മററു​ള​ള​വ​രോ​ടൊ​പ്പം പ്രവർത്തി​ക്കു​ന്ന​തിൽനി​ന്നു വരുന്ന അനു​ഗ്ര​ഹ​ങ്ങൾ

¹ ശുശ്രൂ​ഷ​യിൽ മററു​ള​ള​വ​രോ​ടാ​പ്പം പ്രവർത്തി​ക്കു​ന്ന​തി​നാൽ അനു​ഗ്ര​ഹങ്ങൾ ആസ്വദി​ക്കാ​മെന്നു നിങ്ങൾക്കു തോന്നു​ന്നു​ണ്ടോ? യേശു​വിന്‌ അങ്ങനെ തോന്നി. കൊയ്‌ത്തു വളരെ​യും വേലക്കാർ ചുരു​ക്ക​വു​മാ​യി​രു​ന്നെ​ങ്കി​ലും അവൻ 70 ശിഷ്യൻമാ​രെ “ഈരണ്ടാ​യി” വയലി​ലേ​ക്ക​യച്ചു. ‘അവൻ ചെല്ലു​വാ​നു​ളള ഓരോ പട്ടണത്തി​ലും സ്ഥലത്തും’ പ്രസം​ഗി​ച്ചു​കൊണ്ട്‌ അവർ എത്ര പ്രതി​ഫ​ല​ദാ​യ​ക​മായ ഒരു സമയമാണ്‌ ആസ്വദി​ച്ചത്‌!—ലൂക്കൊ. 10:1, 17; മത്താ. 9:37.

² മററു​ള​ള​വ​രോ​ടൊ​പ്പം പ്രവർത്തി​ക്കു​ന്നതു പ്രേര​ണാ​ത്മ​ക​മാണ്‌. നമ്മിൽ ചിലർ നാണം​കു​ണു​ങ്ങി​ക​ളാണ്‌, അതിനാൽ അപരി​ചി​തരെ അഭിമു​ഖീ​ക​രി​ക്കു​ന്നതു ബുദ്ധി​മു​ട്ടു​ള​ള​താ​യി കണ്ടെത്തു​ന്നു. നമ്മുടെ അരികിൽ ആരെങ്കി​ലും ഒരാൾ ഉണ്ടായി​രി​ക്കു​ന്നത്‌ ദൈവ​ത്തി​ന്റെ വചനം ധൈര്യ​ത്തോ​ടെ സംസാ​രി​ക്കു​ന്ന​തി​നു നമുക്ക്‌ ആത്മവി​ശ്വാ​സം തരുന്നു. ആരെങ്കി​ലും നമ്മോ​ടൊ​പ്പം ഉളള​പ്പോൾ നാം പരിശീ​ലി​പ്പി​ക്ക​പ്പെട്ട വിധത്തിൽ വേല നിർവ​ഹി​ക്കു​ന്ന​തിന്‌ എളുപ്പ​മാ​യി​രി​ക്കും. (സദൃ. 27:17) ജ്ഞാനി​യായ മനുഷ്യൻ പറഞ്ഞു: “ഒരുവ​നെ​ക്കാൾ ഇരുവർ ഏറെ നല്ലതു.”—സഭാ. 4:9.

³ വ്യത്യ​സ്‌ത​ത​ര​ത്തി​ലു​ളള പ്രസാ​ധ​ക​രോ​ടും പയനി​യർമാ​രോ​ടു​മൊ​പ്പം പ്രവർത്തി​ക്കു​ന്നതു നല്ലതാണ്‌. അപ്പോ​സ്‌ത​ല​നായ പൗലോ​സി​ന്റെ സേവന കൂട്ടാ​ളി​ക​ളിൽ ബർന്നബാസ്‌, ശീലാസ്‌, തിമോ​ത്തി, യോഹ​ന്നാൻ മർക്കോസ്‌ എന്നിവർ ഉൾപ്പെ​ട്ടി​രു​ന്നു, ഒരുമി​ച്ചു പ്രസം​ഗി​ച്ച​പ്പോൾ അവർ അനേകം അനു​ഗ്ര​ഹങ്ങൾ ആസ്വദി​ച്ചു. അതുതന്നെ ഇന്നും സത്യമാ​യി​രി​ക്കാൻ കഴിയും. ദീർഘ​നാ​ളാ​യി സത്യത്തി​ലു​ളള ആരോ​ടെ​ങ്കി​ലു​മൊ​പ്പം നിങ്ങൾ പ്രവർത്തി​ച്ചി​ട്ടു​ണ്ടോ? സാക്ഷ്യം കൊടു​ക്കു​ന്ന​തി​നു​ളള അദ്ദേഹ​ത്തി​ന്റെ വൈദ​ഗ്‌ധ്യം നിരീ​ക്ഷിച്ച ശേഷം നിങ്ങളെ മെച്ച​പ്പെ​ടാൻ സഹായിച്ച ചില ആശയങ്ങൾ സാധ്യ​ത​യ​നു​സ​രി​ച്ചു നിങ്ങൾ നേടി​യെ​ടു​ത്തി​ട്ടുണ്ട്‌. താരത​മ്യേന പുതിയ പ്രസാ​ധ​ക​രോ​ടൊ​പ്പം നിങ്ങൾ പ്രവർത്തി​ച്ചി​ട്ടു​ണ്ടോ? എങ്കിൽ നിങ്ങൾ പഠിച്ച കാര്യ​ങ്ങ​ളിൽ ചിലത്‌ അവരു​മാ​യി പങ്കു​വെ​ക്കു​ക​യും അങ്ങനെ കൂടുതൽ ഫലപ്ര​ദ​രാ​യി​ത്തീ​രു​ന്ന​തി​നും ശുശ്രൂ​ഷ​യിൽ വർധിച്ച സന്തോഷം കണ്ടെത്തു​ന്ന​തി​നും അവരെ സഹായി​ക്കു​ക​യും ചെയ്‌തി​ട്ടുണ്ട്‌.

⁴ നിങ്ങൾ നിലവിൽ ഒരു ബൈബി​ള​ധ്യ​യനം നടത്തു​ന്നു​വോ? എങ്കിൽ, മൂപ്പൻമാ​രി​ലൊ​രാ​ളെ​യോ സർക്കിട്ട്‌ മേൽവി​ചാ​ര​ക​നെ​യോ നിങ്ങ​ളോ​ടൊ​പ്പം പോരു​ന്ന​തിന്‌ എന്തു​കൊ​ണ്ടു ക്ഷണിച്ചു​കൂ​ടാ? മേൽവി​ചാ​ര​കൻമാ​രു​മാ​യി പരിച​യ​ത്തി​ലാ​കു​ന്നതു നമ്മുടെ ബൈബിൾ വിദ്യാർഥി​കൾക്കു പ്രയോ​ജ​ന​ക​ര​മാണ്‌. ഒരു മൂപ്പന്റെ സാന്നി​ധ്യ​ത്തിൽ അധ്യയനം നടത്താൻ നിങ്ങൾക്കു മടിയാ​ണെ​ങ്കിൽ, നിങ്ങളെ നിരീ​ക്ഷി​ക്കാൻ അനുവ​ദി​ച്ചു​കൊണ്ട്‌ അധ്യയനം നടത്താൻ അദ്ദേഹം ഒരുപക്ഷേ മനസ്സൊ​രു​ക്ക​മു​ള​ള​വ​നാ​യി​രി​ക്കും. അതിനു​ശേഷം, കൂടുതൽ വേഗത്തിൽ പുരോ​ഗ​മി​ക്കാൻ വിദ്യാർഥി​യെ സഹായി​ക്കാൻ നിങ്ങൾക്കെ​ങ്ങനെ കഴിയും എന്നതി​നു​ളള നിർദേ​ശങ്ങൾ അദ്ദേഹ​ത്തോ​ടു ചോദി​ക്കാൻ മടിക്ക​രുത്‌.

⁵ മററു​ള​ള​വ​രോ​ടൊ​പ്പം പ്രവർത്തി​ക്കു​മ്പോൾ പ്രോ​ത്സാ​ഹ​ജ​ന​ക​നായ ഒരു തുണയാ​യി​രി​ക്കുക. പ്രദേ​ശത്തെ സംബന്ധി​ച്ചു​ളള നിങ്ങളു​ടെ അഭി​പ്രാ​യ​ങ്ങ​ളിൽ ക്രിയാ​ത്മക വീക്ഷണം പുലർത്തുക. ഒരിക്ക​ലും മററു​ള​ള​വരെ സംബന്ധി​ച്ചു കുശു​കു​ശു​ക്ക​യോ അല്ലെങ്കിൽ സഭാ ക്രമീ​ക​ര​ണങ്ങൾ സംബന്ധി​ച്ചു പരാതി​പ്പെ​ടു​ക​യോ ചെയ്യരുത്‌. നിങ്ങളു​ടെ മനസ്സ്‌ ശുശ്രൂ​ഷ​യി​ലും യഹോ​വ​യിൽനി​ന്നു​ളള അനു​ഗ്ര​ഹ​ങ്ങ​ളി​ലും കേന്ദ്രീ​ക​രി​ക്കുക. അങ്ങനെ ചെയ്യു​ന്നെ​ങ്കിൽ, നിങ്ങളും നിങ്ങളു​ടെ സുഹൃ​ത്തു​ക്ക​ളും ആത്മീയ നവോൻമേ​ഷ​ത്തോ​ടെ​യാ​യി​രി​ക്കും വീട്ടിൽ തിരി​ച്ചെ​ത്തുക.

⁶ നിങ്ങളു​ടെ സാഹച​ര്യ​ങ്ങൾ ഒരുപക്ഷേ മററു സഹോ​ദ​രൻമാ​രോ​ടും സഹോ​ദ​രി​മാ​രോ​ടു​മൊ​പ്പം ക്രമമാ​യി പ്രവർത്തി​ക്കാൻ ബുദ്ധി​മു​ട്ടു​ള​ള​താ​ക്കി​ത്തീർത്തേ​ക്കാം. എന്നിരു​ന്നാ​ലും, സാധ്യ​മെ​ങ്കിൽ മറെറാ​രു പ്രസാ​ധ​ക​നോ​ടൊ​പ്പം പ്രവർത്തി​ക്കു​ന്ന​തിന്‌ എന്തു​കൊ​ണ്ടു കുറച്ചു സമയം ക്രമീ​ക​രി​ച്ചു​കൂ​ടാ? നിങ്ങൾ ഇരുവ​രും അനു​ഗ്ര​ഹി​ക്ക​പ്പെ​ടും!—റോമ. 1:11, 12.