദേശ​വാ​സി​ക​ളോ ആയ 36,766 സന്ദർശകർ കൊല​ചെ​യ്യ​പ്പെ​ടു​ക​യോ ബലാൽസം​ഗം ചെയ്യ​പ്പെ​ടു​ക​യോ കൊള്ള​യ​ടി​ക്ക​പ്പെ​ടു​ക​യോ അല്ലെങ്കിൽ മറ്റേ​തെ​ങ്കി​ലും തരത്തിൽ ഇരകളാ​വു​ക​യോ ചെയ്‌തു” എന്ന്‌ ടൈം മാഗസിൻ റിപ്പോർട്ടു ചെയ്‌തു.

അവധി​ക്കാ​ല​ത്തു പോക്ക​റ്റ​ടി​ക്കാ​രെ പ്രത്യേ​കം സൂക്ഷി​ക്കുക. പുരു​ഷ​ന്മാർ തങ്ങളുടെ പണപേ​ഴ്‌സു​കൾ, ജാക്കറ്റി​ന​ക​ത്തോ പാൻറ്‌സി​ന്റെ മുമ്പി​ലോ ഉള്ള പോക്കറ്റു പോലെ മറ്റുള്ള​വർക്ക്‌ എളുപ്പം കണ്ടെത്താൻ കഴിയാ​ത്ത​തും സുരക്ഷി​ത​വു​മായ ഒരിടത്തു വയ്‌ക്കണം. അനുഭ​വ​പ​രി​ച​യ​മുള്ള യാത്ര​ക്കാർ മിക്ക​പ്പോ​ഴും വിദഗ്‌ധ​മായ രീതി​ക​ളിൽ പണം തങ്ങളുടെ ശരീര​ത്തിൽ മറച്ചു​വെ​ക്കു​ന്നു. ഉദാഹ​ര​ണ​ത്തിന്‌, ചിലർ തങ്ങളുടെ പണം, പാസ്‌പോർട്ടു​കൾ, വിസകൾ എന്നിവ ഒരു ചെറിയ പരന്ന സഞ്ചിയി​ലാ​ക്കി കഴുത്തി​നു​ചു​റ്റു​മാ​യി തങ്ങളുടെ വസ്‌ത്ര​ത്തി​നു​ള്ളിൽ കൊണ്ടു​ന​ട​ക്കു​ന്നു. സൈക്കിൾ യാത്ര​ക്കാ​രോ മോ​ട്ടോർ​സൈ​ക്കിൾ യാത്ര​ക്കാ​രോ, അശ്രദ്ധ​മാ​യി പിടി​ച്ചി​രി​ക്കുന്ന ബാഗ്‌ തട്ടിപ്പ​റി​ച്ചു കൊണ്ടു​പോ​കാ​തി​രി​ക്കാൻ സ്‌ത്രീ​കൾ സൂക്ഷി​ക്കണം.

വിനോ​ദ​സ​ഞ്ചാ​രി​കളെ വേട്ടയാ​ടു​ന്ന​തി​നു കുറ്റവാ​ളി​കൾ പുതിയ മാർഗങ്ങൾ കണ്ടെത്തി​ക്കൊ​ണ്ടി​രി​ക്കു​ക​യാണ്‌. ദീർഘ​ദൂര എക്‌സ്‌പ്രസ്‌ തീവണ്ടി​ക​ളിൽ, ഉറങ്ങുന്ന യാത്ര​ക്കാർ രാത്രി​കാ​ല​ങ്ങ​ളിൽ കൊള്ള​യ​ടി​ക്ക​പ്പെ​ട്ടി​ട്ടുണ്ട്‌. കൈവ​ശ​മുള്ള വസ്‌തു​ക്കൾ കൊള്ള​യ​ടി​ക്ക​പ്പെ​ടു​ന്ന​തു​വരെ ഉണരു​ക​യി​ല്ലെന്ന്‌ ഉറപ്പു​വ​രു​ത്താൻ കമ്പാർട്ടു​മെൻറിൽ ഉറക്കമു​ണ്ടാ​ക്കുന്ന വസ്‌തു​ക്കൾ ഉത്സർജി​ക്കു​ന്നു. ദി യൂറോ​പ്യൻ പറയു​ന്ന​ത​നു​സ​രിച്ച്‌, ഒരു സന്ദർഭ​ത്തിൽ “മോഷ്ടാ​ക്കൾ 8,45,000-ത്തിലേറെ ഡോള​റു​മാ​യി—പണമാ​യും മോഷ്ടി​ക്ക​പ്പെട്ട വസ്‌തു​ക്ക​ളാ​യും—ട്രെയി​നിൽനി​ന്നു പതുക്കെ കടന്നു​ക​ള​ഞ്ഞ​താ​യി കരുത​പ്പെ​ടു​ന്നു.”

അത്യാ​ഹി​തങ്ങൾ ഒഴിവാ​ക്കു​ക

“പതിവാ​യുള്ള അത്യാ​ഹി​തങ്ങൾ ഒഴിവാ​ക്കാൻ എനിക്കുള്ള ഏക പരിഹാ​രം ദിവസം മുഴു​വ​നും കിടക്ക​യിൽതന്നെ കഴിയുക എന്നതാണ്‌,” ഫലിത​ക്കാ​ര​നായ റോബർട്ട്‌ ബെഞ്ച്‌ലി പറഞ്ഞു. പക്ഷേ എന്നിട്ട്‌ അദ്ദേഹം കൂട്ടി​ച്ചേർത്തു: “എങ്കിൽപ്പോ​ലും നിങ്ങൾ താഴെ വീഴാ​നുള്ള സാധ്യത എപ്പോ​ഴു​മുണ്ട്‌.” അത്യാ​ഹി​തങ്ങൾ എവി​ടെ​വെ​ച്ചും സംഭവി​ക്കാ​മെ​ന്ന​താ​ണു വാസ്‌തവം! അതു​കൊണ്ട്‌ ഒരു അത്യാ​ഹി​തത്തെ ഭയപ്പെട്ട്‌ അവധി​ക്കു​പോ​കാ​തെ നിങ്ങൾ വീട്ടിൽതന്നെ ഒതുങ്ങി​ക്ക​ഴി​യേ​ണ്ട​തില്ല. എന്നാൽ, അവധി​ക്കാ​ലം ചെലവ​ഴി​ക്കു​ന്ന​തി​നി​ട​യ്‌ക്ക്‌ ജാഗ്രത പുലർത്തേ​ണ്ട​തിന്‌ ഒരു പ്രത്യേക കാരണ​മുണ്ട്‌.

അവധി​ക്കാ​ല​ങ്ങ​ളിൽ ഗതാഗത സാഹച​ര്യ​ങ്ങൾ വിശ്വ​സി​ക്കാൻ കഴിയാ​തെ​വ​ന്നേ​ക്കാം. ഇത്തരത്തി​ലുള്ള സമയങ്ങ​ളി​ലു​ണ്ടാ​കുന്ന 80 കിലോ​മീ​റ്റർ ദൂരം​വ​രുന്ന ഗതാഗ​ത​ക്കു​രു​ക്കു​കൾ ജർമൻക്കാർക്കു സുപരി​ചി​ത​മാണ്‌. 1989 ആഗസ്റ്റ്‌ 14-ലെ ടൈം മാഗസിൻ ഇപ്രകാ​രം പ്രസ്‌താ​വി​ച്ചു: “കഴിഞ്ഞ ആഴ്‌ച​യിൽ യൂറോ​പ്പി​ലു​ട​നീ​ളം ലക്ഷക്കണ​ക്കി​നു കുടും​ബങ്ങൾ പരമ്പരാ​ഗ​ത​മായ തങ്ങളുടെ ആഗസ്റ്റ്‌ അവധി​ക്കാ​ലം ചെലവി​ടാൻ ആരംഭി​ച്ചു. എല്ലാവർക്കും അത്‌ അസുഖ​ക​ര​വും തളർത്തു​ന്ന​തു​മായ ഒരു സമയമാ​യി അനുഭ​വ​പ്പെട്ടു. . . . വാസ്‌ത​വ​ത്തിൽ പാരീ​സിൽനി​ന്നുള്ള പ്രധാ​ന​പ്പെട്ട ഹൈ​വേകൾ എല്ലാം​തന്നെ തിങ്ങി​നി​റഞ്ഞു. . . . ജൂലൈ 28-നും ആഗ.1-നും ഇടയ്‌ക്ക്‌ ഹൈ​വേ​ക​ളിൽ നടന്ന വാഹനാ​പ​ക​ട​ങ്ങ​ളു​ടെ ഫലമായി 102 പേർ മരിച്ചു.” അതു​കൊണ്ട്‌, പിരി​മു​റു​ക്കം കുറയ്‌ക്കാൻ ബുദ്ധി​പൂർവം ഇടയ്‌ക്കി​ട​യ്‌ക്കു നിർത്തി നിർത്തി വണ്ടി​യോ​ടി​ക്കുക.

മോ​ട്ടോർവാ​ഹ​നങ്ങൾ ഓടി​ക്കു​ന്നവർ “തങ്ങളുടെ യാത്ര ഞായറാഴ്‌ച വരെ നീട്ടി​വെ​ക്കാൻ—അല്ലെങ്കിൽ രാത്രി യാത്ര ചെയ്യാൻ”—ഉള്ള ഒരുപ​ദേശം ദി യൂറോ​പ്യൻ റിപ്പോർട്ടു ചെയ്‌തി​രു​ന്നു. എങ്കിലും, അവധിക്കു പോകു​ന്നവർ “ഒരേ സമയത്തു​തന്നെ പുറ​പ്പെ​ടാൻ നിർബന്ധം കാണി​ക്കു​ന്നു”വെന്ന്‌ അതു സമ്മതിച്ചു. ഫലമോ? യൂറോ​പ്പിൽ ഗതാഗ​ത​ക്കു​രുക്ക്‌. അധികം തിരക്കി​ല്ലാത്ത റോഡി​ലൂ​ടെ യാത്ര ചെയ്യു​ന്ന​താ​ണു ബുദ്ധി​യെ​ങ്കി​ലും രാത്രി​യി​ലെ യാത്ര അപകട​ക​ര​മാ​ണെന്ന വസ്‌തുത തള്ളിക്ക​ള​യ​രുത്‌. രാത്രി​യിൽ ഒരു വ്യക്തിക്കു നന്നായി കാണാൻ സാധി​ക്കാ​ത്ത​തു​കൊണ്ട്‌ അത്യാ​ഹി​തങ്ങൾ സംഭവി​ക്കാ​നുള്ള സാധ്യത കൂടു​ത​ലാണ്‌. യാത്ര​യ്‌ക്ക്‌ ഏറ്റവും പറ്റിയ സമയം പുലർച്ച​യാ​യി​രി​ക്കാം.

അത്യാ​ഹി​ത​ങ്ങ​ളു​ണ്ടാ​കാൻ സാധ്യ​ത​യുള്ള മറ്റ്‌ ഉറവി​ടങ്ങൾ തള്ളിക്ക​ള​യ​രുത്‌. നിങ്ങളു​ടെ പേശികൾ, വർഷത്തി​ലെ ഭൂരി​ഭാ​ഗം സമയത്തും നിങ്ങൾ ഉപയോ​ഗി​ച്ചി​ട്ടി​ല്ലെ​ങ്കിൽ ശരിയായ പാക​പ്പെ​ടു​ത്ത​ലി​ല്ലാ​തെ അവയെ പ്രവർത്തി​പ്പി​ക്കു​ന്ന​പക്ഷം അവ വഴങ്ങാതെ വന്നേക്കാം. അതു​കൊണ്ട്‌ നിങ്ങളു​ടെ ശരീരം പരിക്കു​കൾക്കു വശംവ​ദ​മാ​യേ​ക്കാ​വുന്ന ആദ്യത്തെ ഏതാനും ദിവസ​ങ്ങ​ളിൽ കായിക പ്രവർത്ത​നങ്ങൾ പരിമി​ത​പ്പെ​ടു​ത്തുക.

ആരോ​ഗ്യം നിലനിർത്തു​ക

2000 എവരിഡേ ഹെൽത്ത്‌ ടിപ്പ്‌സ്‌ ഫോർ ബെറ്റർ ഹെൽത്ത്‌ ആൻറ്‌ ഹാപ്പി​നെസ്‌ എന്ന പുസ്‌തകം പറയു​ന്ന​ത​നു​സ​രിച്ച്‌, “വിദേ​ശ​ങ്ങ​ളി​ലേക്കു യാത്ര ചെയ്യു​ന്നവർ നേരി​ടുന്ന ഏറ്റവും പൊതു​വായ ആരോ​ഗ്യ​പ്ര​ശ്‌നങ്ങൾ ഭക്ഷണം, ജലം, ഏതാനും പകർച്ച​വ്യാ​ധി​കൾ എന്നിവയെ കേന്ദ്രീ​ക​രി​ച്ചു​ള്ള​താണ്‌.” ഇത്തരത്തി​ലുള്ള പ്രശ്‌നങ്ങൾ ഒഴിവാ​ക്കു​ന്ന​തി​നു​വേണ്ട ഉപദേ​ശങ്ങൾ ട്രാവൽ ഏജൻറു​മാർ നൽകി​യേ​ക്കാം. അവരുടെ നിർദേ​ശങ്ങൾ പിൻപ​റ്റു​ന്നതു ബുദ്ധി​യാ​യി​രി​ക്കും.

ഒട്ടേറെ പ്രദേ​ശ​ങ്ങ​ളിൽ, പൈപ്പു വെള്ളം കുടി​ക്കാ​തി​രി​ക്കേ​ണ്ടതു പ്രധാ​ന​മാണ്‌. മാത്രമല്ല, ഐസു​ക​ട്ടകൾ അത്തരത്തി​ലുള്ള വെള്ളത്തിൽനിന്ന്‌ ഉണ്ടാക്കി​യി​രി​ക്കാ​നാ​ണു സാധ്യ​ത​യെ​ന്ന​തും ഓർമി​ക്കുക. ഇലക്കറി​കൾ, മയോ​ണെ​യ്‌സ്‌, ക്രീം പുരട്ടിയ വിഭവങ്ങൾ, വേവി​ക്കാത്ത അല്ലെങ്കിൽ ശരിക്കും വേവി​ക്കാത്ത മാംസം, കക്കാ എന്നിവ ഭക്ഷിക്കു​ന്നത്‌ ഒഴിവാ​ക്കു​ന്ന​തും അതു​പോ​ലെ​തന്നെ പഴങ്ങൾ നിങ്ങൾതന്നെ തൊലി​പൊ​ളി​ച്ചു ഭക്ഷിക്കു​ന്ന​തും ബുദ്ധി​യാ​യി​രി​ക്കും. ഉഷ്‌ണ​മേ​ഖലാ പ്രദേ​ശ​ങ്ങ​ളിൽ പാൽ കുടി​ക്കു​ന്ന​തി​നു മുമ്പ്‌ അതു തിളപ്പി​ക്കണം.

അവധി​ക്കാ​ലം ചെലവി​ടാൻ വരുന്ന​വ​രി​ലെ അൽപ്പവ​സ്‌ത്ര​ധാ​രി​ക​ളാ​യ​വർക്ക്‌ അപകട​ത്തി​ന്റെ ഒരു പ്രധാ​ന​പ്പെട്ട ഉറവിടം സൂര്യ​നാണ്‌. സമീപ വർഷങ്ങ​ളിൽ അന്തരീ​ക്ഷ​ത്തി​ലെ ഓസോ​ണി​ന്റെ കുറവു​മൂ​ലം അപകടം അസാധാ​ര​ണ​മാം​വി​ധം ഉയർന്നി​ട്ടുണ്ട്‌. ഐക്യ​നാ​ടു​ക​ളിൽ 1980-നും 1993-നും ഇടയ്‌ക്ക്‌ ചർമാർബു​ദ​ത്തി​ന്റെ ഏറ്റവും മാരക രൂപമായ മെല​നോമ ബാധിച്ച പുതി​യ​കേ​സു​കൾ ഇരട്ടി​ച്ചി​രു​ന്നു. “സ്ലിപ്പ്‌! സ്ലോപ്പ്‌! സ്ലാപ്പ്‌!” (ഷർട്ടി​ടുക, സൺസ്‌ക്രീൻ ലോഷൻ വാരി​പ്പു​ര​ട്ടുക, തൊപ്പി വെക്കുക) എന്ന പരസ്യ​വാ​ക്യം എഴുതിയ ടീ ഷർട്ടുകൾ ഓസ്‌​ട്രേ​ലി​യ​യിൽ ശ്രദ്ധേ​യ​മാണ്‌. പക്ഷേ ഒരു വ്യാജ സുരക്ഷി​ത​ത്വ​ബോ​ധ​ത്തി​ലേക്കു വഴുതി​വീ​ഴ​രുത്‌. കാരണം, സൺസ്‌ക്രീൻ ലോഷൻ ഒരിക്ക​ലും അപകട​വി​മു​ക്തമല്ല.

നിരവധി സമയ മേഖലകൾ മുറി​ച്ചു​ക​ട​ന്നു​കൊ​ണ്ടുള്ള വിമാ​ന​യാ​ത്ര, ജെറ്റ്‌ യാത്രാ​സ്വാ​സ്ഥ്യ​ങ്ങ​ളിൽ കലാശി​ച്ചേ​ക്കാം. ജെറ്റ്‌ യാത്രാ​സ്വാ​സ്ഥ്യ​ങ്ങൾ അതിൽതന്നെ ഒരു അസുഖ​മ​ല്ലെ​ങ്കി​ലും അതിന്‌ ഒരു വ്യക്തി​യു​ടെ ശരീര​സു​ഖത്തെ താറു​മാ​റാ​ക്കാൻ കഴിയും, പ്രത്യേ​കിച്ച്‌ അയാൾ ആരോ​ഗ്യ​മുള്ള ഒരു വ്യക്തി​യ​ല്ലെ​ങ്കിൽ. എട്ടു മണിക്കൂർ നേരത്തെ യാത്ര​യുള്ള ലണ്ടനും സാൻ ഫ്രാൻസി​സ്‌ക്കോ​യ്‌ക്കും ഇടയ്‌ക്ക്‌ സഞ്ചരി​ക്കുന്ന വിമാ​ന​യാ​ത്ര​ക്കാ​രെ​ക്കു​റി​ച്ചുള്ള ഒരു പഠനം, “ശാരീ​രി​ക​മായ പൊരു​ത്ത​പ്പെ​ട​ലിന്‌ . . . കുറഞ്ഞത്‌ ഏഴു മുതൽ പത്തു വരെ ദിവസങ്ങൾ എടുക്കു”മെന്നു വെളി​പ്പെ​ടു​ത്തി. ശരീര​യ​ന്ത്രം (ഇംഗ്ലീഷ്‌) എന്ന പുസ്‌ത​ക​വും, നിരവധി സമയ മേഖലകൾ പെട്ടെന്നു മുറി​ച്ചു​ക​ട​ക്കേ​ണ്ടി​വ​രുന്ന യാത്ര​ക്കാ​രിൽ ചിലർ “സംസാ​ര​സ്‌പ​ഷ്ട​ത​യി​ല്ലാ​ത്ത​വ​രും വൈമു​ഖ്യ​രു​മാ​യി കാണ​പ്പെ​ട്ടെ​ന്നും, അവർക്കു തെറ്റു പറ്റാനുള്ള സാധ്യത ഇരട്ടി​യാ​യി​രു​ന്നു​വെ​ന്നും കൂടാതെ, ഏകാ​ഗ്ര​ത​യും ഓർമ​ശ​ക്തി​യും സാരമാ​യി ബാധി​ക്ക​പ്പെട്ടു,” എന്നും റിപ്പോർട്ടു ചെയ്‌തു.a

കൂടാതെ, രോഗങ്ങൾ ഏതാനും മണിക്കൂ​റു​കൾകൊണ്ട്‌ ഒരു ഭൂഖണ്ഡ​ത്തിൽനി​ന്നു മറ്റൊ​ന്നി​ലേക്കു പടരാൻ വിമാ​ന​യാ​ത്രകൾ ഇടയാ​ക്കു​ന്നു. ജർമൻ വർത്തമാ​ന​പ​ത്ര​മായ നാസയി​ഷെ നൊയി പ്രെസെ സൂചി​പ്പി​ച്ചു: “അവധിക്കു പോയവർ ആഫ്രിക്ക, ഏഷ്യ, അല്ലെങ്കിൽ തെക്കേ അമേരിക്ക എന്നിവി​ട​ങ്ങ​ളിൽനി​ന്നു കൊണ്ടു​വ​രുന്ന മലേറി​യ​യോ ഹെപ്പ​റ്റൈ​റ്റി​സോ പോലുള്ള ‘വൈ​ദേ​ശിക’ രോഗ​ങ്ങ​ളെ​ക്കു​റി​ച്ചാ​ണു വിശേ​ഷി​ച്ചും ഡോക്ടർമാർ വേവലാ​തി​പ്പെ​ടു​ന്നത്‌. എല്ലാ വർഷവും ഏതാണ്ട്‌ 2,000 ജർമൻകാർ മലേറി​യ​യു​മാ​യി സ്വന്തരാ​ജ്യ​ത്തു മടങ്ങി​യെ​ത്തു​ന്നു.” 1994-ൽ ഇന്ത്യയി​ലു​ണ്ടായ ബ്യൂ​ബോ​ണിക്ക്‌ പ്ലേഗി​നെ​ത്തു​ടർന്ന്‌, അത്‌ മറ്റു രാജ്യ​ങ്ങ​ളി​ലേക്കു പടരാ​തി​രി​ക്കാൻവേണ്ട ശക്തമായ മുൻക​രു​ത​ലു​ക​ളെ​ടു​ത്തി​രു​ന്നു.

വിട്ടു​മാ​റാ​ത്ത ശാരീ​രിക പ്രശ്‌ന​ങ്ങ​ളു​ള്ള​വ​രും അതു​പോ​ലെ​തന്നെ ഗർഭി​ണി​ക​ളും യാത്ര​ചെ​യ്യുന്ന സമയത്തു കൂടുതൽ മുൻക​രു​ത​ലു​ക​ളെ​ടു​ക്കണം. മിക്ക കേസു​ക​ളി​ലും ഇത്തരത്തി​ലു​ള്ള​വർക്കു യാത്ര​യിൽനിന്ന്‌ ഒഴിഞ്ഞു​നിൽക്കാൻ മാത്ര​മുള്ള കാരണ​ങ്ങ​ളൊ​ന്നു​മി​ല്ലെ​ങ്കി​ലും തങ്ങളുടെ ഡോക്ടർമാ​രിൽനിന്ന്‌ അവർ മുൻകൂ​ട്ടി ഉപദേശം തേടണം. യാത്ര​ചെ​യ്യുന്ന എല്ലാവ​രും​തന്നെ, അടിയ​ന്തി​ര​ഘ​ട്ട​ങ്ങ​ളിൽ വന്നെത്താൻ സാധി​ക്കുന്ന ഒരു സുഹൃ​ത്തി​ന്റെ​യോ ബന്ധുവി​ന്റെ​യോ പേര്‌, മേൽവി​ലാ​സം, ടെല​ഫോൺ നമ്പർ എന്നിവ കൂടെ കരുതു​ന്നതു ബുദ്ധി​യാ​യി​രി​ക്കും.

രക്തത്തിലെ പഞ്ചസാ​ര​യു​ടെ അളവ്‌ സമതു​ലി​താ​വ​സ്ഥ​യിൽ നിർത്തു​ന്ന​തി​നു പതിവാ​യി ഇൻസു​ലിൻ കുത്തി​വെപ്പ്‌ ആവശ്യ​മുള്ള ഒരു വ്യക്തി, നിരവധി സമയ​മേ​ഖ​ലകൾ മുറി​ച്ചു​ക​ട​ക്കേണ്ടി വരുന്നത്‌ ആഹാര​ത്തി​ന്റെ​യും കുത്തി​വെ​പ്പി​ന്റെ​യും ശ്രദ്ധാ​പൂർവ​മുള്ള തന്റെ പട്ടികയെ അലങ്കോ​ല​പ്പെ​ടു​ത്തു​മെ​ന്നതു മനസ്സിൽ പിടി​ക്കണം. അയാൾ മുൻകൂ​ട്ടി അതിൻപ്ര​കാ​രം ആസൂ​ത്രണം ചെയ്യണം. ഹൃദയ​ത്തോട്‌ പേസ്‌മേക്കർ ഘടിപ്പി​ച്ചി​ട്ടുള്ള ഒരു യാത്ര​ക്കാ​ര​നാ​ണെ​ങ്കി​ലോ, തന്റെ കാർഡി​യോ​ള​ജി​സ്റ്റി​ന്റെ ഫോൺനമ്പർ കൈവശം ഉണ്ടെന്ന്‌ ഉറപ്പു​വ​രു​ത്തണം.

സർവോ​പ​രി, പ്രത്യേക മരുന്നു​കളെ ആശ്രയി​ക്കു​ന്നവർ, അതു തങ്ങൾ കൂടെ​ക്കൊ​ണ്ടു​ന​ട​ക്കുന്ന ലഗേജി​നോ​ടൊ​പ്പം വെക്കണം. കാരണം, ലഗേജ്‌ നഷ്ടപ്പെ​ടു​ക​യോ തെറ്റായ സ്ഥലത്ത്‌ എത്തി​പ്പെ​ടു​ക​യോ ചെയ്യു​ന്നതു വിപത്‌ക​ര​മാ​യേ​ക്കാം. ഏറെ ദിവസം വസ്‌ത്രം മാറ്റി​യു​ടു​ക്കാ​നി​ല്ലാ​തെ വരുന്നത്‌ അസുഖ​ക​ര​മാ​യി​രു​ന്നേ​ക്കാം; എന്നാൽ ഏതാനും മണിക്കൂ​റു​കൾ പോലും ആവശ്യ​മായ മരുന്നി​ല്ലാ​തെ വരുന്നതു ജീവനെ അപകട​പ്പെ​ടു​ത്തി​യേ​ക്കാം.

അവധി​ക്കാ​ല യാത്ര​യി​ലെ അപകട​ങ്ങളെ നിസ്സാ​രീ​ക​രി​ക്കാ​വു​ന്നതല്ല. എങ്കിലും, പേടിച്ചു വീട്ടിൽതന്നെ കഴിയാൻ മാത്ര​മുള്ള യാതൊ​രു കാരണ​വും ഇല്ലതാ​നും. ജാഗ്ര​ത​യു​ള്ള​വ​രാ​യി​രി​ക്കുക എന്നുമാ​ത്രം. ഓർക്കുക: ഉചിത​മായ തയ്യാ​റെ​ടുപ്പ്‌, സംഭവി​ക്കാ​നി​ട​യുള്ള ആപത്തു​കളെ ചെറു​ക്കാൻ സഹായി​ക്കും. ബുദ്ധി​പൂർവ​മായ ഈ ഉപദേശം പിൻതു​ട​രുക: “സൂക്ഷ്‌മ​ബു​ദ്ധി അനർഥം വരുന്നതു കണ്ട്‌ പതുങ്ങി​ക്കി​ട​ക്കു​ന്നു; അൽപ്പബു​ദ്ധി​യോ നേരെ ചെന്നു വില​യൊ​ടു​ക്കു​ന്നു.”—സദൃശ​വാ​ക്യ​ങ്ങൾ 22:3, ദ ന്യൂ ഇംഗ്ലീഷ്‌ ബൈബിൾ.

[അടിക്കു​റിപ്പ്‌]

[7-ാം പേജിലെ ചിത്രം]

അവധിക്കാലത്തു നിങ്ങൾ ഭക്ഷിക്കു​ന്നതു സംബന്ധി​ച്ചു ജാഗ്രത പുലർത്തു​ക