സുവാർത്ത സമർപ്പി​ക്കൽ—സായാ​ഹ്ന​മ​ണി​ക്കൂ​റു​ക​ളിൽ

¹ യേശു​ക്രി​സ്‌തു​വി​ന്റെ ആദിമ ശിഷ്യൻമാ​രിൽ ചില​രോട്‌ “നിങ്ങൾ യെരു​ശ​ലേ​മി​നെ നിങ്ങളു​ടെ ഉപദേ​ശം​കൊ​ണ്ടു നിറച്ചി​രി​ക്കു​ന്നു”വെന്ന്‌ യഹൂദ മഹാപു​രോ​ഹി​തൻ പറയു​ക​യു​ണ്ടാ​യി. (പ്രവൃ. 5:28) സഹോ​ദ​രൻമാർ ആ നഗരത്തിൽ സാക്ഷീ​ക​രി​ക്കുന്ന നല്ല വേല ചെയ്‌തി​രു​ന്നു​വെന്ന്‌ സ്‌പഷ്ട​മാണ്‌. തങ്ങളുടെ പ്രദേ​ശത്തെ സകല​രെ​യും സമീപി​ക്കു​ന്ന​തിന്‌ അവർ ഉത്സാഹ​പൂർവം പ്രവർത്തി​ച്ചു​വെ​ന്ന​തിന്‌ സംശയ​മില്ല. അവർ അവി​ടെ​യും മററു​ള​ള​ട​ങ്ങ​ളി​ലും ഒരു പൂർണ്ണ​സാ​ക്ഷ്യം കൊടു​ക്കു​ന്ന​തിൽ തുടർന്നു.—പ്രവൃ. 8:25.

² ഇന്ന്‌ അനേകം പ്രദേ​ശ​ങ്ങളെ നമ്മൾ സത്യത്തി​ന്റെ ഉപദേ​ശം​കൊണ്ട്‌ നിറച്ചി​ട്ടുണ്ട്‌. പ്രസാ​ധ​ക​രിൽ ഒരു വിശി​ഷ്ട​മായ വർദ്ധന​വും സഭകളു​ടെ എണ്ണത്തിൽ അതിന​നു​രൂ​പ​മായ വർദ്ധന​വും ഉണ്ടായി​ട്ടുണ്ട്‌. പ്രദേ​ശങ്ങൾ ചെറു​താ​യി​ത്തീർന്നി​രി​ക്കു​ന്നു, കൂടുതൽ കൂടെ​ക്കൂ​ടെ പ്രവർത്തി​ച്ചു​തീർക്കു​ന്നു​മുണ്ട്‌. സുവാർത്ത​യു​മാ​യി കൂടുതൽ ആളുകളെ സമീപി​ക്കു​ന്ന​തിന്‌ നാം നമ്മുടെ പ്രദേ​ശത്തെ വികസി​പ്പി​ക്കേ​ണ്ട​താ​വ​ശ്യ​മാ​യി​ത്തീർന്നി​രി​ക്കു​ന്നു.

സായാ​ഹ്ന​സാ​ക്ഷീ​ക​ര​ണ​ത്തി​ന്റെ പ്രയോ​ജ​ന​ങ്ങൾ

³ സായാ​ഹ്ന​മ​ണി​ക്കൂ​റു​ക​ളിൽ ഭവനങ്ങൾ സന്ദർശി​ച്ചു​കൊണ്ട്‌ തങ്ങളുടെ പ്രദേശം ഫലത്തിൽ വികസി​പ്പി​ക്കാൻക​ഴി​യു​മെന്ന്‌ അനേകം പ്രസാ​ധകർ കണ്ടെത്തി​യി​ട്ടുണ്ട്‌. ആ സമയത്ത്‌ സാധാ​ര​ണ​യാ​യി വീട്ടിൽ കാണാത്ത അനേകം വീട്ടു​കാ​രെ സമീപി​ക്കാൻ അവർക്കു കഴിഞ്ഞി​ട്ടുണ്ട്‌. സായാ​ഹ്ന​ത്തിൽ സന്ദർശി​ക്കു​മ്പോൾ തങ്ങളുടെ പ്രദേ​ശത്ത്‌ മിക്കവാ​റും എല്ലാ വീടു​ക​ളി​ലും ആരെ​യെ​ങ്കി​ലും കണ്ടതായി പ്രസാ​ധകർ റിപ്പോർട്ടു​ചെ​യ്‌തി​രി​ക്കു​ന്നു. കൂടുതൽ ആളുകൾ വീട്ടി​ലു​ണ്ടെന്നു മാത്രമല്ല, അവർ ഒരു സ്വസ്ഥമായ പ്രകൃ​ത​ത്തി​ലും നമ്മുടെ സന്ദേശം ശ്രദ്ധി​ക്കാൻ സന്നദ്ധരു​മാണ്‌. സായാ​ഹ്ന​സാ​ക്ഷീ​കരണ ക്രമീ​ക​ര​ണ​ങ്ങ​ളേർപ്പെ​ടു​ത്തു​ന്ന​തിന്‌ അനേകം സഭകളെ സഹായി​ക്കാൻ സർക്കിട്ട്‌ മേൽവി​ചാ​ര​കൻമാർക്ക്‌ കഴിഞ്ഞി​ട്ടുണ്ട്‌. സർക്കിട്ട്‌ മേൽവി​ചാ​ര​കൻമാ​രു​ടെ സന്ദർശ​ന​വേ​ള​യിൽ ബുധനാ​ഴ്‌ച​യി​ലെ ഈ ക്രമമായ സായാ​ഹ്ന​സ​വി​ശേ​ഷ​തയെ പിന്താ​ങ്ങാൻ എല്ലാ പ്രസാ​ധ​ക​രും പ്രോൽസാ​ഹി​പ്പി​ക്ക​പ്പെ​ടു​ന്നു.

⁴ നിങ്ങളു​ടെ പ്രദേ​ശത്ത്‌ സായാ​ഹ്ന​മ​ണി​ക്കൂ​റു​ക​ളിൽ സാക്ഷീ​ക​രി​ക്കു​ന്നത്‌ നിങ്ങൾ പരീക്ഷി​ച്ചു​നോ​ക്കി​യി​ട്ടു​ണ്ടോ? വേനൽക്കാ​ലത്ത്‌ സൂര്യൻ താമസി​ച്ചു അസ്‌ത​മി​ക്കു​ന്ന​തു​കൊണ്ട്‌ സാധാ​ര​ണ​യിൽ കൂടുതൽ ദീർഘി​ച്ചു​പ്ര​വർത്തി​ക്കാൻ നമുക്ക്‌ അവസര​മുണ്ട്‌. സായാ​ഹ്ന​ത്തി​ന്റെ ഒരു ഭാഗം വീടു​തോ​റു​മു​ളള സാക്ഷീ​ക​ര​ണ​ത്തി​നോ ആളില്ലാ​വീ​ടു​കളെ സന്ദർശി​ക്കു​ന്ന​തി​നോ ഉപയോ​ഗി​ക്കാ​വു​ന്ന​താണ്‌. അനന്തരം സായാ​ഹ്ന​ത്തിൽ കുറേ​ക്കൂ​ടെ കഴിഞ്ഞ്‌ നമുക്ക്‌ മടക്കസ​ന്ദർശ​നങ്ങൾ നടത്താ​നോ ഒരു ബൈബി​ള​ദ്ധ്യ​യനം നടത്താ​നോ കഴിയും. വർഷത്തിൽ പിൽക്കാ​ലത്ത്‌ പകൽമ​ണി​ക്കൂ​റു​കൾ കൂടുതൽ പരിമി​ത​മാ​യി​രി​ക്കു​മ്പോൾപോ​ലും നേര​ത്തെ​യു​ളള സായാ​ഹ്ന​മ​ണി​ക്കൂ​റു​കൾ വീടു​തോ​റു​മു​ളള സാക്ഷീ​ക​ര​ണ​ത്തിന്‌ ഉപയോ​ഗി​ക്കാൻ നമുക്ക്‌ കഴി​ഞ്ഞേ​ക്കും. തീർച്ച​യാ​യും നാം ഒരു സുബോ​ധ​മ​ന​സ്സി​ന്റെ ആത്മാവ്‌ ഉപയോ​ഗി​ക്കേ​ണ്ട​തുണ്ട്‌. വിശേ​ഷിച്ച്‌ ഇരുണ്ട​ശേഷം സുരക്ഷി​ത​ത്വ​മി​ല്ലാത്ത പ്രദേ​ശ​ങ്ങ​ളിൽ നാം വിവേചന പ്രകട​മാ​ക്കണം.

പരിഗ​ണ​ന​യു​ള​ള​വ​രാ​യി​രി​ക്കുക

⁵ സായാ​ഹ്ന​സാ​ക്ഷീ​ക​ര​ണ​ത്തിൽ വിജയ​പ്ര​ദ​രാ​യി​രി​ക്കു​ന്ന​തിന്‌ നാം ചില അടിസ്ഥാന ആശയങ്ങൾ മനസ്സിൽ പിടി​ക്കേ​ണ്ട​തുണ്ട്‌. ദൃഷ്ടാ​ന്ത​ത്തിന്‌, ചില പ്രദേ​ശ​ങ്ങ​ളി​ലെ ആളുകൾ വൈകു​ന്നേ​രത്ത്‌ അപ്രതീ​ക്ഷി​ത​സ​ന്ദർശകർ വരുന്ന​തി​നെ ഭയപ്പെ​ട്ടേ​ക്കാ​മെ​ന്നു​ള​ള​തു​കൊണ്ട്‌ നാം നമ്മുടെ മുഖവു​ര​ക​ളിൽ ഊഷ്‌മ​ള​ത​യും സൗഹൃ​ദ​വു​മു​ള​ള​വ​രാ​യി​രി​ക്കു​ക​യും നമ്മുടെ സന്ദർശ​ന​ത്തി​ന്റെ ഉദ്ദേശ്യം പെട്ടെന്ന്‌ വ്യക്തമാ​ക്കു​ക​യും വേണം. വീട്ടു​കാ​രു​ടെ ക്ഷേമത്തിൽ നമുക്ക്‌ യഥാർത്ഥ താത്‌പ​ര്യം പ്രകട​മാ​ക്കാൻ കഴിയു​മെ​ങ്കിൽ, അവർക്ക്‌ കൂടുതൽ സുഖം തോന്നാ​നി​ട​യുണ്ട്‌, തുറന്നു​സം​സാ​രി​ക്കാൻ കൂടുതൽ ചായ്‌വു​ള​ള​വ​രു​മാ​യി​രി​ക്കാം.

⁶ ചില സ്ഥലങ്ങളിൽ വീട്ടു​കാർ തങ്ങളുടെ സുരക്ഷി​ത​ത്വം​കാ​ക്കാൻ നടപടി​കൾ എടുത്തി​ട്ടുണ്ട്‌. ഇത്‌ നാം ഒരു ഇൻറർകോം ഉപയോ​ഗി​ക്കേ​ണ്ട​താ​വ​ശ്യ​മാ​ക്കി​ത്തീർത്തേ​ക്കാം അല്ലെങ്കിൽ അടച്ചി​ട്ടി​രി​ക്കുന്ന വാതി​ലി​ലൂ​ടെ​യാ​യി​രി​ക്കാം വീട്ടു​കാർ സംസാ​രി​ക്കു​ന്നത്‌. അല്ലെങ്കിൽ കതകിലെ ഒരു ദ്വാര​ത്തി​ലൂ​ടെ നമ്മെ കാണാൻ ആഗ്രഹി​ച്ചേ​ക്കാം. വീട്ടു​കാ​രൻ ചെയ്‌തി​രി​ക്കുന്ന ക്രമീ​ക​ര​ണ​ങ്ങളെ നാം ആദരി​ക്കു​ന്ന​തി​നാൽ നാം അയാൾക്കു പങ്കു​വെ​ക്കാ​നാ​ഗ്ര​ഹി​ക്കുന്ന സത്യങ്ങളെ ശ്രദ്ധി​ക്കാൻ അയാൾ കൂടുതൽ സമ്മതം പ്രകട​മാ​ക്കി​യേ​ക്കാം.

⁷ അനേകം സഭകൾ വാരത്തിൽ ഒന്നോ രണ്ടോ സായാ​ഹ്ന​ങ്ങ​ളിൽ കൂട്ട സാക്ഷീ​ക​രണം പട്ടിക​പ്പെ​ടു​ത്തി​യി​ട്ടുണ്ട്‌. ഇത്‌ മുഴു​സമയ ലൗകി​ക​ജോ​ലി​യു​ളള പ്രസാ​ധ​കർക്ക്‌ ശുശ്രൂ​ഷ​യിൽ പങ്കെടു​ക്കു​ന്ന​തി​നും പൊരു​ത്ത​മി​ല്ലാത്ത ജോലി​പ്പ​ട്ടി​കകൾ നിമിത്തം മുമ്പൊ​രി​ക്ക​ലും കൂടെ പ്രവർത്തി​ച്ചി​ട്ടി​ല്ലാത്ത ചില പ്രസാ​ധ​ക​രോ​ടൊത്ത്‌ പ്രവർത്തി​ക്കു​ന്ന​തി​നു​പോ​ലും വർദ്ധിച്ച അവസരം കൊടു​ത്തി​രി​ക്കു​ന്നു. സായാ​ഹ്ന​സാ​ക്ഷീ​ക​രണം ചില പ്രസാ​ധ​കർക്ക്‌ വയൽശു​ശ്രൂ​ഷ​യിൽ ചെലവ​ഴി​ക്കുന്ന സമയത്തി​ന്റെ അളവു വർദ്ധി​പ്പി​ക്കുക സാദ്ധ്യ​മാ​ക്കി​യി​രി​ക്കു​ന്നു. ഇത്‌ ക്രമത്തിൽ അവർ മററു​ള​ള​വർക്ക്‌ സുവാർത്ത പങ്കു​വെ​ക്കു​ന്ന​തിൽ കൂടുതൽ പ്രാപ്‌ത​രാ​യി​ത്തീ​രു​ന്ന​തി​ലേക്കു നയിച്ചി​രി​ക്കു​ന്നു. കൂടാതെ മുമ്പ്‌ യഹോ​വ​യു​ടെ സാക്ഷി​കളെ ശ്രദ്ധി​ച്ചി​ട്ടി​ല്ലാത്ത വ്യക്തി​കളെ സമീപി​ച്ച​തി​ന്റെ ഫലമായി കൂടുതൽ ബൈബി​ള​ദ്ധ്യ​യ​നങ്ങൾ തുടങ്ങി​യി​ട്ടുണ്ട്‌.

⁸ സായാ​ഹ്ന​സാ​ക്ഷീ​ക​ര​ണ​ത്തിൽ പങ്കെടു​ക്കു​ന്ന​തും “സുവി​ശേ​ഷ​കന്റെ വേല ചെയ്യു​ന്നതി”നുളള ഈ വർദ്ധിച്ച അവസരത്തെ ആസ്വദി​ക്കു​ന്ന​തും നിങ്ങൾക്ക്‌ സാദ്ധ്യ​മാ​യി​രി​ക്കു​മോ? (2 തിമൊ. 4:5) ആ ചോദ്യ​ത്തിന്‌ നമ്മിൽ കൂടുതൽ പേർക്ക്‌ ഉവ്വ്‌ എന്ന്‌ ഉത്തരം പറയാൻ കഴിയു​മെ​ങ്കിൽ, ഒരുപക്ഷേ നാമും നമ്മുടെ പ്രദേ​ശത്തെ സത്യം​കൊ​ണ്ടു നിറക്കു​ന്ന​തിൽ മെച്ചമാ​യി പ്രവർത്തി​ക്കു​ന്ന​താ​യി​രി​ക്കും.